ຮ່ວມໄຫວ້ອາໄລ ແກ່ແມ່ເຖົ້າໄຂ່ແກ້ວ ວົງຄໍາຊາວ ພັນລະຍາ ໜຶ່ງໃນຜູ້ຊ່ວຍການນໍາແຫກຄຸກໂພນເຄັງ

ຮ່ວມໄຫວ້ອາໄລ ແກ່ແມ່ເຖົ້າໄຂ່ແກ້ວ ວົງຄໍາຊາວ ພັນລະຍາ ໜຶ່ງໃນຜູ້ຊ່ວຍການນໍາແຫກຄຸກໂພນເຄັງ

13th February 2020 0 By Education

ນັບເປັນຂ່າວເສົ້າສະລົດໃຈອີກໜຶ່ງເຫດການ ອັນສ້າງຄວາມໂສກເສົ້າໃຫ້ແກ່ບັນດາຄອບຄົວ ຍາດຕິພີ່ນ້ອງຂອງຕະກຸນວົງຄໍາຊາວທີ່ໄດ້ສູນເສຍ ບຸກຄົນສໍາຄັນໃນຄອບຄົວນັ້ນກໍ່ຄືແມ່ເຖົ້າໄຂ່ແກ້ວ ວົງຄໍາຊາວ ພັນລະຍາຂອງທ່ານ ສາລີ ວົງຄໍາຊາວ  ອາດີດ ໜຶ່ງໃນຜູ້ຊ່ວຍການນໍາ 16ທ່ານແຫກຄຸກໂພນເຄັງໃນປີ 1960.

ແມ່ເຖົ້າໄຂ່ແກ້ວ ວົງຄໍາຊາວ ໄດ້ເສຍຊີວິດລົງໃນເວລາ 03:00 ໂມງຂອງວັນທີ 11 ກຸມພາ 2020  ລວມອາຍຸໄດ້ 93ປີ, ເຊິ່ງກ່ອນໜ໊ານີ້ທ່ານໄດ້ມີອາການເຈັບເປັນ ເຊິ່ງຄອບຄົວກໍ່ໄດ້ຂົນຂວາຍນໍາໄປປິ່ນປົວຢູ່ທັງພາຍໃນ ແລະ ຕ່າງປະເທດ ຢ່າງສຸດຄວາມສາມາດແລ້ວແຕ່ກໍ່ສາມາດກອບກູ້ເອົາຊີວິດຂອງທ່ານຄືນມາໄດ້.

ເຊິ່ງພິທີການຊາປະນາກິດສົບ ແລະ ໄຫວ້ອາໄລຈະຈັດເປັນເວລາ 5ວັນ ນັບແຕ່ວັນທີ 11 ຫາ 15 ກຸມພານີ້ , ປັດຈຸບັນສົບຂອງເພິ່ນໄດ້ບໍາເພັນກຸສົນຢູ່ບ້ານຂອງເພິ່ນເອງທີ່ບ້ານ ສີສະຫວາດ ເມືອງຈັນທະບູລີ ນະຄອນຫຼວງວຽງຈັນ, ສ່ວນວັນຊາປະນາກິດສົບຢ່າງເປັນທາງການຈະຈັດໃນວັນທີ 16 ກຸມພາ 2020 ເວລາ 13:00ໂມງ ທີ່ວັດເທບນິມິດ(ວັດທາດຝຸ່ນ), ສ່ວນອັງຄານ 18 ກຸມພາ  ເປັນພິທີຫ້າງຫາກະກຽມຕັ້ງກອງບຸນ ແລະ ສູດປະລິຕະມຸງຄຸນ, ຫຼັງຈາກນັ້ນວັນທີ 19 ກຸມພາ  ເວລາ 7:00ໂມງ ແມ່ນໃສ່ບາດ ຖວາຍສັງຄະທານ

ເຖິງຢ່າງໃດກໍ່ຕາມທີມງານຂອງພວກເຮົາຂໍສະແດງຄວາມເສຍໃຈ ຕໍ່ຄອບຄົວວົງຄໍາຊາວ ພ້ອມຮ່ວມໄຫວ້ອາໄລແກ່ແມ່ເຖົ້າໄຂ່ແກ້ວ ໃຫ້ໄສູ່ສຸຂະຕິ ຢູ່ໃນພົບພູມທີ່ດີດ້ວຍເທີ້ນ.

ຂອບໃຈຮູບ: Thongsavanh Vonghathep