ຊົມເຊີຍບໍ່ແກ້ວ! ເລີ່ມປັບປຸງເສັ້ນທາງຈຸດ 4ແຍກ ແກ້ໄຂບັນຫາອຸບັດເຫດທີ່ມັກເກີດຢູ່ຈຸດດັ່ງກ່າວ

ຊົມເຊີຍບໍ່ແກ້ວ! ເລີ່ມປັບປຸງເສັ້ນທາງຈຸດ 4ແຍກ ແກ້ໄຂບັນຫາອຸບັດເຫດທີ່ມັກເກີດຢູ່ຈຸດດັ່ງກ່າວ

5th March 2021 0 By Education

ເມື່ອມີສະພາບການ ອຸປະຕິເຫດລົດບັນທຸກສິນຄ້າຫຼາຍປະເພດມັກເກີດອຸປະຕິດເຫດຫຼາຍຄັ້ງຫຼາຍຄາວ ເຊິ່ງວ່າງບໍ່ດົນຜ່ານມານັ້ນ, ລົດຕູ້ຄອນເທນເນີ 22 ລໍ້ ໝາຍເລກທະບຽນ H8095v/HR 197 ບັນທຸກສິນຄ້າ ເຊິ່ງມີນໍ້າໜັກຫຼາຍໂຕນແລ່ນດ້ວຍຄວາມໄວຈາກດ່ານບໍ່ເຕ່ນ ແຂວງຫຼວງນໍ້າທາ ເພື່ອນໍາສົ່ງສິນຄ້າໄປ ເຂດເສດຖະກິດພິເສດ ສາມຫຼ່ຽມຄໍາ ເມືອງຕົ້ນເຜິ້ງ ແຂວງບໍ່ແກ້ວ.

ແຕ່ມາເຖິງ ຈຸດທາງ 4 ແຍກ ພະແນກແຜນການ-ການລົງທຶນແຂວງ ທາງຂຶ້ນກົມການເມືອງ ຫຼື (ພູ 106) ບ້ານ ຫ້ວຍຊາຍໃຕ້ ເມືອງຫ້ວຍຊາຍ ແຂວງບໍ່ແກ້ວ ລົດຄັນດັ່ງກ່າວໄດ້ເສຍຫຼັກລົ້ມສະແຄງທັບລົດວີໂກ້ຄັນ 1 ຄັນ ເຮັດໃຫ້ມີຜົນເສຍຫາຍເຖິງຊີວິດ ແລະ ລົດບັນທຸກສິນຄ້າຫຼາຍຄັນຜ່ານມາມັກເກີດອຸປະຕິເຫດຢູ່ຈຸດນີ້.

ດັ່ງນັ້ນ ພັກ-ລັດຂັ້ນເທິ່ງ ກໍ່ຄື ການນຳແຂວງບໍ່ແກ້ວ ພະແນກໂຍທາທິການ ແລະ ຂົນສົ່ງແຂວງ ຈິ່ງໄດ້ປຶກສາຫາລືວ່າງແຜນປັບປຸງແກ້ໄຂຈຸດດັ່ງກ່າວ ໂດຍເລີ່ມຈັດຕັ້ງປະຕິບັດໃນວັນທີ 4 ມີນາ 2021ນີ້ ຄາດວ່າຈະໃຫ້ສຳເລັດໃນໄວໆນີ້.

ແນວໃດກໍ່ຕາມ ເຖິງແມ່ນວ່າລະບົບເສັ້ນທາງຈຸດດັ່ງກ່າວຖືກປັບປຸງໃຫ້ມີຄວາມປອດໄພມີຄວາມສະດວກກໍ່ຕາມ ຂໍຮຽກຮ້ອງໃຫ້ຜູ້ໃຊ້ລົດໃຊ້ຖະໜົນທຸກຊັ້ນຄົນ ຈົ່ງມີສະຕິໃນການໄປມາພ້ອມກັນປະຕິບັດກົດລະບຽບຈາລະຈອນວາງອອກໃຫ້ເຂັ້ມງວດ.


ຂອບໃຈ: ໜັງສືພິມບໍ່ແກ້ວ