ສຸດສົງສານ! ລູກສາວໂພສເສົ້າອາໄລຫາພໍ່ແມ່ 2ສົບໂຊກຮ້າຍຖືກໂຈນປຸ້ນຄໍາດັບຊີວິດທີ່ທ່າແຂກ

ສຸດສົງສານ! ລູກສາວໂພສເສົ້າອາໄລຫາພໍ່ແມ່ 2ສົບໂຊກຮ້າຍຖືກໂຈນປຸ້ນຄໍາດັບຊີວິດທີ່ທ່າແຂກ

22nd February 2021 0 By Education

ເຊື່ອວ່າຫຼາຍທ່ານຈະຮັບຮູ້ມາແລ້ວບໍ່ໜ້ອຍກ່ຽວກັບຂ່າວສະເທືອນໃຈ ໂຈນປຸ້ນຄໍາສຸດໃຈອໍາມະຫິດຢູ່ທ່າແຂກ ດັບຊີວິດເຈົ້າຂອງຮ້ານສອງຜົວເມຍ ພ້ອມລັກເງິນຄໍາໜີ ແຕ່ວັນທີ 20 ກຸມພາ 2021 ທີ່ຜ່ານມາ.

ເຫດການດັ່ງກ່າວ ຖືເປັນອີກເຫດການປຸ້ນໂຫດ ທີ່ສ້າງຄວາມສະເທືອນໃຈໃຫ້ກັບຜູ້ຮັບຮູ້ ຫຼື ພົບເຫັນບໍ່ໜ້ອຍ ແລະ ຍັງເປັນທີ່ກ່າວເຖິງໃນສັງຄົມອອນລາຍຈໍານວນຫຼາຍ.

ແນວໃດກໍ່ຕາມ ເຫດການດັ່ງກ່າວນັບແຕ່ມື້ເກີດເຫດຈົນຮອດປັດຈຸບັນ ຍັງບໍ່ສາມາດຈັບຕົວຜູ້ກໍ່ເຫດໄດ້ ແຕ່ກໍ່ມີຄວາມຄືບໜ້າ ເມື່ອວັນທີ 21 ກຸມພາ ກໍ່ມີຂໍ້ມູນເພີ່ມພົບເຫັນອາວຸດ, ລົດ, ເຄື່ອງນຸ່ງ ແລະ ຖົງຜ້າຂອງຜູ້ກໍ່ເຫດຢູ່ຕາມປ່າແຫ່ງໜຶ່ງ.

ຫຼ້າສຸດ ລູກສາວຂອງຜູ້ເສຍຊີວິດ ໂພສຂໍ້ຄວາມສຸດເສົ້າອາໄລຫາພໍ່ແມ່ອັນເປັນທີ່ຮັກ ວ່າ: ສິ່ງນີ້ບໍທີ່ຕອບແທນຄົນດີ…ມັນຄືກັບຝັນເປັນຝັນທີ່ບໍ່ມີມື້ຕື່ນ ເປັນເລື່ອງທີ່ບໍ່ທັນຕຽມໃຈ ຈັກຄຳກະຍັງບໍ່ໄດ້ລາ; ຄຳເວົ້າສຸດທ້າຍເອົາໝາກພ້າວເມືອຫນ່ວຍຫນຶ່ງກະໄດ້ແລ້ວ ຄືບໍ່ກັບມາກິນ ລູກຕານລອຍແກ້ວທີ່ບອກເຮັດໃຫ້ກິນເດຍັງບໍ່ໄດ້ກິນຊໍ່າ ບໍ່ຄິດເລີຍວ່າມື້ນີ້ຕ້ອງໄດ້ເຄາະໂລງເອີ້ນເຈົ້າມາກິນ.

ແນວໃດກໍ່ຕາມ ເຫດການເສົ້າທີ່ເກີດຂຶ້ນ ມັນສະເທືອນໃຈຫຼາຍ ແລະ ມັນສ້າງຄວາມໂສກເສົ້າເສຍໃຈໃຫ້ກັບຄອບຄົວຜູ້ໂຊກຮ້າຍບໍ່ໜ້ອຍ, ແອັດຂໍສະແດງຄວາມເສຍໃຈຕໍ່ເຫດການທີ່ເກີດຂຶ້ນ ແລະ ຂໍໃຫ້ດວງວິນຍານຂອງຜູ້ໂຊກຮ້າຍໄປສູ່ສຸຂະຕິດ້ວຍເຖີ້ນ.

ຮູບສຸດທ້າຍຂອງພໍ່ແມ່ທີ່ລູກສາວຖ່າຍໄດ້