ຖືກວິສາມັນແລ້ວ! ທະຫານໂຫດຍິງຄົນເສຍຊີວິດ 20ຄົນ ທີ່ປະເທດໄທ

ຖືກວິສາມັນແລ້ວ! ທະຫານໂຫດຍິງຄົນເສຍຊີວິດ 20ຄົນ ທີ່ປະເທດໄທ

9th February 2020 0 By Education

ລາຍງານຫຼ້າສຸດມື້ນີ້ ວັນທີ 9 ກຸມພາ 2020 ກໍລະນີທະຫານໂຫດຍົດຈ່າສິບເອກ ຈັກກະພັນ ຖົມມາ ໄລ່ຍິງລາດທົ່ວຫ້າງເທີມີນໍ (terminal) 21 ທີ່ໂຄຣາດ ປະເທດໄທ ເຮັດໃຫ້ມີຜູ້ເສຍຊີວິດ 20ຄົນ ບາດເຈັບອີກ 42 ລາຍ, ຫຼັງເຈົ້າໜ້າທີ່ປິດລ້ອມຈັບເປັນເວລາ 1ຄືນເຕັມ ປັດຈຸບັນຄວບຄຸມເຫດໄດ້ແລ້ວ.

ຫຼ້າສຸດມື້ນີ້ ຈາກການລາຍງານຂອງເພຈຂ່າວເລື່ອງເລົ່າເຊົ້ານີ້ ໃຫ້ຮູ້ວ່າ: ເຈົ້າໜ້າທີ່ລະດັບສູງໄດ້ຕັ້ງໂຕະຖະແຫຼງຂ່າວວ່າໂຈນໂຫດຄົນນີ້ຖືກວິສາມັນແລ້ວ.

ເລົ່າຄືນເຖິງເຫດການເມື່ອວັນທີ 8  ກຸມພາ 2020 ທະຫານຄົນນີ້ໄດ້ກໍ່ເຫດຍິງຜູ້ບັງຄັບບັນຊາຕົນເອງ ພ້ອມແມ່ເຖົ້າຂອງຜູ້ຕາຍເສຍຊີວິດຄາທີ່ ໂດຍເລີ່ມຕົ້ນພຽງ 3ຄົນ ແຕ່ຕໍ່ມາເຂົ້າໄປໃນຄ້າຍປະຈໍາການຂອງຕົນພ້ອມບຸກເອົາອາວຸດສົງຄາມຫຼາຍຊິນິດອອກມາ ແລະ ທໍາຮ້າຍທະຫານຮ່ວມຄ້າຍທີ່ເຝົ້າສາງອາວຸດເສຍຊີວິດ ແລະ ບາດເຈັບອີກ, ຫຼັງຈາກນັ້ນກໍ່ໄດ້ຫຼົບໜີໄປຍັງຫ້າງ ເທີມີນໍ (terminal) 21 ທີ່ໂຄຣາດ  ແລະ ຍິງປືນລົວໃສ່ປະຊາຊົນອ້ອມຫ້າງ ແລະ ຈັບເປັນຕົວປະກັນອີກ

ເຊິ່ງມາຮອດປັດຈຸບັນຍອດຜູ້ເສຍຊີວິດຢູ່ທີ່ 20ຄົນ ແລະ ບາດເຈັບອີກ 42ລາຍ. ທັງນີ້ຫຼັງຄົນຮ້າຍກໍ່ເຫດແລ້ວ ຍັງມີການໂພສພາບ ແລະ ຂໍ້ຄວາມຜ່ານສື່ສັງວຄົມອອນລາຍກໍ່ຄືເຟສບຸກສ່ວນຕົວຂອງຜູ້ກ່ຽວເອງ ບໍ່ວ່າຈະເປັນພາບທີ່ຜູ້ກ່ຽວຍິງຖັງແກັສ ແລະ ເກີດໄຟໄໝ້ຂຶ້ນ, ໂພສຂໍ້ຄວາມວ່າ ແນວໃດກໍ່ໜີຄວາມຕາຍບໍ່ພົ້ນທຸກຄົນ, ລໍ້າລວຍຈາກການໂກງຄົນອື່ນຄິດວ່າຊິເອົາເງິນໄປໃຊ້ໃນນາຮົກໄດ້ຫວາ; ຂໍ້ຄວາມ 3ສົບລ້າງແຄ້ນນອກນັ້ນປ້ອງກັນຕົວ; ຍອມແພ້ດີບໍ່ນໍ້ ຂໍ້ຄວາມເຫຼົ່ານີ້ແມ່ຄົນຮ້າຍໄດ້ໂພສໃນຂະນະທີ່ກໍ່ເຫດ ແລະ ຫຼັງກໍ່ເຫດແລ້ວ.

ເຖິງຢ່າງໃດກໍ່ຕາມ ປັດຈຸບັນຄົນຮ້າຍໄດ້ຖືກວິສາມັນແລ້ວ, ແຕ່ທັງນີ້ທັງນັ້ນ ແອັດຂໍສະແດງຄວາມເສຍໃຈມາຍັງການສູນເສຍຄັ້ງໃຫ້ຂອງຊາວໂຄຣາດດ້ວຍ.