ສາຍແຂງກັອກຕາມທາງດ່ວນ ມີຊວນເຈົ້າໜ້າທີ່ກິນນຳອີກ

ສາຍແຂງກັອກຕາມທາງດ່ວນ ມີຊວນເຈົ້າໜ້າທີ່ກິນນຳອີກ

14th April 2021 0 By Education

ສິ່ງໜຶ່ງທີ່ບໍ່ຄວນເຮັດລະຫວ່າງເດີນທາງຄືການກິນດື່ມສິ່ງມືນເມົາ ແມ່ນແຕ່ຄົນທີ່ໝັ້ນໃຈຕົນເອງວ່າດື່ມແລ້ວຍັງບໍເມົາສາມາດຂັບລົດໄປຕໍ່ກໍ່ຍັງແນະນຳໃຫ້ຍົກເວັ້ນສາກ່ອນ ເພື່ອຄວາມປອດໄພບໍ່ໃຫ້ເກີດການຫຼັບໃນທີ່ສ່ຽງເຖິງຊີວິດ ແລະຊັບສິນຂອງຜູ້ຂັບຂີ່ເອງ ແຕ່ກໍລະນີນີ້ກັອກເຫຼົ້າບອງຢາເທິງທາງດ່ວນ.

ຂ່າວໃຫ້ຮູ້ວ່າ: ຕອນເຊົ້າຂອງວັນທີ 14 ເມສາ 2021, ຜູ້ຂັບຂີ່ຊາຍຄົນໜຶ່ງທີ່ຂັບຂີ່ລົດກະບະສີດຳ, ເມົາແລ້ວຂັບ, ກັບລົດ ແລະ ຂັບສວນເລນເທິງທາງດ່ວນ, ເຊິ່ງໄດ້ດາດເລັກໜ້ອຍກັບລົດກະບະສີປອນທີ່ສັນຈອນຕາມທາງ ດີແຕ່ອຸປະຕິເຫດຄັ້ງນີ້ແມ່ນບໍ່ມີຜູ້ໄດ້ຮັບບາດເຈັບ.

ເຫດການດັ່ງກ່າວເກີດຂຶ້ນເວລາປະມານ 10:30 ນາທີ ຢູ່ເທິງທາງດ່ວນວຽງຈັນ-ວັງວຽງ, ຢູ່ລະຫວ່າງຊ່ວງທາງສະຖານີບ້ານບົວໄປຫາສະຖານີໂພນຄຳ (ຢູ່ຈຸດກິໂລແມັດທີ K38) ໄດ້ມີລົດກະບະສີດຳຄັນໜຶ່ງກັບລົດເທິງທາງດ່ວນ, ຂັບຂີ່ສວນເລນ 30 ກວ່າກິໂລແມັດ, ລະຫວ່າງທາງໄດ້ດາດກັບລົດກະບະສີປອນທີ່ສັນຈອນຕາມທາງປົກກະຕິ. ໂຊກດີຄືບໍ່ມີຄົນໄດ້ຮັບບາດເຈັບຈາກອຸປະຕິເຫດຄັ້ງນີ້, ແຕ່ຄວາມເສຍຫາຍເນເລນດັ່ງກ່າວຢູ່ທີ່ຈຸດສະຖານີນະຄອນຫຼວງວຽງຈັນ.


ພາຍຫຼັງທີ່ລົດສວນເລນຖືກກັກໄວ້ແລ້ວ, ໂຕຂອງຜູ້ຂັບຂີ່ດັ່ງກ່າວແມ່ນມີກິ່ນເຫຼົ້າແຮງ, ປະກອບກັບເຫຼົ້າເຄິ່ງແກ້ວຢູ່ໃນລົດທີ່ຍັງບໍ່ທັນດື່ມໝົດ, ຫຼັງຈາກຜູ້ຂັບຂີ່ຖືກຕຳຫຼວດຈະລາຈອນກັກໂຕ ຜູ້ກ່ຽວແມ່ນຍັງຢູ່ສະພາບມືນເມົາ, ທັງຍັງຊວນພະນັກງານບໍລິຫານທາງດ່ວນ ແລະ ຕຳຫຼວດຈະລາຈອນດື່ມເຫຼົ້ານຳ, ຈາກນັ້ນ, ຕຳຫຼວດຈະລາຈອນໄດ້ດຳເນີນການກວດກາທາດເຫຼົ້າຕໍ່ຜູ້ຂັບຂີ່, ຢືນຢັນໄດ້ວ່າຜູ້ຂັບຂີ່ດັ່ງກ່າວແມ່ນໄດ້ດື່ມສິ່ງມືນເມົາແລ້ວຂັບລົດ.


ຊ່ວງໄລຍະນີ້ເປັນຊ່ວງບຸນປີໃໝ່, ປະຊາຊົນທີ່ເລືອກໃຊ້ທາງດ່ວນໃນການເດີນທາງກໍ່ເພີ່ມຂຶ້ນ, ບໍລິສັດທາງດ່ວນ ລາວ-ຈີນ ຈຳກັດ ຈະລົງໂທດຕໍ່ຜູ້ທີ່ບໍ່ຮັບຜິດຊອບຕົນເອງ, ບໍ່ຮັບຜິດຊອບທີ່ສົ່ງຜົນກະທົບຕໍ່ຄົນອື່ນ ແລະ ການກະທຳທີ່ບໍ່ເຫັນຄວາມສຳຄັນຂອງຊີວິດ!
ບໍລິສັດທາງດ່ວນ ລາວ-ຈີນ ຈຳກັດ ຂໍເຕືອນມາຍັງນັກຂັບຂີ່ທຸກທ່ານ, ອຸປະຕິເຫດຄັ້ງນີ້ເຮັດໃຫ້ພວກເຮົາຮຽນຮູ້ວ່າ:


1. ຫ້າມບໍ່ໃຫ້ເມົາແລ້ວຂັບ
2. ຫ້າມບໍ່ໃຫ້ກັບລົດຢູ່ເທິງທາງດ່ວນ
3. ຫ້າມບໍ່ໃຫ້ຂັບຂີ່ສວນເລນເທິງທາງດ່ວນ