ຕູ້ນອນຄົນເລ່ລ່ອນ ເລີ່ມອອກມາແລ້ວທາງຕາເວັນຕົກ

ຕູ້ນອນຄົນເລ່ລ່ອນ ເລີ່ມອອກມາແລ້ວທາງຕາເວັນຕົກ

31st January 2021 0 By Education

ໃນຍຸກເຂົ້າຍາກໝາກແພງໃຜຮຽນບໍດີຫົວຄິດບໍ່ໄດ້ເນື້ອທີ່ທຳມາຫາກິນບໍມີ ເຮືອນທີ່ຈະໄວ້ລີ້ແດດລົບຝົນກໍ່ຄືຊິລຳບາກໃນພາຍພາກໜ້າ, ຄົນຈິ່ງເລີ່ມຄິດຄົ້ນຫາຄວາມປະຢັດເພື່ອຊ່ວຍຜູ້ຄົນເລ່ລ່ອນທີ່ບໍມີທີ່ພັກອາໄສໄຫ້ມີບ່ອນຊຸກຫົວນອນ ພໍບໍຕາຍປະໄພທຳມະຊາດ.

ທີ່ປະເທດເຢຍລະມັນ ບໍລິສັດ  Ulmer Nest ທີ່ຕັ້ງຢູ່ໃນເມືອງ  Ulm ຫ່າງຈາກນີວມິກໄປທາງທິດຕາເວັນຕົກປະມານ 120 ກິໂລແມັດ ໄດ້ສ້າງຕູ້ສຳລັບຄົນບໍ່ມີເຮືອນຢູ່ ເຊິ່ງມັນເປັງກ່ອງບ່ອນນອນແຫ່ງອະນາຄົດທີ່ສາມາດກັນລົມ, ກັນນ້ຳໄດ້ ເຮັດຈາກໄມ້ ແລະເຫຼັກ ດ້ານໃນຫຼົມສອງຄົນນອນ.

Ulmer Nest ລະບຸວ່າ: ກ່ອງນີ້ສາມາດປ້ອງກັນຄວາມໜາວຈາກລົມ ແລະຊ່ວຍໃຫ້ຄົນຢູ່ໄດ້ໃນສະພາບອາກາດທີ່ແປປ່ວນ ດ້ານໃນຍັງມີການຕິດຕັ້ງສັນຍານເຄືອຂ່າຍອິນເຕີເນັດເຄື່ອນທີ່ ໄວ້ໃຫ້ຄົນທີ່ພັກອາໄສສາມາດຕິດຕໍ່ກັບຜູ້ດູແລຕູ້ນອນດັ່ງກ່າວໄດ້ຫາກເກີດບັນຫາຫຍັງຂຶ້ນ, ສ່ວນດ້ານນອກແມ່ນຖືກມຸງດ້ວຍແຜ່ນໂຊລາເຊວ(ພະລັງງານແສງແດດ) ເພື່ອເພີ່ມຄວາມຮ້ອນ ແລະແສງສະຫວ່າງແກ່ຜູ້ພັກອາໄສ.


Ulmer Nest ຍັງບອກຕື່ມວ່າຕູ້ນີ້ແມ່ນຈະປ່ອຍໃຫ້ເປັນທາງອອກສຸດທ້າຍຂອງຄົນທີ່ບໍ່ມີທີ່ພັກອາໄສອີຫຼີ ເຊິ່ງຈັດໃນປະເພດຄົນເລ່ລ່ອນໄດ້ມີບ່ອນຊຸບຫົວນອນ ແຕ່ບໍ່ສາມາດເຄື່ອນທີ່ໄປໃສໄດ້ ເອີ້ນວ່າເມື່ອເຈົ້າບໍ່ຢູ່ກໍ່ມີແຕ່ອອກໄປສ່ວນຕູ້ ນັກສັງຄົມສົງເຄາະຈະເຮັດຄວາມສະອາດ ແລະປ່ອຍໃຫ້ຄົນອື່ນໄດ້ໃຊ້ປະໂຫຍດຕໍ່.

ສຳລັບການສ້າງຕູ້ແກ່ຄົນແລ່ລ່ອນດັ່ງກ່າວນີ້ບໍ່ແມ່ນຫ້າວຢູ່ຫ້າວເຮັດຂຶ້ນມາ ແຕ່ທາງບໍລິສັດໄດ້ເຮັດເປັນການເປັນງານ ຂຽນເປັນໂຄງການຂຶ້ນມາຄັກແນ່ ໄດ້ເລີ່ມຕົ້ນຂຶ້ນໃນ2 ປີຜ່ານມາ ເຊິ່ງມີຜູ້ປະກອບການດ້ານເຕັກໂນໂລຊີ ຮ່ວມກັນອອກແບບຈິ່ງໄດ້ເວີຊັ່ນທີ່ເຫັນນີ້ມາເປັນປະຈັກຕາໃນວັນທີ 8 ມັງກອນ 2021 ນີ້ເອງ.