ໂອໂຢ! ເຕືອນໄພຄົນມັກຊື້ເຄື່ອງທາງອອນລາຍ ກໍລະນີນີ້ ຖືກຕົວະໂອນເງິນມັດຈໍາຄ່າລົດຈັກ ເສຍເງິນ 4ລ້ານ

ໂອໂຢ! ເຕືອນໄພຄົນມັກຊື້ເຄື່ອງທາງອອນລາຍ ກໍລະນີນີ້ ຖືກຕົວະໂອນເງິນມັດຈໍາຄ່າລົດຈັກ ເສຍເງິນ 4ລ້ານ

19th February 2021 0 By Education

ສະບາຍດີແຟນເພຈທີ່ໜ້າຮັກ ມື້ນີ້ແອັດມິນມີເລື່ອງລາວມາເປັນອຸທາຫອນ ເຕືອນສະຕິສາຍຊັອບອອນລາຍ ຄວນມີສະຕິລະວັງຕົວຫຼາຍຂຶ້ນ ຢ່າຫຼົງເຊື້ອຜູ້ຂາຍຊະຊາຍ ກ່ອນຊື້ ຫຼື ໂອນເງິນຕ້ອງກວດສອບຄວາມໜ້າເຊື່ອຖືໃຫ້ດີ ບໍ່ດັ່ງນັ້ນ ອາດຕົກເປັນເຫຍື່ອນັກຕົ້ມຕຸ໋ນດັ່ງກໍລະນີນີ້.

ເລື່ອງລາວທີ່ແອັດຈະຍົກມາເຕືອນສະຕິໃນມື້ນີ້ ແມ່ນເກີດຂຶ້ນກັບຜູ້ໃຊ້ເຟສບຸກທ່ານໜຶ່ງ ທີ່ອອກມາແຊເລື່ອງລາວຊື້ລົດຈັກທາງອອນລາຍ ຖືກຕົວະໃຫ້ໂອນເງິນກ່ອນ 4ລ້ານ ແຕ່ຫຼັງຈາກໂຈນໄດ້ຮັບເງິນກັບມິດຈ້ອຍ ບໍ່ມີແມ້ສັນຍານຕອບຂໍ້ຄວາມກັບ.

ໂດຍຜູ້ໃຊ້ເຟສບຸກຊື່ທ່າໜຶ່ງໄດ້ໂພສພາບພ້ອມຫຼັກຖານຂໍ້ຄວາມແຊັດ ແລະ ສຽງລົມກັບນັກຕົ້ມຕຸ໊ນໄວ້ວ່າ: ບຸກຄົນອັນຕະລາຍ, ຂ້ອຍຖືກມັນຕົວະໃຫ້ໂອນເງີນໃນວັນທີ15ກຸມພາມື້ວານນີ້ຂ້ອຍກະໂງ່ເຊື່ອໃຈຄົນງ່າຍດ້ວຍຄຳເວົ້າຂອງມັນໄປໂອນເງີນໃຫ້ມັນ4.000.000ສີ່ລ້ານກີບ.

ຜູ້ໂພສຍັງບອກອີກວ່າ: ເຫັນແຕ່ຄົນອື່ນຖືກຕົວະມາເຈີກັບຕົວເອງຈົນຊ໋ອກເວົ້າຫຍັງບໍ່ໄດ້ຂໍໃຫ້ຕຳຫຼວດຈັບໂຕມັນໄວໆສາທຸເອົາມັນໄປລົງໂທດໃນຄຸກ ຂໍໃຫ້ທຸກຄົນຊ່ວຍແຊໂພສນີ້ເພື່ອຕາມຫານັກຕົ້ມຕຸ໋ນຄົນນີ້ ນໍາຜູ້ກ່ຽວມາຮັບໂທດໃຫ້ໄດ້.

ແນວໃດກໍ່ຕາມ ແອັດຂໍເປັນອີກໜຶ່ງສຽງ ເຕືອນສະຕິທຸກຄົນໃນສັງຄົມໃຫ້ມີສະຕິລະວັງຕົວຢ່າງເຊື່ອຄົນງ່າຍ ກ່ອນຊື້ຫຍັງຕ້ອງກວດສອບໃຫ້ດີ ວ່າມັນມີຕົວຕົນແທ້ຫຼືບໍ່ ເພື່ອບໍ່ໃຫ້ຖືກຕົວະ ເສຍເງິນລ້າ.