ວອນ​ຜູ້​ໃຈ​ບຸນ​ຊ່ວຍ ມິ​ຊິນ ສາວ​ຜູ້​ເຮັດ​ວຽກ​ຫາ​ເງິນ​ລ້ຽງ​ຄອບ​ຄົວ ປ່ວຍ​ໜັກຄ່າ​ໃຊ້​ຈ່າຍ​ບໍ່​ພຽງ​ພໍ

ວອນ​ຜູ້​ໃຈ​ບຸນ​ຊ່ວຍ ມິ​ຊິນ ສາວ​ຜູ້​ເຮັດ​ວຽກ​ຫາ​ເງິນ​ລ້ຽງ​ຄອບ​ຄົວ ປ່ວຍ​ໜັກຄ່າ​ໃຊ້​ຈ່າຍ​ບໍ່​ພຽງ​ພໍ

26th March 2021 0 By Entertain

ເຟດບຸກ Meeyai Sisomvang (ໝີໃຫຍ່) ນ້ອງຮ້ອງ, ລີດເດີ້ ໄດ້ໂພສຂໍຄວາມຊ່ວຍເຫຼືອວ່າ
savemixin ຄົນລະ1ໄລຄ໌1ແຊຣ໌ (ເລກບັນຊີບໍລິຈາກຢູ່ລຸ່ມສຸດ)

ຢຸດອ່ານກ່ອນ ເພື່ອຕໍ່ລົມຫາຍໃຈໃຫ້ຄົນໆໜຶ່ງ ! ຈາກທີ່ນ້ອງມີຊິນໄດ້ຍ້າຍໄປປິ່ນປົວຢູ່ປະເທດໄທ ຈົນຮອດມື້ນີ້ ນັບເປັນເວລາ 5 ມື້ແລ້ວ, ກ່ອນໜ້ານີ້ທາງຄອບຄົວໄດ້ພານ້ອງເຂົ້າຮັບການຮັກສາທີ່ໂຮງໝໍແຫ່ງໜຶ່ງໃນລາວ(ຂໍອະນຸຍາດບໍ່ອອກຊື່) ເບື້ອງຕົ້ນອາການຂອງນ້ອງແມ່ນ ເປັນວິນ ເປັນໄຂ້ ໜ້າມືດ ແລະ ໄດ້ນຳສົ່ງຫ້ອງສຸກເສີນ ອາການເລີ່ມຊຸດໂຕລົງເລື້ອຍໆ ນ້ອງມີອາການຊ໊ອກຫລາຍຮອບ ພ້ອມນັ້ນ ຍັງມີອາການນໍ້າຖ້ວມປອດ ແລະ ມີອາການຫາຍໃຈຫອບຈົນກະທັ້ງນ້ອງໝົດສະຕິໄປ ແລະ ໄດ້ໃສ່ເຄື່ອງຊ່ວຍຫາຍໃຈແບບແຍ່ຄໍ (ໝໍໄດ້ໃຫ້ຄຳເຫັນວ່າ ບໍ່ສາມາດຊ່ວຍນ້ອງໄດ້ແລ້ວ ລໍຖ້າແຕ່ປະຕິຫານ)

ເມື່ອຮອດມືໝໍຢູ່ປະເທດເພື່ອນໄທ ໝໍໄດ້ບົ່ງມະຕິພະຍາດວ່ານ້ອງຕິດເຊື້ອພະຍາດໄຂ້ເລືອດອອກທີ່ຮ້າຍແຮງ ເຊິ່ງໄວຣັສໄປທຳລາຍຫົວໃຈ ຕັບ ແລະ ປອດ
ອາການທີ່ຜ່ານມານ້ອງ ອາການດີຂື້ນຕາມລຳດັບ ຕອບສະໜອງຕໍ່ຢາທີ່ຫມໍໃຊ້ປິ່ນປົວໄດ້ດີ ຖອດເຄື່ອງຊ່ວຍຫາຍໃຈທຽມແລ້ວ ກິນເຂົ້າເອງໄດ້ແລ້ວ, ແລະ ອອກຈາກ ICU ມາຢູ່ຫ້ອງ CCU

ແຕ່ມາຮອດວັນທີ 24/3/2021 ເວລາ 13:55 ໂມງ ມີຊິນມີອາການ ຫົວໃຈຢຸດເຕັ້ນກະທັນຫັນ ຊີບພະຈອນຢຸດເຕັ້ນ ຫມໍຈຶ່ງໄດ້ທຳການປ້ຳຫົວໃຈກູ້ຊີບນ້ອງ
ຕອນນີ້ນ້ອງກັບຄືນມາອີກຄັ້ງຫນຶ່ງແລ້ວ, ຈາກເຫດການມື້ນີ້ ນ້ອງຈະຕ້ອງໄດ້ຢູ່ໂຮງຫມໍເພື່ອຕິດຕາມອາການອີກດົນ ເພາະຫມໍຍັງຕ້ອງຕິດຕາມອາການຢ່າງໃກ້ຊິດເພື່ອຫາສາເຫດທີ່ຫົວໃຈຢຸດເຕັ້ນກະທັນຫັນ,

ເນື່ອງຈາກທາງຄອບຄົວນ້ອງກໍ່ຂາດເຂີນຊັບ ແລະ ນ້ອງເອງເວົ້າໄດ້ວ່າເປັນເສົາຫລັກຂອງຄອບຄົວ ພວກເຮົາອ້າຍເອື້ອຍນ້ອງຕາງຫນ້າຄອບຄົວ ຢາກໃຫ້ນ້ອງກັບຄືນມາແຂງແຮງອີກຄັ້ງ ຈຶ່ງມີຄວາມຈຳເປັນຢາກຂໍຄວາມຊ່ວຍເຫຼືອຈາກຫມູ່ເພື່ອນອ້າຍເອື້ອຍນ້ອງ ຜູ້ທີ່ຮັກ ແລະ ເອັນດູນ້ອງມີຊີນ

ຂໍການບໍລິຈາກຜູ້ລະເລັກລະນ້ອຍເພື່ອຕໍ່ຊີວິດນ້ອງໃຫ້ກັບຄືນມາໄດ້ຄືເກົ່າ, ຜ່ານມາ ຄ່າໃຊ້ຈ່າຍທີ່ໃຊ້ໃນການປິ່ນປົວຢູ່ໂຮງຫມໍຢູ່ລາວ ນອນ ICU ເປັນເວລາ 6 ມື້, ຄ່າເຄື່ອນຍ້າຍ, ຄ່າປິ່ນປົວ ແລະ ນອນ ICU ຢູ່ໄທ ເປັນເວລາ 4 ມື້ ທາງຫົວຫນ້າ ກໍຄືອ້າຍ ໂຈໂຈ້ Chilasak JoJo Saysanith ຫຼື JoJo Miracle ໄດ້ຊ່ວຍຈ່າຍຢ່າງເຕັມທີ່ທັງຄ່າປິ່ນປົວຢູ່ລາວ ແລະ ໄທ ແລະ ຄ່າເຄື່ອນຍ້າຍ
ໝົດໄປລວມໆ 150 ກວ່າລ້ານກີບແລ້ວ ຖືເປັນຈຳນວນທີ່ສູງຫລາຍ ແລະ ເປັນບຸນຄຸນກັບນ້ອງສາວພວກເຮົາທີ່ສຸດ

ເຊິ່ງຄ່າໃຊ້ຈ່າຍຕໍ່ຈາກນີ້ໄປທີ່ຈະຍື້ຊີວິດນ້ອງໄດ້ ຕໍ່ລົມຫາຍໃຈນ້ອງໄດ້ ແມ່ນຈະມາຈາກທຸກກີບຈາກອ້າຍເອື້ອຍນ້ອງທີ່ຊ່ວຍບໍລິຈາກໃຫ້ມີຊິນ ນ້ອງເປັນຄົນທີ່ດຸໝັ່ນ ເຮັດວຽກຫ້າວຫັນຫາລ້ຽງຄອບຄົວ ເປັນທີ່ຮັກແພງຂອງທຸກຄົນທີ່ຮູ້ຈັກ
ສຳລັບທ່ານໃດທີ່ຢາກຊ່ວຍເຫຼືອນ້ອງ ແລະ ຄອບຄົວ ສາມາດໂອນເຂົ້າບັນຊີນ້ອງໂດຍກົງເລີຍ ຜູ້ລະເລັກລະນ້ອຍກໍ່ຖືວ່າເປັນບຸນກຸສົນອັນໃຫຍ່ຫຼວງ

ເລກບັນຊີ ທະນາຄານການຄ້າ ຊື່ : mixin Inthavong 22255222
ທັງສະກຸນເງິນກີບ ບາດ ແລະ ໂດລາໃນໝາຍເລກດຽວ ທະນາຄານກະສິກອນໄທ
MR. CHILASAK SAYSANITH 6802263587
ຂໍຂອບໃຈທີ່ອ່ານຈົນຈົບ ຂອບໃຈທັງຜູ້ທີ່ຊ່ວຍເຫຼືອນ້ອງ ບໍ່ວ່າຈະເປັນກຳລັງໃຈ ແລະ ກຳລັງຊັບ
ມັນມີຄ່າກັບນ້ອງຫຼາຍ ຝາກແຊຣ໌ຕໍ່ໆກັນດ້ວຍ