ແບບນີ້ກໍ່ໄດ້ຫວາ! ສາວໃຈຮ້າຍ ຖືກພະນັກງານຍາມຫ້າງ ໄລ່ ຍ້ອນບໍ່ໃສ່ຜ້າປິດປາກ ສຸດທ້າຍຖອດກາງເກງໃນມາໃສ່ແທນ

ແບບນີ້ກໍ່ໄດ້ຫວາ! ສາວໃຈຮ້າຍ ຖືກພະນັກງານຍາມຫ້າງ ໄລ່ ຍ້ອນບໍ່ໃສ່ຜ້າປິດປາກ ສຸດທ້າຍຖອດກາງເກງໃນມາໃສ່ແທນ

5th March 2021 0 By Education

ວີດີໂອສຸດສະພຶງ ສ້າງຄວາມຕົກໃຈ ແລະ ກາຍເປັນໄວຣັລທັນທີ ເມື່ອສາວທີ່ຍ່າງເລາະຊື້ເຄື່ອງໃນຫ້າງແຫ່ງໜຶ່ງໂດຍບໍ່ໃສ່ຜ້າປິດປາກ ແຕ່ເມື່ອຖືກເຈົ້າໜ້າທີ່ຍາມ ເຊີນໃຫ້ອອກຈາກຫ້າງ ຜູ້ກ່ຽວເຮັດຫົວໃສ ຖອດກາງເກງໃນມາໃສ່ເປັນຜ້າປິດປາກແທນ.

ຄລິບດັ່ງກ່າວຖືກຖ່າຍໄວ້ທີ່ຊຸບເປີ້ມາເກັດຊື້ Pick n Pay ໃນແອບຟຣິກາໃຕ້ ໂດຍເຫດການແມ່ນຍິງສາວຄົນໜຶ່ງກໍາລັງຍ່າງເລາະຊື້ເຄື່ອງໂດຍທີ່ບໍ່ສວມຜ້າປິດປາກປ້ອງກັນໃດໆ ເມື່ອທາງພະນັກງານຮັກສາຄວາມປອດໄພເຫັນ ຈຶ່ງເຂົ້າມາກ່າວຕັກເຕືອນ ແລະ ບອກວ່າຈະບໍ່ໃຫ້ໃຊ້ບໍລິການ.

ຖ້າຫາກຜູ້ກ່ຽວຍັງບໍ່ຍອມໃຊ້ຜ້າປິດປາກ ແຕ່ສາວຄົນດັ່ງກ່າວບໍ່ມີທ່າທີສະທົກສະທ້ານແຕ່ຢ່າງໃດ ພ້ອມກັບອ້າງວ່າບໍ່ໄດ້ພົກຜ້າປິດປາກມານໍາ.

ທັ້ງນີ້ ໃນປີ 2020 ປະທານາທິບໍດີ ອາຟຣິກາໃຕ້ກ່າວວ່າ: ຫາກໃຜບໍ່ໃສ່ຜ້າປິດປາກໃນທີ່ສາທາລະນະຖືເປັນຄວາມຜິດທາງອາຍາ ອາດຖືກຈັບກຸມ ແລະ ດໍາເນີນຄະດີໄດ້ ທາງພະນັກງານຮັກສາຄວາມປອດໄພຈຶ່ງພະຍາຍາມໂນ້ມນ້າວໃຫ້ຜູ້ກ່ຽວໃສ່ຜ້າປິດປາກ ແຕ່ບໍ່ເປັນຜົນ ສຸດທ້າຍຈຶ່ງຂູ່ວ່າ ຫາກບໍ່ຍອມເຮັດຕາມກົດຈະນໍາຕົວນາງອອກຈາກຫ້າງດັ່ງກ່າວ.

ທັນໃດນັ້ນ ສາວຄົນນີ້ ກໍ່ເຮັດໃນສິ່ງທີ່ທຸກຄົນຄາດບໍ່ເຖິງ ຜູ້ກ່ຽວນໍາເອົາມືລ້ວງເຂົ້າໄປໃນຊຸດກະໂປງທີ່ໃສ່ມາ ແລ້ວຖອດກາງເກງໃນສີດໍາອອກມາ ແລ້ວນໍາມາສວມເຂົ້າທີ່ໃບໜ້າ ເພື້ອໃຊ້ເປັນຜ້າປີດປາກຊົ່ວຄາວ ຈາກນັ້ນກໍ່ຍົກນິ້ວໂປ້ໃຫ້ກັບພະນັກງານ ເປັນການຖາມພະນັກງານປະມານວ່າ ແບບນີ້ໂອເຄບໍ່ ທ່າມກາງຄວາມຕົກຕະລຶກຂອງຄົນທີ່ຢູ່ອ້ອມຮອບນັ້ນ.