ໂຊຫວານຄັກ ດາອິນໂດຟິນກັບຊາຍໃນໃຈແຣັບເປີ້ຊື່ດັງ

ໂຊຫວານຄັກ ດາອິນໂດຟິນກັບຊາຍໃນໃຈແຣັບເປີ້ຊື່ດັງ

31st March 2021 0 By Education

ເທີມີສັນແລ້ວສັນມີໄຄ ຕອນນີ້ໂຄງເປັນພຽງບົດເພງເພາະເຈົ້າຂອງເພງມີຄົນໃນໃຈແລ້ວ ທີ່ກຳລັງກ່າວເຖິງນີ້ຄືດາອິນໂດຟິນນັກຮ້ອງສາວໄທຜູ້ມີສຽງເປັນສະເໜ່ ເຊິ່ງຜ່ານມາບໍຄ່ອຍເຫັນເພິ່ນເປີດເຜີຍຄູ່ຮັກເລີຍ ແຕ່ດຽວນີ້ໂຊຫວານຄັກ!

ຊາຍຜູ້ໄດ້ຫົວໃຈສາວດາອິນໂດຟີນໃນຕອນນີ້ຄື ແຣັບເປີຊື່ດັງ ເດນນິສ ໄທຄູນ, ໜຸ່ມຄົນນີ້ສາວດາຄວງແຂນມາໂຊສື່ ແລະແຟນຂ່າວໃນຖານະສິນລະປິນນ້ຳເບີໜຶ່ງ(ຄົນທຳອິດ)ຂອງຄ້າຍເພງເລືອດໃໝ່(28 Recording Label) ເລີຍລະ.

ນີ້ເປັນຄ້ານເພງທີ່ສາວດາສ້າງຂຶ້ນມາຈາກນ້ຳພັກນ້ຳແຮງໂຕເອງ ແລະເອົາຫວານໃຈມາເປັນສິນລະປິນຄົນທຳອິດ ຫຼັງຈາກນັ້ນກໍ່ຈະປັ້ນຄົນອື່ນໆຂຶ້ນມາ ໃນຖານະນັກຮ້ອງບໍແມ່ນຫວານໃຈໄດລະ!

ສຳລັບບ່າວເດນນິສກັບສາວດາອິນໂດຟິນແມ່ນຮູ້ຈັກກັນມາ 10 ປີແລ້ວ ແຕ່ຫາກໍ່ມາປິ້ງກັນປີກາຍນີ້ຍ້ອນສາຍອາຊີບທີ່ມັກ ແລະໄດ້ມາເຮັດເພງຮ່ວມກັນ.

ສາວດາຕົກລົງປົງໃຈເປັນແຟນກັບໜຸ່ມເດນນິສ ເພາະນິໄສໃຈຄໍຄວາມຄິດທີ່ເຂົ້າກັນໄດ້ດີ ດາບອກວ່າ ຈາກໝູ່ກາຍມາເປັນແຟນມັນເປັນອີຫຍັງທີ່ຊ່ວຍໄດ້ຫຼາຍສົມຄວນ ທັງສອງມີຄວາມຫຼາຍໆຢ່າງທີ່ຄ້າຍກັນ.

ຄວາມຮັກຂອງທັງສອງເກີດຂຶ້ນແບບບໍ່ຮູ້ໂຕ ຈາກທີ່ລົມເລື່ອງວຽກກໍ່ກ້າວມາສູ່ເລື່ອງຄອບຄົວ ແລະເລື່ອງຂອງຊີວິດ ເຊິ່ງຈື່ບໍໄດ້ເລີຍວ່າໃຜຈີບໃຜກ່ອນ ຮູ້ຕົວອີກທີກາຍເປັນຄົນທີ່ຄິດຮອດແລ້ວ ວ້າວໆໆໆ!

ສ່ວນຄຳວ່າແຟນດານັບມາໄດ້ເຄິ່ງປີແລ້ວລະເພິ່ນວ່າ….ເລີ່ມຕົ້ນຮູ້ວ່າຄົນນີ້ຄືຄົນຂອງໃຈປະມານເດືອນກັນຍາຂອງປີ 2020 ແລ້ວກໍ່ທຸ່ມເທໃຈໃຫ້ກັນແຕ່ນັ້ນເປັນຕົ້ນມາ ຕອນນີ້ກໍ່ມາຮ່ວມກັນສ້າງທຸລະກິດນຳກັນ.