ວົງການກະສິກຳລາວສູນເສຍໜຶ່ງບຸກຄົນສຳຄັນ ຜູ້ຢາກພັດທະນາຊິ້ນງົວລາວສູ່ສາກົນ

ວົງການກະສິກຳລາວສູນເສຍໜຶ່ງບຸກຄົນສຳຄັນ ຜູ້ຢາກພັດທະນາຊິ້ນງົວລາວສູ່ສາກົນ

6th April 2021 0 By Education

ເປັນການສູນເສຍຄັ້ງຍິ່ງໃຫຍ່ ສຳລັບເຫດການເຮືອຫຼົ້ມທີ່ອ່າງນ້ຳງື່ມໃນຄັ້ງວັນທີ 4 ເມສາ ນອກຈາກຄອບຄົວທ່ານ ອະດີດປະທານປະເທດແລ້ວ ລາວເຮົາໄດ້ສູນເສຍນັກພັດທະນາກະສິກຳລາວໄປໜຶ່ງຄົນ.

ນັ້ນຄືທ່ານ ໄຊພອນ ພຸດທະວົງ ທ່ານເປັນໜຶ່ງໃນຈຳນວນ 8 ຄົນທີ່ບໍ່ສາມາດຊ່ວຍທັນໃນເຫດການເຮືອຫຼົ້ມ, ທ່ານ ໄຊພອນ ພຸດທະວົງ ເປັນນັກທຸລະກິດອັດທະຍາໄສດີ ແລະ ມີວິໄສທັດກວ້າງໄກ, ທ່ານມີເປົ້າຫມາຍຍົກລະດັບຊີ້ນງົວລາວສູ່ສາກົນ. ນອກຈາກນີ້ທ່ານຍັງເປັນນັກທຸລະກິດທີ່ໄດ້ຊ່ວຍເຫລືອສັງຄົມມາໂດຍຕະຫລອດ.

ແຕ່ເຫດການຄັ້ງນີ້ໄດ້ພາກທ່ານໄຊພອນ ພຸດທະວົງໄປຕະຫຼອດການ ເຫຼືອໄວພຽງຜົນງານ ແລະຄຸນງາມຄວາມດີ ໃຫ້ຄອບຄົວລູກຫຼານໄດ້ຈາລຶກໄວ້, ສ່ວນຜົນງານ ແລະຄວາມຝັນຈາກນີ້ໄປບໍ່ຮູ້ໃຜຈະສືບທອດໄດ້

ພວກເຮົາຂໍອາໄລຢ່າງສຸດຊຶ້ງຕໍ່ການສູນເສຍບຸກຄົນສຳຄັນໃນວົງການພັດທະນາກະສິກຳລາວໄປອີກຫນຶ່ງທ່ານແລ້ວ “ຕຳນານ ຊີ້ນສົດລາວ Lao Fresh Meats”.


ຂໍສະແດງຄວາມເສຍໃຈກັບຄອບຄົວຂອງທ່ານ ແລະ ຂໍໃຫ້ດວງວິນຍານຂອງທ່ານໄປສູ່ສູຂະຕິກັບພະເຈົ້າເຖີ້ນ🙏🙏

ຍັງໄວ້ພຽງຜົນງານ ແລະຄຸນງາມຄວາມດີທີ່ທ່ານມີໄວ້