ເບິ່ງຍິງຍາມທຸກເບິ່ງຊາຍຍາມມີ ຄູ່ນີ້ພິສູດແລ້ວຮັກແທ້ມີຢູ່ຈີງ

ເບິ່ງຍິງຍາມທຸກເບິ່ງຊາຍຍາມມີ ຄູ່ນີ້ພິສູດແລ້ວຮັກແທ້ມີຢູ່ຈີງ

26th January 2021 0 By Education

ເປັນຄູ່ຮັກຄູ່ສ້າງຄູ່ສົມຕ້ອງອົດທົນຮ່ວມທຸກຮ່ວມສຸກນຳກັນບໍ່ວ່າຍາມສິ້ນເນື້ອປະດາຕົວຫຼືຮັ່ງມີສີສຸກ, ແອັດເຊື່ອເລີຍວ່າມີຫຼາຍຄູ່ຖ້າເປັນໜີ້ຫຼາຍຄືກັບຄູ່ນີ້ຄົງມີບັນຫາກັນທຸກມື້ຍ້ອນຖຽງກັນເລື່ອງໃຊ້ໜີ້, ການຫາເງິນທີ່ບໍ່ເທົ່າກັນ ນັ້ນຍັງບໍ່ນັບເລື່ອງລາວອື່ນໆທີ່ເກີດຂຶ້ນໃນແຕ່ລະວັນອີກ.

ຄູ່ທີ່ແອັດຍົກມານີ້ເປັນຄູ່ຮັກຄົນບັນເທິງທີ່ພິສູດຮັກແທ້ມາໄດ້ 16 ປິ ແຖມໜີ້ອີກ 48 ລ້ານບາດ ທັງສອງເຖິງກັບບໍ່ມີເງິນຈ່າຍຄ່າໄຟ, ຄ່ານ້ຳຈະວ່າຫຍັງກັບໜີ້ລາຍເດືອນທີ່ຕ້ອງໃຊ້ອີກ.

ຄູ່ຮັກຂອງຈຽບກັບບອຍໄດ້ເລົ່າວ່າ ເມື່ອຕ້ອງເປັນໜີ້ 48 ລ້ານບາດທັງສອງຕ້ອງເກັບເອົາຊັບສິນທັງໝົດໄປຂາຍມາໃຊ້ໜີ້ຜ່ອນຊຳລະດອກເບ້ຍລາຍວັນ, ຜົວເມຍລົມກັນໃຫ້ຮັບງານທຸກຢ່າງໃຫ້ໄດ້ເງິນມາຕື່ມໃຫ້ກັນຈົນສາມາດຈ່າຍໜີ້ໝົດໃນທີ່ສຸດ.

ສາວຈຽບບອກວ່າ ຕ້ອງຂອບໃນໜີ້ສີນພວກນັ້ນ ແລະທຸກບັນຫາທີ່ຖາຖົມເຂົ້າມາຈິ່ງເປັນສິ່ງພິສູດໄດ້ວ່າ ທັງສອງຕ່າງກໍມີຄວາມມຸ້ງໝັ້ນຈະສ້າງຄອບຄົວຮ່ວມກັນ ອັນສຳຄັນໄດ້ເຮັດໃຫ້ທັງສອງຮັກກັນຫຼາຍກວ່າເກົ່າທີ່ຜ່ານມາ.

ຕະຫຼອດເວລາທີ່ທັງສອງຄົນສູ້ຊົນບັນຫາຮ່ວມກັນມາບໍ່ວ່າວັນໃດຕ່າງຄົນຕ່າງກໍ່ໃຫ້ກຳລັງໃຈແກ່ກັນແລະກັນ ການໃຊ້ຊີວິດໃນແຕ່ລະວັນຕ້ອງໄດ້ຈັດລະບົບໃໝ່ ບາງຢ່າງທີ່ກ່ອນໜ້ານັ້ນຕ້ອງຈ້າງຄົນເຮັດກໍ່ຕ້ອງມາລົງມືເອງ ອາຫານການກິນທີ່ແຕ່ຕ້ອງຊື້ຈາກຮ້ານກໍຕ້ອງລົງຄົວແຕ່ງກິນເອງ ຈະເວົ້າໄປແລ້ວບັນຫາທຸກຢ່າງເຮັດໃຫ້ທັງສອງຄົນເຕີບໂຕເປັນຜູ້ໃຫຍ່ຫຼາຍຂຶ້ນ.