ໂອໂຢ! ຢ່າຫາເຮັດ ສາວໂຊກຮ້າຍໂພສເຕືອນໄພ ຈັບເຄື່ອງໃນຈັກຊັກຜ້າທີ່ປັ່ນຢູ່ ສຸດທ້າຍເສຍໃຈໄປຕະຫຼອດຊີວິດ

ໂອໂຢ! ຢ່າຫາເຮັດ ສາວໂຊກຮ້າຍໂພສເຕືອນໄພ ຈັບເຄື່ອງໃນຈັກຊັກຜ້າທີ່ປັ່ນຢູ່ ສຸດທ້າຍເສຍໃຈໄປຕະຫຼອດຊີວິດ

19th February 2021 0 By Education

ເປັນອີກເລື່ອງລາວອຸທາຫອນ ທີ່ແອັດຢາກຍົດມາເຕືອນໄພທຸກຄົນທີ່ນໍາໃຊ້ຈັກຊັກຜ້າ ຢ່າຊະລ້າໃຈ ບໍ່ດັ່ງນັ້ນ ອາດໂຊກຮ້າຍຄືສາວຄົນນີ້, ສູນເສຍນິ້ວມືຍ້ອນໃຊ້ມືລົງໄປຈັບເອົາເຄື່ອງໃນຈັກຊັກຜ້າທີ່ກໍາລັງປັ່ນຢູ່.

ຜູ້ໃຊ້ເຟສບຸກຊື່  Narisara Boonmalase ເຊິ່ງເປັນວ່າທີ່ເຈົ້າສາວໂພສອຸທາຫອນເອົາມືລົງໄປຈັບຜ້າໃນຂະນະທີ່ເຄື່ອງຍັງບໍ່ຢຸດດີ ເຮັດໃຫ້ຖືກແຮງໝຸນຈົນນິ້ວຂາດ ໂດຍລະບຸຂໍ້ຄວາມວ່າ ຈະເລົ່າປະສົບການ ອຸທາຫອນເຕືອນໃຈທຸກຄົນ ມະນຸດມັກຊັກຜ້າ ກ່ອນງານແຕ່ງ 1ມື້.

ຢູ່ເຮືອນກຽມຂອງກັນສໍາເລັດພ້ອມທຸກຢ່າງ ຊ່ວງຕອນສວາຍໄດ້ເກັບເຄື່ອງກຽມຫ້ອງຫໍເອົາຜ້າອອກມາຊັກທີ່ເຮືອນທາງຂ້າງ ເປັນເຮືອນຕິດກັນ ເຄື່ອງຊັກຜ້າເປັນແບບ 2ຖັງ ເຮົາຊັກເຄື່ອງແລ້ວ ແຊ່ນໍ້າຢາປັບຜ້ານຸ້ມກຽມຕາກ ແລ້ວໄດ້ເອົາຜ້າໃສ່ໄປໃນຖັງປັ່ນແຫ້ງ

ແຕ່ເນື່ອງຈາກເປັນເຄື່ອງລຸ້ນເກົ່າ ເຊິ່ງເປັນເຄື່ອງໃຫຍ່ແຮງຫວ່ຽງຈຶ່ງຫຼາຍ ເມື່ອປັ່ນແລ້ວເຄື່ອງຍັງບໍ່ຢຸດດີ ສາວໂຊກຮ້າຍຄົນນີ້ ເອົາມືລົງໄປຈັບເຄື່ອງຂຶ້ນມາກ່ອນທັງຜ້າ, ຜ້າຫົ່ມ ເຊິ່ງມັນຂ້ອນຂ້າງໜັກ ຈຶ່ງໄດ້ຫວ້ຽງນິ້ວຊີ້ຂ້າງຂວາໄປກັບຜ້າ ເຮັດໃຫ້ຕົກໃຈຮີບດຶງອອກ ແລະ ຖືກໄຟດູດ ໝຸນນິ້ວຈົນຂາດ ເຫຼືອພຽງເອັນເສັ້ນດຽວຫ້ອຍຢູ່.

ສະຫຼຸບແລ້ວ ສາວໂຊກຮ້າຍຄົນນີ້ ສູນເສຍນິ້ວມືໄປ 1ນິ້ວ, ສຸດທ້າຍງານແຕ່ງກໍ່ດໍາເນີນຕໍ່ໂດຍມີພຽງງານລ້ຽງແຂກ ແຕ່ບໍ່ມີເຈົ້າບ່າວເຈົ້າສາວ, ທັ້ງນີ້ ສາວຄົນດັ່ງກ່າວຈື່ງຍົກເລື່ອງນີ້ມາເປັນອຸທາຫອນ ເຕືອນສະຕິຫຼາຍໆຄົນ ຫາກເຄື່ອງຊັກຜ້າຍັງບໍ່ຢຸດເຮັດວຽກ ຢ່າຟ້າວເອົາມືລົງໄປຈັບເດັດຂາດ.