ເຕືອນໄພ! ສາວຖືກແອບຖ່າຍໃນຫ້ອງນໍ້າເຮືອນໂຕເອງ ຈັບໄດ້ໂຈນຢູ່ໃກ້ຕົວແຖມເຊື່ອງກ້ອງໄວ້ໃນສິ່ງນີ້

ເຕືອນໄພ! ສາວຖືກແອບຖ່າຍໃນຫ້ອງນໍ້າເຮືອນໂຕເອງ ຈັບໄດ້ໂຈນຢູ່ໃກ້ຕົວແຖມເຊື່ອງກ້ອງໄວ້ໃນສິ່ງນີ້

26th January 2021 0 By Education

ເລື່ອງລາວທີ່ແອັດນໍາມາບອກຕໍ່ໃນມື້ນີ້ເປັນເຫດການທີ່ເກີດຂຶ້ນຢູ່ປະເທດໄທ ແຕ່ຍ້ອນເຫັນມັນເປັນເລື່ອງໃກ້ຕົວ ທີ່ທຸກຄົນຄວນລະວັງ ຈຶ່ງຢາກຍົກຂຶ້ນມາເປັນອຸທາຫອນເຕືອນສະຕິທຸກຄົນ ໂດຍສະເພາະແມ່ນແມ່ຍິງ ທີ່ຕ້ອງລະວັງຕົວເປັນພິເສດ ເພາະໂຈນສະໄໝນີ້ມັນມາທຸກຮູບແບບ.

ໂດຍເຫດອຸທາຫອນນີ້ເກີດຂຶ້ນຢູ່ເຮືອນເຊົ່າຂອງນັກສຶກສາແຫ່ງໜຶ່ງຢູ່ປະເທດໄທ ໄດ້ກວດພົບໂທລະສັບເຊື່ອງໄວ້ຢູ່ຫຼັງແວານໃນຫ້ອງນໍ້າ ໂດຍເຫດເກີດຂຶ້ນເມື່ອວັນທີ 21 ມັງກອນ 2021 ທີ່ຜ່ານມາ.

ສາວນັກສຶກສາເລົ່າວ່າ ໃນແວ່ນພົບເປັນໂທລະສັບຊໍາຊຸງສີດໍາ ບໍ່ມີຝາຫຼັງ, ບໍ່ມີໝາຍເລກຊິມກາດ ແຕ່ໄດ້ເຊື່ອມຕໍ່ອິນເຕີເນັດໄຮ້ສາຍຂອງເຮືອນໄວ້ ຕອນທີ່ພົບແບັດເຕີຣີໂທລະສັບໝົດ ຈຶ່ງເອົາໂທລະສັບໄປສາກໄວ້ ເມື່ອເປີດເຄື່ອງພົບວ່າໄດ້ມີການເປີດແອັບ Alfred Camera  ເປັນແອັບກ້ອງວົງຈອນປິດອອນລາຍ ເຊິ່ງຊື່ອີເມວທີ່ເຊື່ອມຕໍ່ເປັນຊື່ຂອງໝູ່ຜູ້ຊາຍທີ່ເຄີຍມາພັກຢູ່ເຮືອນນໍາປະມານ 3ຄັ້ງ ຈຶ່ງໄດ້ໄປຫາທີ່ເຮືອນເພື່ອຖາມວ່າເປັນເຈົ້າຂອງໂທລະສັບເຄື່ອງນີ້ບໍ່ ໂດຍໝູ່ຄົນນີ້ກໍ່ຍອມຮັບວ່າລືມໂທລະສັບໄວ້ບໍລິເວນຫຼັງແວ່ນພາຍໃນຫ້ອງນໍ້າໃນເຮືອນຂອງສອງສາວນີ້ ຜູ້ເສຍຫາຍຈຶ່ງໄດ້ເຂົ້າແຈ້ງຄວາມກັບເຈົ້າໜ້າທີ່ຕໍາຫຼວດໄວ້ ແລະ ຈະເອີ້ນຜູ້ຕ້ອງສົງໃສມາສອບປາກຄໍາຕໍ່ໄປ.

ທັ້ງນີ້ ໜຶ່ງໃນສາວນັກສຶກສາຜູ້ເສຍຫາຍ ໄດ້ພາໄປເບິ່ງແວານໃນຫ້ອງນໍ້າທີ່ເປັນພລາສຕິກ ມີຮອຍເຈາະຮູໄວ້ປະມານ 3 ມິນລີແມັດ ໂດຍມືຖືຈະຖ່າຍເຫັນທັງໝົດ ຖ້າມີການເຮັດຫຍັງຢູ່ໃນຫ້ອງນໍ້າ ໂດຍມືຖືເຄື່ອງນີ້ຄ້າຍຄືກັບກ້ອງວົງຈອນປິດ ຈາກນັ້ນໄດ້ລອງໃຊ້ມືຖືເຄື່ອງອື່ນທີ່ເຊື່ອມຕໍ່ອິນເຕີເນັດເປີດເບິ່ງ ພົບວ່າສາມາດບັນທຶກພາບໄດ້ທັງໝົດ. ເຊິ່ງຄາດວ່າໜ້າຈະມີການນໍາມາຕິດຕັ້ງພາຍໃນຫ້ອງນໍ້າບໍ່ຕໍ່າກວ່າ 3 ເດືອນ.

ຈຶ່ງຢາກເຕືອນ ເຖິງແມ່ນວ່າຈະເປັນຫ້ອງນໍ້າຂອງເຮືອນເຮົາກໍ່ຕ້ອງສໍາຫຼວດໃຫ້ດີ ບໍ່ສາມາດໄວ້ໃຈໃຜໄດ້ ສ່ວນທາງກົດໝາຍແມ່ນຕ້ອງໃຫ້ເຈົ້າໜ້າທີ່ຕໍາຫຼວເສືບສວນ ແລະ ເໍາເນີນການຕໍ່ໄປ.