ກຽມຮັບມືເດີ້ພີ່ນ້ອງ! ເຕືອນໄພຝົນຕົກໜັກ 2-5ເມສາ ພາກກາງ-ເໜືອ ລະວັງໄວ້

ກຽມຮັບມືເດີ້ພີ່ນ້ອງ! ເຕືອນໄພຝົນຕົກໜັກ 2-5ເມສາ ພາກກາງ-ເໜືອ ລະວັງໄວ້

2nd April 2021 0 By Education

ແຈ້ງເຕືອນພີ່ນ້ອງ 14ແຂວງ ເຝົ້າລະວັງ ພ້ອມກຽມຮັບມືກັບຝົນຕົກຟ້າຮ້ອງ ພ້ອມລົມພັດແຮງ ເຕືອນທຸກຄົນມີສະຕິລະວັງຕົວໃຫ້ດີ. ໂດຍກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ກົມອຸຕຸນິຍົມ ແລະ ອຸທົກກະສາດ ໄດ້ອອກແຈ້ງເຕືອນ ຈະມີຝົນຕົກຟ້າຮ້ອງຟ້າເຫຼື້ອມ ແລະ ໝາກເຫັບຕົກ ວັນທີ 02 – 05 ເມສາ 2021.


ເນື່ອງຈາກວ່າ ບໍລິເວນຄວາມກົດດັນອາກາດຕໍ່າ ໄດ້ປົກຄຸມຢູ່ທົ່ວທຸກພາກຂອງປະເທດລາວ ສົມທົບກັບກະແສລົມຕາເວັນຕົກສ່ຽງໃຕ້ພັດປົກຄຸມດ້ວຍກຳລັງແຮງ ໃນໄລຍະວັນທີ 02 – 05 ເມສາ 2021 ນີ້, ຊຶ່ງຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍຫາປານກາງເປັນບໍລິເວນກວ້າງ ແລະ ຕົກໜັກ ພ້ອມມີລົມພັດແຮງຢູ່ບາງທ້ອງຖິ່ນແຂວງພາກເໜືອ ແລະ ພາກກາງ.


ດັ່ງນັ້ນ, ຈຶ່ງແຈ້ງເຕືອນເຖີງອຳນາດການປົກຄອງທຸກພາກສ່ວນ ແລະ ປະຊາຊົນບັນດາເຜົ່າທີ່ອາໄສຢູ່ແຂວງຜົ້ງສາລີ, ຫົວພັນ, ຊຽງຂວາງ, ຫຼວງນ້ຳທາ, ບໍ່ແກ້ວ, ອຸດົມໄຊ, ຫຼວງພະບາງ, ໄຊຍະບູລີ, ນະຄອນຫຼວງວຽງຈັນ, ໄຊສົມບູນ, ວຽງຈັນ, ບໍລິຄຳໄຊ, ຄຳມ່ວນ, ສະຫວັນນະເຂດ ຈົ່ງມີສະຕິລະມັດລະວັງຕໍ່ສະພາບຝົນຕົກຟ້າຮ້ອງຟ້າເຫຼື້ອມ, ຟ້າຜ່າ, ໝາກເຫັບຕົກ ແລະ ລົມພັດແຮງ.

ເຊິ່ງອາດຈະເຮັດໃຫ້ຕົ້ນໄມ້ຫັກ, ເສົາໄຟຟ້າ ແລະ ປ້າຍໂຄສະນາຫັກລົ້ມ, ຫຼັງຄາເຮືອນເປ່ເພ ພ້ອມນີ້ກໍ່ໃຫ້ຫຼີກເວັ້ນ ການໄປຢູ່ກ້ອງຕົ້ນໄມ້ໃຫຍ່ ຫຼື ຢູ່ກາງເດີ່ນທີ່ກວ້າງເພາະຈະມີຄວາມສ່ຽງໃຫ້ເກີດຟ້າຜ່າ, ຂໍໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ໃນໄລຍະ1 ຫາ 3 ວັນຕໍ່ໜ້ານີ້.