ຄົບຮອບ 1ປີເຕັມ! ກິດາວເພັດ ໜູຫ່ວງ ຈາກໄປ ແຕ່ຄອບຄົວບໍ່ເຄີຍລືມ ອາໄລຄິດຮອດຫາຢູ່ຕະຫຼອດ

ຄົບຮອບ 1ປີເຕັມ! ກິດາວເພັດ ໜູຫ່ວງ ຈາກໄປ ແຕ່ຄອບຄົວບໍ່ເຄີຍລືມ ອາໄລຄິດຮອດຫາຢູ່ຕະຫຼອດ

24th April 2021 0 By Education

ເຊື່ອວ່າຂ່າວການຈາກໄປຂອງ ອາຈານ ກິ ດາວເພັດ ໜູຫ່ວງ  ເມື່ອເດືອນເມສາ 2020 ປີຜ່ານມາ ຈະເປັນຂ່າວທີ່ສ້າງຄວາມເສົ້າສະລົດໃຈແກ້ຄອບຄົວ ແລະ ແຟນເພງລູກທົ່ງບ້ານນາບໍ່ໜ້ອຍ.

ເຊິ່ງການຈາກໄປຂອງເພິ່ນນັ້ນ ແມ່ນຍ້ອນພະຍາດປະຈໍາຕົວຂອງເພິ່ນເອງ, ທັ້ງນີ້, ການສູນເສຍດັ່ງກ່າວ ຖືເປັນການສູນເສຍຄັ້ງຍິ່ງໃຫຍ່ຂອງວົງການເພງລູກທົ່ງໃນປະເທດເຮົາເລີຍກໍ່ວ່າໄດ້.

ມາຮອດປັດຈຸບັນ ການຈາກໄປຂອງອາຈານ ກິ ດາວເພັດ ໜູຫ່ວງ ແມ່ນຄົບຮອບ 1ປີເຕັມ ໃນມື້ນີ້ ກໍ່ຄືວັນທີ 24 ເມສາ 2021 ແລະ ແນ່ນອນ ຄົນທີ່ຈະອາໄລຫາເພິ່ນທີ່ສຸດນັ້ນແມ່ນຄອບຄົວ ເຊິ່ງ ຫຼ້າສຸດ ເອື້ອຍຄໍາພຸດ ອາດີດເມນຂອງເພິ່ນ ກໍ່ໄດ້ໂພສພາບ ພ້ອມຂໍ້ຄວາມອາໄລຫາ ອາດີດສາມີຂອງຕົນວ່າ:  ມື້ນີ້ຄົບຮອບ1ປີທີ່ແລ້ວທີ່ເຈົ້າຈາກຂ້ອຍກັບລູກໄປຢ່າງບໍ່ມີວັນກັບຄືນມາມັນໄວປານຄວາມຝັນທີ່ຂ້ອຍບໍ່ຢາກໃຫ້ມັນແມ່ນຄວາມຈີ່ງເລີຍເພາະມັນເປັນຄວາມທຸກທີ່ຂ້ອຍບໍ່ຢາກພົບບໍ່ຢາກເຫັນບໍ່ຄິດບໍ່ຝັນວ່າເຈົ້າຈະຈາກຂ້ອຍກັບລູກໄປໄວປານນີ້.

ຄົງເຫຼືອໄວ້ພຽງແຕ່ສຽງເພງແລະຄວາມດີທີ່ເຈົ້າໄດ້ສ້າງໄວ້ໃຫ້ຄົນທັງປະເທດຄິດຮອດໄປດີເດີ້ສຸດທີ່ຮັກຂອງເມຍແລະລູກໄປເປັນເທວະດາຢູ່ເທີງຟ້າເຈົ້າຈະຢູ່ໃນໃຈຂ້ອຍກັບລູກຕະຫຼອດໄປຫາກຊາດໜ້າມີຈີ່ງຊໍໃຫ້ເຮົາໄດ້ກັບມາຢູ່ຮ່ວມກັນອີກເດີ້(ກິດາວເພັດໜູຫ່ວງ).