ສາວໃຫຍ່ເສີມງາມ ດູດໄຂມັນເຖິງວິນາທີສຸດທ້າຍ

ສາວໃຫຍ່ເສີມງາມ ດູດໄຂມັນເຖິງວິນາທີສຸດທ້າຍ

27th February 2021 0 By Education

ສາວໆຜູ້ມັກສວຍມັກງາມຕ້ອງເກັບເລຶື່ອງນີ້ມາເປັນອຸທາຫອນເຕືອນໃຈຕົນເອງ ເພາະການເຮັດສວຍເຮັດງາມບໍແມ່ນວ່າຈະປອດໄພໄປທຸກລາຍທຸກບ່ອນ ແມ່ນຢູ່ວ່າຍຸກນີ້ທຸກຢ່າງມີດໝໍຊ່ວຍໄດ້ຂໍພຽງມີເງິນ ແຕ່ກໍ່ຕ້ອງສຶກສາໃຫ້ດີອັນໃດຄວນ ຫຼື ບໍຄວນ ອັນສຳຄັນບ່ອນໃດທີ່ປອດໄພຕໍ່ຊີວິດ.

ຂ່າວຈາກປະເທດເພື່ອນບ້ານລາຍງານວ່າສາວໃຫຍ່ໄວ 54 ປີໄດ້ໄປດູດໄຂມັນ ເພື່ອຮັກສາເຮືອນຮ່າງໃຫ້ສວຍງາມຢູ່ຄລີນິກແຫ່ງໜຶ່ງໃນກຸງເທບຂອງໄທ ແຕ່ໂຊກຮ້າຍເທື່ອນີ້ບໍໄດ້ກັບບ້ານຕ້ອງຈົບຊີວິດລະຫວ່າງດູດໄຂມັນໃນຊ່ວງທ່ຽງຂອງວັນທີ 20 ກຸມພາຜ່ານມາ.

ລູກຊາຍຂອງຜູ້ເສຍຊີວິດໄວ 28 ປີເຜີຍວ່າ: ຕົນເປັນຄົນຮັບໂທລະສັບຈາກຄລີນິກທີ່ແຈ້ງວ່າ ແມ່ຕົນຊີບພະຈອນຢຸດເຕັ້ນກຳລັງຢູ່ລະຫວ່າງການເຮັດ CPR ໂຕເອງຖາມຄືນວ່າສາມາດສົ່ງໄປໂຮງໝໍໄດ້ບໍ ແຕ່ທາງຄລີນິກຕອບວ່າມັນເປັນຄະດີຄວາມບໍສາມາດສົ່ງໄປໂຮງໝໍ ແຕ່ຄລີນິກເອງຢືນຢັນວ່າ 90% ແມ່ຂອງຕົນແມ່ນໄປແລ້ວ.

ສາວອິດທິນັນໄວ 30 ປີ ລູກສາວຜູ້ເສຍຊີວິດບອກວ່າ ແມ່ຕົນເອງເປັນຄົນມັກສວຍມັກງາມ ເຊິ່ງກ່ອນທີ່ແມ່ຈະໄປດູດໄຂມັນເພິ່ນໄດ້ປຶກສາໂຮງໝໍ ແລະຄລີນິກເອກະຊົນຫຼາຍແຫ່ງກ່ອນຈະໄປໃຊ້ບໍລິການໃນຄລີນິກນີ້.

ຕາມແຜນແມ່ນແມ່ໄປດູດໄຂມັນແຕ່ 10:00 ໂມງເຊົ້າ ແລະຈະສຳເລັດໃນເວລາບ່າຍ 2:00 ໂມງ ແຕ່ບໍ່ທັນເຖິງເວລາໄດ້ຮັບໂທລະສັບມາແລ້ວວ່າເກີດເລື່ອງຂຶ້ນກັບແມ່ ເມື່ອຕົນ ແລະນ້ອງຊາຍໄປຮອດແມ່ຢູ່ໃນສະພານອນແນ່ນິ້ງຕົວແຂງໄປໝົດແລ້ວ. ພາຍຫຼັງເກີດເຫດທາງຄລີນິກໄດ້ພະຍາຍາມເຈລະຈາຂໍຈ່າຍຄ່າຊົດເຊີຍ ແຕ່ທາງຄອບຄົວບໍ່ຮັບຈະດຳເນີນຄະດີໃຫ້ເຖິງທີ່ສຸດ.