ຈັບມາສັ່ງສອນ ບອກກ່າວຕັກເຕືອນ ກຸ່ມໄວໜຸ່ມສຸດຫ້າວ ຂີ່ລົດກວນເມືອງ

ຈັບມາສັ່ງສອນ ບອກກ່າວຕັກເຕືອນ ກຸ່ມໄວໜຸ່ມສຸດຫ້າວ ຂີ່ລົດກວນເມືອງ

16th March 2021 0 By Education

ໃນວັນທີ 13 ມີນາ 2021, ກອງບັນຊາການປ້ອງກັນເຄື່ອນທີ່ ປກສ ນວ ໄດ້ອອກກວດກາລາດຕະເວນຕາມເສັ້ນທາງປະຕູໄຊ-ໄຟອຳນາດຫໍຄຳ-ທາງຕັດໃໝ່ບຶງທາດຫຼວງ ເພື່ອກວດກາຄວາມເປັນລະບຽບຮຽບຮ້ອຍ ແລະ ຄວາມສະຫງົບສຸກຂອງສັງຄົມ.


ຜ່ານການອອກກວດກາລາດຕະເວນ ສາມາດມ້າງກຸ່ມຂີ່ລົດກວນເມືອງປະເພອງບັອງບັນຊາກາ ໝົດ 9 ຄັນ. ໃນນີ້, ມີລົດດັດແປງສະພາບເຕັກນິກລົດ 4 ຄັນ, ສາມາດກັກຕົວຜູ້ຂັບຂີ່ ແລະ ຜູ້ຊ້ອນທ້າຍໄດ້ທັງໝົດ 18 ຄົນ, ຍິງ 6 ຄົນ. ດັ່ງນັ້ນ, ເຈົ້າ ໜ້າທີ່ກອງບັນຊາການປ້ອງກັນເຄື່ອນທີ່ ຈຶ່ງໄດ້ກັກລົດຈຳນວນດັ່ງກ່າວໄວ້ ເພື່ອກວດກາລາຍລະອຽດທີ່ມາຂອງລົດ. ສຳລັບຜູ້ຂັບຂີ່ ແລະ ຜູ້ຊ້ອນທ້າຍ ແມ່ນໄດ້ເຮັດບົດບັນທຶກຊ່ອງໜ້າຜູ້ປົກຄອງ ແລ້ວຈະນຳມາສຶກສາອົບຮົມຕາມລະບຽບກົດໝາຍ.


ຕໍ່ກັບບັນຫາດັ່ງກ່າວ, ເຈົ້າໜ້າທີ່ ປກສ ນວ ໄດ້ຮຽກຮ້ອງມາຍັງພະນັກງານ, ທະຫານ, ຕຳຫຼວດ, ພໍ່-ແມ່ປະຊາຊົນທຸກຊັ້ນຄົນ ໂດຍສະເພາະຜູ້ປົກຄອງຂອງເດັກ ທີ່ບໍ່ທັນບັນລຸນິຕິພາວະ ຫຼື ບໍ່ທັນເຖິງກະສຽນອາຍຸທີ່ຢູ່ໃນໄວຮຽນ ຈົ່ງເອົາໃຈໃສ່ຄຸ້ມຄອງ, ສຶກສາອົບຮົມ, ຕັກເຕືອນລູກ, ຫຼານຂອງຕົນບໍ່ໃຫ້ຂີ່ລົດເປັນພຶງເປັນແພ ແລະ ບໍ່ໃຫ້ດັດແປງສະພາບເຕັກນິກລົດ.

ເພາະການຂີ່ລົດເປັນພຶງເປັນແພ ຈະພາໃຫ້ເກີດອຸບັດຕິເຫດ ແລະ ສ້າງຄວາມສັບສົນເຮັດໃຫ້ການສັນຈອນແອອັດ ແລະ ການດັດແປງສະພາບເຕັກນິກລົດ ແມ່ນການລະເມີດຄຳສັ່ງຂອງເຈົ້າຄອງນະຄອນຫຼວງວຽງຈັນ ສະບັບເລກທີ 602/ຈນວ, ລົງວັນທີ 29 ກັນຍາ 2020 ວ່າດ້ວຍການຄວບຄຸມສຽງເນືອງນັນ ຢູ່ນະຄອນຫຼວງວຽງຈັນ