ປາດໂທ! ພະນັກງານສົ່ງເຄື່ອງ ສຸດຊວຍ GPS ພາຫຼົງ ແລ່ນຍາວຮອດ 336 ກມ ໝົດປັນຍາ ກັບບໍ່ໄດ້ໄປຕໍ່ບໍ່ໄຫວ

ປາດໂທ! ພະນັກງານສົ່ງເຄື່ອງ ສຸດຊວຍ GPS ພາຫຼົງ ແລ່ນຍາວຮອດ 336 ກມ ໝົດປັນຍາ ກັບບໍ່ໄດ້ໄປຕໍ່ບໍ່ໄຫວ

4th March 2021 0 By Education

ເອີ້ນໄດ້ວ່າເປັນຄວາມໂຊກຮ້າຍຂອງໜຸ່ມຄົນນີ້ເລີຍກໍ່ວ່າໄດ້ ເມື່ອຈະເອົາເຄື່ອງໄປສົ່ງລູກຄ້າ ໂດຍຂັບລົດຕາມ GPS ຈັງຫວັດຕາກ ໄປຫາ ຈັງຫວັດຊຽງໃໝ່ ລະຫວ່າງທາງຮູ້ສຶກແປກ ຍິ່ງຂັບລົດເຂົ້າໄປທາງຍິ່ງແຄບ ແຕ່ສູ້ບໍ່ຖອຍ ກັດແຂ້ວສູ້ຂັບລົດວົນໄປມາໄລຍະທາງ 336ກິໂລແມັດ ຈົນບໍ່ມີທາງໄປຕໍ່.

ໂດຍເຫດການທີ່ແອັດກ່າວມາຂ້າງເທິງແມ່ນເກີດຂຶ້ນຢູ່ທີ່ປະເທດໄທ ແຕ່ເຫັນວ່າມັນເປັນເລື່ອງໃກ້ຕົວ ຈຶ່ງຢາກບົກມາເຕືອນສະຕິທຸກຄົນໂດຍສະເພາະພະນັກງານຂົນສົ່ງ ຢ່າໄວ້ໃຈ GPS ເກີນໄປ.

ລາຍລະອຽດເຫດການທີ່ເກີດຂຶ້ນ ຜູ້ຈັດການມູນນິທິກູ້ໄພເພັດກະເສມ ເປີດເຜີຍວ່າ ເມື່ອກາງເດິກຂອງຄືນວັນທີ 1 ມີນາ 2021  ໄດ້ຮັບແຈ້ງຂໍຄວາມຊ່ວຍເຫຼືອ ຈາດຄົນຂັບລົດຫຼົງທາງຢູ່ກາງປ່າ ຈຶ່ງຈັດກໍາລັງເຈົ້າໜ້າທີ່ລົງກວດສອບ, ເຊິ່ງໃຊ້ເວລາເດີນທາງໄປຫາຜູ້ແຈ້ງເຫດແມ່ນໃຊ້ເວລາເຖິງ 1,30ຊົ່ວໂມງ.

ເມື່ອໄປຮອດກໍ່ພົບທ້າວ ສະຫະລັດ ອາຍຸ 40ປີ ພະນັກງານຂັບລົດຂົນສົ່ງສິນຄ້າອອນລາຍແຫ່ງໜຶ່ງ ພ້ອມດ້ວຍລົດກະບະອີຊຸຊຸ ສີຂາວ ຢືນຖ້າດ້ວຍຄວາມຕົກໃຈ ໂດຍສະພາບລົດຕິດຢູ່ເສັ້ນທາງໃຈກາງປ່າ ຈົນບໍ່ສາມາດຂັບຕໍ່ໄປໄດ້ ຕ້ອງໃຊ້ເຊືອກລາກອອກມາຍັງບ່ອນປອດໄພແລ້ວນໍາທາງອອກຈາກພື້ນທີ່.

ຈາກການສອບຖາມ ທ້າວສະຫະລັດ ບອກວ່າ ຕົນຂັບລົດໄປສົ່ງສິນຄ້າໃຫ້ລູກຄ້າທີ່ໝູ່ບ້ານແຫ່ງໜຶ່ງໃນ ອໍາເພີແມ່ກ໋ອຍ ຈັງຫວັດຊຽງໃໝ່ ເຊິ່ງກໍ່ຕັ້ງ ຈີພີເອສຄົ້ໜຫາເສັ້ນທາງທີ່ໃກ້ທີ່ສຸດ ຈີພີເອສກໍ່ນໍາທາງພາມາເສັ້ນທາງນີ້ ຕົນກໍ່ຂັບມາຕາມ ຈີພີເອສແຈ້ງ ແຕ່ຍິ່ງຂັບມາພັດຍິ່ງເລິກເຂົ້າໃນປ່າທີ່ບໍ່ມີບ້ານຄົນອາໄສຢູ່ ໄລຍະທາງກວ່າ 336 ກິໂລແມັດ.

ຈາກສເັ້ນທາງກ້ວາງໆ ກໍ່ແຄບເຂົ້າເລື້ອຍໆ ຂຶ້ນພູລົງຫ້ວຍຕະຫຼອດຈົນຄໍ່າມືດ ຈົນກະທັ້ງເວລາ 1:00ໂມງກາງຄືນ ບໍ່ກ້າຂັບລົດຕໍ່ເພາະຢ້ານຕົກເຫດ ຈຶ່ງຕັດສິນໃຈໃຊ້ໂທລະສັບໂທຫາໜ່ວຍກູ້ໄພ ຂໍຄວາມຊ່ວຍເຫຼືອ ໂຊກດີທີ່ມີສັນຍາໂທລະສັບມືຖື ຈຶ່ງລອດອອກມາໄດ້.