ເວົ້າແທ້! ອາຊີບໃໝ່ປາກົດ ແມ່ປ້າຮັບຈ້າງຈອງໂຕະໃນຮ້ານບັນເທີງ ຢາກໄດ້ໂຕະບໍ່ຈໍາເປັນຕ້ອງຟ້າວຫຼືໄປໄວອີກຕໍ່ໄປ

ເວົ້າແທ້! ອາຊີບໃໝ່ປາກົດ ແມ່ປ້າຮັບຈ້າງຈອງໂຕະໃນຮ້ານບັນເທີງ ຢາກໄດ້ໂຕະບໍ່ຈໍາເປັນຕ້ອງຟ້າວຫຼືໄປໄວອີກຕໍ່ໄປ

9th March 2021 0 By Education

ນັບວ່າເປັນອີກເລື່ອງລາວທີ່ສ້າງສຽງຮືຮາໃຫ້ກັບຊາວເນັດເປັນຈໍານວນຫຼາຍ ເມື່ອມີຜູ້ໃຊ້ເຟສບຸກອອກມາໂພສພາບພ້ອມລະບຸຂໍ້ຄວາມກ່ຽວກັບອາຊີບໃໝ່ທີ່ປາກົດຂື້ນ ເຊິ່ງໜ້າສົນໃຈຫຼາຍ.

ໂດຍເພຈຂ່າວຊາວບ້ານເພຈໜຶ່ງຂອງໄທ ໄດ້ໃຫ້ຂໍ້ມູນໄວ້ວ່າ: ໝົດບັນຫາຂີ້ຄ້ານມາຈອງໂຕະແຕ່ຫົວເວັນ ເມື່ອຫຼ້າສຸດ ປາກົດມີອາຊີບ ຮັບຈ້າງຈອງໂຕະ ໃນຮ້ານບັນເທີງ ໂດຍກຸ່ມຮັບຈ້າງເປັນກຸ່ມແມ່ປ້າຜູ້ສູງອາຍຸ ເຊິ່ງໜ້າເຊື່ອຖືວ່າຈະບໍ່ເມົາກ່ອນຂະນະປະຕິບັດໜ້າທີ່ຢູ່ ອິອິອິ.

ເຊິ່ງພາຍຫຼັງທີ່ມີພາບດັ່ງກ່າວເຜີຍແຜ່ອອກໄປຊາວເນັດຕ່າງກໍ່ພາກັນແຊ ຍ້ອນຖືກໃຈແມ່ປ້າກຸ່ມນີ້ທີ່ຮັບຈ້າງຈອງໂຕະໃຫ້ກັບນັກທ່ອງຣາຕີທັງຫຼາຍ ຕີຕະຫຼາດກຸ່ມຢາກທ່ຽວແຕ່ບໍ່ຢາກໄປໄວ.

ແນວໃດກໍ່ຕາມ ມີຄອມເມັ້ນຈາກນັກທ່ຽວທີ່ເຄີຍໃຊ້ບໍລິການບັນດາປ້າເຫຼົ່ານີ້ ຕ່າງກໍ່ຊ່ວຍກັນຢືນຢັນວ່າ ວິໄສທັດການຈອງໂຕະຂອງປ້າໆນັ້ນແມ່ນບໍ່ທໍາມະດາ ເພາະແຕ່ລະບ່ອນທີ່ຈອງ ຖືວ່າເປັນທໍາເລທອງເລີຍກໍ່ວ່າໄດ້ ລວມໄປເຖິງບໍ່ມີອາການຖິ້ມໂຕະອີກດ້ວຍ.

ນອກຈາກນີ້ ຊາວເນັດຍັງຍ້ອງຍໍເຖິງຄວາມຄິດການຫາລາຍໄດ້ຂອງແມ່ປ້າກຸ່ມນີ້ນໍາອີກ.