ເອົາອີກແລ້ວ! ເກີດອຸບັດເຫດ ລົດເບຍປີ້ນ ຢູ່ພູຜາຮອມ ແກ້ວເບຍແຕກກະຈາຍ

ເອົາອີກແລ້ວ! ເກີດອຸບັດເຫດ ລົດເບຍປີ້ນ ຢູ່ພູຜາຮອມ ແກ້ວເບຍແຕກກະຈາຍ

9th February 2021 0 By Education

ເມື່ອຝົນມາ ອີກສິ່ງໜຶ່ງທີ່ຕ້ອງລະມັດລະວັງ ແມ່ນການເດີນທາງ ໂດຍສະເພາະຢູ່ເຂດພູສູງ, ເນີນສູງ ເພາະມັນຈະເຮັດໃຫ້ທາງປຽກມື່ນ ເປັນສາເຫດພາໃຫ້ເກີດອຸບັດເຫດໄດ້.

ເຊິ່ງໃນໄລຍະຜ່ານມາ ເຮົາກໍ່ຈະເຫັນຢູ່ຕະຫຼອດວ່າອຸບັດເຫດຍາມຝົນ ແມ່ນມີມາໃຫ້ເຫັນຢູ່ຕະຫຼອດ ບາງເທື່ອໂຊກດີກໍ່ມີພຽງລົດເປ່ເພ, ຊັບສິນເສຍຫາຍ ແຕ່ບາງຄັ້ງ ໂຊກຮ້າຍແມ່ນເຖິງຂັ້ນສູນເສຍຊີວິດອິນຊີ.

ເວົ້າແລ້ວ ເລື່ອງອຸບັດເຫດເປັນສິ່ງທີ່ຄາດເດົາບໍ່ໄດ້ ແລະ ບໍ່ມີໃຜຢາກໃຫ້ເກີດ ແຕ່ມັນກໍ່ຫຼີກລ່ຽງບໍ່ໄດ້ ດັ່ງເຫດການຫຼ້າສຸດ ເພຈ ສະບາຍດີແຂວງວຽງຈັນໄດ້ລາຍງານໃຫ້ຮູ້ວ່າ ເກີດອຸບັດເຫດຢູ່ຜາຮອມ ເມືອງວັງວຽງ ແຂວງວຽງຈັນ ເວລາ 12:30 ວັນທີ 9 ກຸມພາ 2021.

ເຊິ່ງສະພາບທີ່ເຫັນແມ່ນລົດຕ່າງເບຍພິກປີເນ ລາງເບຍແກ້ວເບຍແຕກຊະຊາຍ ສ່ວນລາຍລະອຽດອື່ນໆ ມີຄົນບາດເຈັບ ຫຼື ເສຍຊີວິດ ຫຼື ບໍ່ນັ້ນ ບໍ່ມີລາຍງານ.

ແນວໃດກໍ່ຕາມ ດ້ວຍຄວາມເປັນຫ່ວງເປັນໃຍຈາກແອັດມິນສຶກສາ-ໄອທີ ຂໍໃຫ້ແຟນເພຈຄ່ອຍໄປຄ່ອຍມາ ເດີນທາງດ້ວຍຄວາມລະມັດລະວັງ ເພື່ອຫຼີກເວັ້ນຈາກອຸບັດເຫດຕ່າງໆ.