ເຕືອນໄພໃກ້ຕົວ! ຈອດລົດທ່າມກາງແສງແດດຮ້ອນແຮງ ວາງຕຸກນໍ້າໄວ້ໃນລົດ ເປັຍເຫດເກືອບໄຟໄໝ້(ມີຄລິບ)

ເຕືອນໄພໃກ້ຕົວ! ຈອດລົດທ່າມກາງແສງແດດຮ້ອນແຮງ ວາງຕຸກນໍ້າໄວ້ໃນລົດ ເປັຍເຫດເກືອບໄຟໄໝ້(ມີຄລິບ)

26th March 2021 0 By Education

ປັດຈຸບັນກ້າວເຂົ້າສູ່ລະດູແລ້ງແລ້ວ ເຊິ່ງສະພາບອາກາດໃນຊ່ວງນີ້ ເອີ້ນໄດ້ວ່າຮ້ອນແຮງຫຼາຍ, ທຸກສິ່ງເທິງໜ້າໂລກ ທັງສິ່ງມີຊີວິດ ແລະບໍ່ມີຊີວິດ ຕ່າງໄດ້ຮັບຜົນກະທົບໄປຕາມໆກັນ. ທີ່ສໍາຄັນ ໜ້າຮ້ອນແບບນີ້ ສິ່ງທີ່ຕ້ອງລະວັງເປັນຢ່າງຍີ່ງແມ່ນເລື່ອງໄຟ.

ເຊິ່້ງມື້ນີ້ ແອັດມິນສຶກສາ-ໄອທີ ມີເຫດການຢາກບອກເລົ່າກ່າວເຕືອນໄພ ສໍາລັບນັກຂັບຂີ່ທັງຫຼາຍ ໃນຊ່ວງໜ້າຮ້ອນແບບນີ້, ໂດຍເຫດການທີ່ເກີດຂຶ້ນນີ້ ແມ່ນເກີດຂຶ້ນຢູ່ປະເທດໄທ ແຕ່ຍ້ອນເຫັນວ່າມັນເປັນເລື່ອງໃກ້ຕົວ ຈຶ່ງຂໍຍົກມາເຕືອນໄພ ເຕືອນສະຕິພີ່ນ້ອງຄົນລາວທັງຫຼາຍ.

ໂດຍເຫດການເຕືອນໄພນີ້ ແມ່ນເກີດຂຶ້ນກັບຊ່າງສ້ອມແປງລົດທ່ານໜຶ່ງ ທີ່ຂີ່ລົດໄປຈອດໄວ້ທ່າມກາງແສງແດດທີ່ຮ້ອນຈັດ ເຊິ່ງໃນລົດແມ່ນມີຂວດນໍ້າວາງຢູ່ລະຫວ່າງກາງເບາະຄົນຂັບ ຜູ້ກ່ຽວສັງເກດເຫັນຄວັນປິວຂຶ້ນຈາກເບາະນັ່ງທາງຂ້າງ ແຕ່ຄິດວ່າເປັນຄວັນຢາສູບ ແຕ່ທີ່ຈິງແລ້ວມັນບໍ່ແມ່ນເລີຍ.

ຄວັນທີ່ເກີດຂຶ້ນ ແມ່ນເກີດຈາກແສງແດດທີ່ຮ້ອນຈັດ ສະທ້ອນໃສ່ຂວດນໍ້າທີ່ຕັ້ງໄວ້ ກະທົບກັບເບາະລົດ ເຮັດໃຫ້ເກີດຄວັນດັ່ງກ່າວຂຶ້ນ, ທັ້ງນີ້ ໜຸ່ມຊ່າງສ້ອມແປງທ່ານນີ້ ໄດ້ໂພສຄລິບ ພ້ອມຂໍ້ຄວາມເຕືອນໄພໄວ້ວ່າ: ເຕືອນໄພໃກ້ຕົວ ລົດລູກຄ້າເອົາມາແປງ ມີຂວດນໍ້າຕັ້ງໄວ້ໃນລົດ ແລ້ວເກີດມີຄວັນນີ້ຂຶ້ນ ຍັງດີທີ່ໄຟບໍ່ລຸກໄໝ້ ຍ້ອນຂຶ້ນລົດໄປພົບເຫັນພໍດີ.

ແຟນເພຈທີ່ຮັກແພງ ນີ້ຖືເປັນອີກເລື່ອງເຕືອນໄພໃກ້ຕົວ ໃຫ້ນັກຂັບຂີ່ໄດ້ລະມັດລະວັງນໍາກັນ ໂດຍສະເພາະຊ່ວງໜ້າຮ້ອນ ແດດແຮງແບບນີ້.

ມີຄລິບ