ໂອໂຢ! ຜົວຕົບສັ່ງສອນເມຍ ຫຼັງຊື້ລົດຈັກໃຫ້ລູກອາຍຸພຽງ 14ປີ ຂັບຂີ້ມາດເກີດອຸບັດເຫດຕໍາເກ໋ງບາດເຈັບສາຫັດ

ໂອໂຢ! ຜົວຕົບສັ່ງສອນເມຍ ຫຼັງຊື້ລົດຈັກໃຫ້ລູກອາຍຸພຽງ 14ປີ ຂັບຂີ້ມາດເກີດອຸບັດເຫດຕໍາເກ໋ງບາດເຈັບສາຫັດ

4th March 2021 0 By Education

ເອີ້ນໄດ້ວ່າເປັນຄລິບທີ່ສ້າງຄວາມຮືຮາ ແລະ ມີສຽງວິພາກວິຈານຈາກສັງຄົມເປັນຈໍານວນຫຼວງຫຼາຍ ສໍາລັບຄລິບເຫດການຜົວຕົບຫງ່ອນເມຍ ຫຼັງຊື້ລົດຈັກໃຫ້ລູກຊາຍອາຍຸ 14 ປີຂັບໂຫດເກີດອຸບັດເຫດບາດເຈັບສາຫັດ.

ເຫດການທີ່ແອັດກ່າວມາຂ້າງເທິງແມ່ນເກີດຂຶ້ນຢູ່ທີ່ປະເທດໄທ ແຕ່ເຫັນວ່າມັນເປັນເລື່ອງໃກ້ຕົວ ແລະ ພົບເຫັນຫຼາຍໃນລາວເຮົາ ທີ່ເດັກນ້ອຍອາຍຸບໍ່ຮອດ 18ປີ ມັກຂັບຂີ່ລົດຈັກ ຍິ່ງໄປກວ່ານັ້ນຄືແຂ່ງກັນຕາມທ້ອງຖະໜົນເຊິ່ງມັນອັນຕະລາຍເຖິງຊີວິດ.

ທັ້ງນີ້ອີກເຫດຜົນແອັດຢາກຍົກເລື່ອງນີ້ຂຶ້ນມາ ກໍ່ເພື່ອເປັນອຸທາຫອນເຕືອນໃຈ ເຕືອນສະຕິພໍ່ແມ່ຜູ້ປົກຄອງ ຮັກລູກຢ່າຕາມໃຈລູກຫຼາຍ ຄວນເບິ່ງຕາມຄວາມເໝາະສົມ ຫຼື ເຫັນສົມຄວນບໍ່? ບໍ່ດັ່ງນັ້ນ ລູກຂອງທ່ານອາດໂຊກຮ້າຍຄືກັບໜຸ່ມນ້ອຍຄົນນີ້ກໍ່ເປັນໄດ້.

ອຸບັດເຫດລົດຈັກຕໍາລົດໃຫຍ່ເກີດຂຶ້ນຢູ່ປະເທດໄທ ເຊິ່ງຜູ້ບາດເຈັບເປັນເດັກນ້ອຍອາຍຸ 14ປີ ອາການແມ່ນສາຫັດ, ເມື່ອແມ່ຂອງເດັກຊາຍຄົນດັ່ງກ່າວມາຮອດບ່ອນເກີດເຫດກໍ່ໄຫ້ໂຮຂຶ້ນ ດ້ວຍຄວາມສົງສານລູກ.

ແຕ່ຈຸດພີກມັນຢູ່ບ່ອນພໍພໍ່ມາຮອດກໍ່ມຸ່ງໜ້າເຂົ້າໃສ່ແມ່ ແລະ ໃຊ້ຝາມືຕົບລົງຫງ່ອນດົ້ນຂອງຜູ້ເປັນເມຍ ພ້ອມຕໍ່ວ່າເລື່ອງຊື້ລົດໃຫ້ລູກຂັບທັ້ງທີອາຍຸພຽງ 14ປີ ຈົນເຮັດໃຫ້ເກີດເຫດເສົ້າແບບນີ້.

ເຊິ່ງໃນເຫດການກໍ່ມີຜູ້ຖ່າຍຄລິບໄວ້ໄດ້ ແລະ ນໍາໄປເຜີຍແຜ່ ເຊິ່ງກໍ່ມີຊາວເນັດເຂົ້າມາສະແດງຄວາມຄິດເຫັນໄປຕ່າງໆນາໆ ມີທັງລົບ ແລະ ບວກປົນເປກັນ. ແຕ່ແນວໃດກໍ່ຕາມ ແອັດມິນສຶກສາ-ໄອທີ ຂໍຝາກເຫດການນີ້ເປັນສິ່ງເຕືອນໃຈໃຫ້ພໍ່ແມ່ຜູ້ປົກຄອງ ມີສະຕິເບິ່ງລູກຂອງຕົນເອງໃຫ້ຫຼາຍກວ່ານີ້.