ສູບຢາພິດໄພຮ້າຍແຮງ ເສຍເງິນເສຍທັງເຮືອນ

ສູບຢາພິດໄພຮ້າຍແຮງ ເສຍເງິນເສຍທັງເຮືອນ

30th March 2021 0 By Education

ໄລຍະນີ້ແມ່ນທຸກແຫ່ງຫົນແຫ້ງກະແດ້ງສ່ຽງຕໍ່ການເກີດໄຟໄໝ້ຫຼາຍ ບໍ່ວ່າຈະເຮັດຫຍັງຕ້ອງມີສະຕິຢຸ່ສະເໝີ ເພື່ອປ້ອງກັນບັນຫາອັກຄີໄພທີ່ຈະພາໃຫ້ໝົດຕົວ ກວ່າຈະໄດ້ເຮືອນຫຼັງໜຶ່ງຊັບສິນແຕ່ລະຢ່າງລ້ວນແລກມາດ້ວຍຢາດເຫື່ອ ແລະເມັດເງິນທີ່ຫາມາດ້ວຍຄວາມລຳບາກ ຍິ່ງຖ້າເປັນການສູບຢາແນວທີ່ຄົນເປັນຄົນຕ່ອຍກາໄຟເອງຍິ່ງຕ້ອງລະວັງທີ່ສຸດບໍດັ່ງນັ້ນກໍຈະເປັນດັ່ງເຫດການນີ້ທີ່ເກີດຂຶ້ນຢູ່ເມືອງແກ່ວທ້າວ ແຂວງໄຊຍະບູລີ.


ໄດ້ເກີດເຫດໄຟໄໝ້ເຮືອນປະຊາຊົນ ທີ່ເມືອງແກ່ນທ້າວ ເສຍຫາຍມູນຄ່າ 30 ກ່ວາລ້ານກີບ ເຫດເກີດຂຶ້ນໃນເວລາ 09:32 ນາທີ ຂອງວັນທີ 29 ມີນາ 2021 ນີ້, ທີ່ບ້ານທ້າວແກ່ນ ເມືອງແກ່ນທ້າວ ແຂວງໄຊຍະບູລີ ເຊິ່ງເປັນເຮືອນຂອງທ້າວ ພອກ ແສນພັນສິລິ ປະຊາຊົນ ບ້ານທ້າວແກ່ນ ເຮືອນຫຼັງດັ່ງກ່າວເປັນເຮືອນ 2 ຊັ້ນ ເຄິ່ງໄມ້ເຄິ່ງປູນ.


ຕາມຂ່າວໃຫ້ຮູ້ວ່າ ສາເຫດຂອງເຫດການໄຟໄໝ້ຄັ້ງນີ້ແມ່ນເກີດຈາກການສູບຢາແລ້ວຖິ້ມຊະຊາຍ ຈຶ່ງພາໃຫ້ເກີດໄຟໄໝ້ເຮືອນຕາມມາ ຜ່ານການເກັບກໍາຂໍ້ມູນລວມມູນຄ່າເສຍຫາຍທັງໝົດ 30,670,000 ກີບ.


ຂໍ້ມູນ: ຖວທ ເມືອງແກ່ນທ້າວ