ງານລ້ຽງຕ້ອງເລີກລາ ຮັກຫວານໆກໍ່ຈຳຈາກ 6 ປີແສນມີຄ່າກໍ່ຕ້ອງໄປ

ງານລ້ຽງຕ້ອງເລີກລາ ຮັກຫວານໆກໍ່ຈຳຈາກ 6 ປີແສນມີຄ່າກໍ່ຕ້ອງໄປ

20th March 2021 0 By Education

ແຈັດແຟນສັນ ນັກສະແດງ, ພິທີກອນ ບັນເທິງໄທປະກາດເລີກລາກັບແຟນສາວ ຄຸນ ຄຸທັນຍາທີ່ຄົບຫາດູໃຈກັນມາຍາວນານ 6 ປີ ບອກພຽງວ່າ ຈາກນີ້ໄປເປັນໝູ່ກັນດີທີ່ສຸດ, ເຊິ່ງງານນີ້ຫຼາຍຄົນຄິດວ່າທັງສອງກຳລັງຕົວະເປັນສ້າງກະແສຂາຍເພງເທົ່ານັ້ນ ແຕ່ໜຸ່ມແຈັດກໍ່ຢືນຢັນຊັດເຈນວ່າເລີກແລ້ວອີຫຼີ ຄວາມຈີງຕົນກໍ່ຢາກໃຫ້ເປັນຄືທຸກຄົນຄິດແຕ່ມັນເປັນໄປແລ້ວ ຕອນນີ້ເປັນໄດ້ພຽງເພື່ອນກັນ.

ຄູ່ນີ້ເຄີຍຮັກກັນມາກມາຍ ແຈັດຈາກໜຸ່ມອ້ວນເມື່ອມີແຟນແລ້ວຕັ້ງໃຈອອກກຳລັງກາຍຫຼຸດຮຸ້ນຈົນປ່ຽນໄປເປັນຄົນລະຄົນ, ຈັດການເວລາທີ່ ມີໃຫ້ໄດ້ຢູ່ພ້ອມໜ້າມີຄວາມສຸກ ສຸດທ້າຍກໍ່ຍັງໄປກັນບໍ່ເຖິງຝັ່ງຝັນ.

ຖາມເຖິງສາເຫດທີ່ຕ້ອງເລີກລາເຫດໃດຄົນສອງຄົນທີ່ຮັກກັນດີໆຕ້ອງອຳລາພາຈາກແລ້ວບອກພຽງວ່າໃຫ້ເປັນເພື່ອນກັນຕະຫຼອດໄປທັ້ງທີ່ຄົບກັນມາ 6 ປີແລ້ວ, ໜຸ່ມແຈັດບອກວ່າ ຄວາມຈີງແລ້ວບໍມີເລື່ອງຜິດພ້ອງຕ້ອງຖຽງກັນເລີຍ ພຽງແຕ່ວ່າຢູ່ກັນໄປດົນໆກໍ່ຮູ້ສຶກສ່າ ມັນບໍແມ່ນຄວາມຮັກຄວນຈະເປັນໝູ່ກັນດີກວ່າ ເມື່ອຄວາມຮູ້ສຶກຂອງຄົນສອງຄົນຄິດວ່າເປັນໝູ່ກັນດີກວ່າຕ້ອງປ່ອຍໃຫ້ເປັນໄປຕາມນັ້ນ.

ໜຸ່ມແຈັດຍັງບອກອີກວ່າ ລະຫວ່າງທີ່ສອງຄົນເປັນແຟນກັນ ຄອບຄົວຂອງສາວຄຸນກໍ່ດີກັບຕົນທຸກເລື່ອງ ຈົນຄິດບໍ່ເຖິງວ່າຈະມີວັນນີ້ແຕ່ກໍ່ເປັນໄປແລ້ວຕ້ອງຍອມຮັກ.

ສຳລັບຄວາມຮັກຂອງຄູ່ນີ້ ກ່ອນໜ້ານັ້ນ ແຈັດໄດ້ບອກກັບສື່ວ່າ ຄຸນຈະເປັນເຈົ້າສາວໃນອະນາຄົດຂອງເພິ່ນ ແຕ່ຢູ່ໆພັດປະກາດເລີກລາ, ແຈັດເອງບອກວ່າ ຢາກໃຫ້ເປັນພຽງຝັນຮ້າຍແຕ່ກໍ່ເປັນຄວາມຈີງສອງຄົນບໍ່ສາມາດຈັບມືກ້າວເດີນຕໍ່ໄປອີກແລ້ວ ທັງສອງພະຍາຍາມແລ້ວໃຫ້ໄດ້ຢູ່ນຳກັນແຕ່ຄົງຕ້ອງຢຸດພຽງເທົ່ານີ້

ສຸດທ້າຍແລ້ວໜຸ່ມແຈັດກໍຍອມຮັບວ່າ ທີ່ໄປຕໍ່ກັນບໍ່ໄດ້ຍ້ອນຕົນເອງເຮັດວຽກຫຼາຍເກີນໄປບໍ່ມີເວລາໃຫ້ແຟນກໍ່ເລີຍລົມກັນວ່າ ຖ້າເປັນເຊັ່ນນັ້ນໃຫ້ເປັນໝູ່ກັນດີກວ່າ

ແນວໃດກໍ່ຍັງຄິດເຖິງໃນໃຈເລິກໆເພາະຢູ່ນຳກັນມາ 6 ປີແລ້ວແຟນກໍ່ດີກັບໂຕເອງທຸກຢ່າງ, ສ່ວນໂອກາດຈະຄືນດີກັນໜຸ່ມແຈັດບອກວ່າມັນເປັນເລື່ອງຂອງອະນາຄໄດ ບໍ່ສາມາດກຳນົດໄດ້ປ່ອຍໃຫ້ເປັນໄປຕາມໂຊກຊາຕາ ແລະບຸນວາດສະໜາຈະເກີດມາເພື່ອກັນຫຼືບໍ.