ແປກ! ຊາວບ້ານບອກເສົາສັນຍານເຮັດໃຫ້ແມ່ແທ້ງລູກເຖິງ 5 ຄົນ

ແປກ! ຊາວບ້ານບອກເສົາສັນຍານເຮັດໃຫ້ແມ່ແທ້ງລູກເຖິງ 5 ຄົນ

27th January 2021 0 By Education

ເປັນເລື່ອງລາວໜ້າເຫຼືອເຊື່ອ ແຕ່ຊາວບ້ານກໍ່ວ່າກັນໄປແລ້ວວ່າຍ້ອນເສົາສັນຍານໂທລະສັບນັ້ນແລທີ່ເຮັດໃຫ້ແມ່ເຖິງ 5 ຄົນຕ້ອງສູນເສຍລູກໃນທ້ອງໄປ ຕອນນີ້ໃຜທີ່ຖືພາກໍ່ຕ້ອງຍ້າຍອອກເພາະຫ່ວງປະຫວັດສາດຊ້ຳຮອຍ.


ເລື່ອງນີ້ບໍ່ແມ່ນເກີດຂຶ້ນຢູ່ບ້ານເຮົາ, ເປັນເລື່ອງລາວຂອງພີ່ນ້ອງຊາວໄທ ທີ່ຈັງຫວັດພະເຍົາ ຊາວບ້ານເລົ່າວ່າຫຼັງມີເສົາສັນຍານໂທລະສັບຕົ້ນໜຶ່ງໃນໝູ່ບ້ານຂອງພວກເພິ່ນເຮັດໃຫ້ແມ່ຍິງຖືພາລະຫວ່າງ 5-6 ເດືອນຕ້ອງແທ້ງລູກແລ້ວ 5 ລາຍ ແຖມຜູ້ເຖົ້າຜູ້ແກ່ມີອາການຫົວໃຈສັ່ນປະສາດເສຍຈົນກາຍເປັນຜູ້ປ່ວຍເສຍຈິດກໍ່ມີມາແລ້ວ.


ພໍ່ເຖົ້າໄວ 60 ປີຄົນໜຶ່ງເລົ່າວ່າ ເສົາສັນຍານດັ່ງກ່າວຕັ້ງໄວ້ໃນພື້ນທີ່ດັ່ງກ່າວມາຫຼາຍກວ່າ 10 ປີແລ້ວ ສິ່ງທີ່ຊາວບ້ານເດືຶອດຮ້ອນມາຕະຫຼອດແມ່ນເວລາເກີດຝົນຕົກຟ້າຄະນອງ ເຄື່ອງໃຊ້ໄຟຟ້າຕ້ອງເສຍຫາຍຈົນເຖິງຂັ້ນຖີ້ມເປັນຂີ້ເຫຍື້ອເນື່ອງຈາກໃຊ້ການບໍ່ໄດ້ອີກ, ສ່ວນຕົນ ແລະເມຍກາຍເປັນຜູ້ເຈັບປ່ວຍຫົວໃຈສັ່ນ ມືນງົງຕ້ອງເຂົ້າປິ່ນປົວເລື່ອງປະສາດກິນຢາເປັນປະຈຳຈິ່ງຢູ່ໄດ້.


ສິ່ງທີ່ໜ້າຕົກໃຈໄປກວ່ານັ້ນ ຕັ້ງແຕ່ມີເສົາສັນຍານດັ່ງກ່າວມີຍິງຖືພາທີ່ຢູ່ອ້ອມຮອບເສົາແທ້ງລູກໄປແລ້ວເຖິງ 5 ຄົນ ຈົນຊາວບ້ານທີ່ແຕ່ງງານໃໝ່ໆຕ້ອງພາກັນຍ້າຍໜີໄປຢູ່ບ່ອນອື່ນຈົນກວ່າຈະຖືພາ ແລະເກີດລູກແລ້ວສາກ່ອນຈິ່ງກ້າມາ.

ຢ່າງໃດກໍ່ຕາມທັງໝົດເປັນພຽງການສັນນິຖານຂອງປະຊາຊົນເອງ ຍັງບໍ່ມີສິ່ງໃດພິສູດໄດ້ວ່າເລື່ອງລາວຕ່າງໆເກີດຂຶ້ນຍ້ອນເສົາດັ່ງກ່າວນີ້ແທ້ຫຼີບໍ ສະນັ້ນຜູ້ຢູ່ໃກ້ເສົາສັນຍານກໍ່ບໍ່ຕ້ອງກັງວົນຈົນເກີນເຫດ.