ອຸທາຫອນ! ໜຸ່ມໄຊຍະບູລີນອນຟັງເພງ ຜ່ານMp3 ຕອນຟ້າຮ້ອງຝົນຕົກ ສຸດທ້າຍເສຍຊີວິດ

ອຸທາຫອນ! ໜຸ່ມໄຊຍະບູລີນອນຟັງເພງ ຜ່ານMp3 ຕອນຟ້າຮ້ອງຝົນຕົກ ສຸດທ້າຍເສຍຊີວິດ

9th February 2021 0 By Education

ເປັນອີກເລື່ອງລາວທີ່ໃນສັງຄົມອອນລາຍກໍາລັງເວົ້າເຖິງກັນຫຼາຍໃນຕອນນີ້ ກັບເຫດການຟ້າຜ່າຊາຍໜຸ່ມຄົນໜຶ່ງຢູ່ແຂວງ ໄຊຍະບູລີ ຫຼັງຜູ້ກ່ຽວນອນຟັງເພງຜ່ານMp3 ໃນຕອນຝົນຕົກຟ້າຮ້ອງ.

ຜູ້ໃຊ້ເຟສບຸກຊື່ ປ້ອມ ຈິດຕະວົງ ໄດ້ອອກມາໂພສພາບຊາຍໜຸ່ມນອນເສຍຊີວິດ ພ້ອມລະບຸຂໍ້ຄວາມເຖິງສາເຫດການເສຍຊີວິດຂອງຊາຍຄົນນີ້ ເມື່ອວັນທີ 8 ກຸມພາ 2021 ວ່າ:  ເປັນອຸທະຫອນເຕຶອນກັນແດ່ເດີທຸກຄົນ, ເກີດເຫດຟ້າຜ່າຄົນເສຍຊີວິດ ຊຶ່ທ.ແປງ ເນື່ອງຈາກຟ້າຮ້ອງຝົນຕົກໃນເວລາ15:40 ໂມງ ຂອງວັນທີ່8 ກຸມພາ 2021.

ຜູ້ກ່ຽວຟັງເພງດ້ວຍMp3ຢູ່ຖຽງສວນເຂດກ້ອງພູຜາດອກຄຳ ທີ່ບ້ານນາກວາງ ມ.ໄຊຍະບູລີ ແຂວງໄຊຍະບູລີ.

ທັ້ງນີ້, ຫຼັງເລື່ອງລາວດັ່ງກ່າວຖືກເຜີຍແຜ່ອອກໄປ ກໍ່ມີຊາວເນັດເຂົ້າມາສະແດງຄວາມຄິດເຫັນໄປຕ່າງໆນາໆ ບາງຄົນກໍ່ສົງໄສວ່າເປັນເລື່ອງຈິງບໍ່ ເພາະຫາກຟ້າຜ່າແທ້ ລັກສະນະຜູ້ເສຍຊີວິດຈະບໍ່ເປັນແບບນີ້, ບາງຄົນກໍ່ບອກໃຫ້ໃຊ້ວິທີປະຖົມບູຮານນໍາເຫຼົ້າຂາວມາຫົດຕົວຜູ້ກ່ຽວ ເພາະລາວອາດຍັງບໍ່ທັນເສຍຊີວິດ ແລະ ອີກຫຼາຍໆຄໍາຄິດເຫັນທີ່ແຕກຕ່າງກັນໄປ.

ແນວໃດກໍ່ຕາມ ທີມງານພວກເຮົາຂໍສະແດງຄວາມເສຍໃຈຕໍ່ເຫດການທີ່ເກີດຂຶ້ນ ແລະ ຂໍໃຫ້ດວງວິນຍານຜູ້ເສຍຊີວິດໄປສູ່ສຸຂະຕິດ້ວຍເຖີ້ນ.