5 ນິໄສ ທີ່ຈະນໍາພາຄວາມສໍາເລັດມາສູ່ຊີວິດ ແລະ ໜ້າທີ່ການງານ

5 ນິໄສ ທີ່ຈະນໍາພາຄວາມສໍາເລັດມາສູ່ຊີວິດ ແລະ ໜ້າທີ່ການງານ

23rd February 2020 0 By Admin

ສະບາຍດີ ເວລາຊ່າງຜ່ານໄປຢ່າງໄວວາ ບໍ່ພໍຄາວກໍໃກ້ໝົດເດືອນກຸມພາກັນແລ້ວ ເຊື່ອວ່າຫຼາຍທ່ານກໍຄົງວາງຄາດໝາຍວາດຫວັງທີ່ຈະເຮັດປີ2020 ໃຫ້ດີກວ່າປີຜ່ານມາມາແນ່ນອນ. ແນ່ນອນບໍ່ວ່າຈະຢູ່ໃນການແຂ່ງຂັນຮູບແບບໃດກໍ່ຕາມ ທ່ານຈຳເປັນຕ້ອງມີລັກສະນະນິໄສບາງຢ່າງທີ່ຈະນຳພາ ທ່ານເຂົ້າໃກ້ເປົ້າໝາຍໄດ້ຫຼາຍກວ່າຜູ້ອື່ນ ເຊິ່ງສາມາດເລີ່ມຕົ້ນງ່າຍໆຈາກການຄົ້ນໃຫ້ພົບກ່ອນວ່ານິໄສທີ່ ໂດດເດັ່ນເຫຼົ່ານັ້ນມີຫຍັງແດ່ ແລ້ວຈຶ່ງຕາມມາດ້ວຍການປະຍຸກມັນໃຫ້ເຂົ້າກັບຊີວິດປະຈຳວັນຂອງທ່ານໃຫ້ ໄດ້ຫຼາຍທີ່ສຸດ.


ມາເບິ່ງ 5 ລັກສະນະນິໄສທີ່ຊ່ວຍນໍາພາສູ່ຄວາມສຳເລັດໃນຊີວິດ ແລະ ໜ້າທີ່ການງານ
1 ໄປໃຫ້ເຖິງກ່ອນເວລານັດສະເໝີ: ແນ່ນອນວ່າການໄປໃຫ້ເຖິງເວລານັດເປັນປະໂຫຍດໃນດ້ານໜ້າທີ່ການງານຢູ່ແລ້ວ ເພາະມັນເຮັດ ໃຫ້ທ່ານເບິ່ງຄືມີຄວາມພ້ອມ ແລະ ຮັບຜິດຊອບຕໍ່ການເຮັດວຽກ ແຕ່ນອກເໜືອໄປຈາກນັ້ນ ມັນກໍດີຕໍ່ໂຕ ທ່ານເອງເຊັ່ນ ຖ້າທ່ານໄປເຖິງກ່ອນເວລານັດ ນັ້ນໝາຍຄວາມວ່າທ່ານຈະມີເວລາຢູ່ກັບຕົວເອງເພີ່ມຂຶ້ນ ເພື່ອກະກຽມຕົວເອງ ແລະ ຄິດທົບທວນສິ່ງຕ່າງໆ ເຊິ່ງບໍ່ສາມາດເຮັດໄດ້ຖ້າທ່ານໄປຊ້າ.


2 ຮູ້ຈັກຂອບໃຈ: ຈົ່ງຈົດຈຳໄວ້ຢູ່ສະເໝີວ່າພວກເຮົາ ໂຊກດີສ່ຳໃດທີ່ໄດ້ເຮັດວຽກນີ້ ແລະ ຮູ້ສຶກຂອບໃຈໃນດ້ານດີໆ ຂອງວຽກງານທີ່ເຮັດຢູ່ເຊັ່ນ: ມີເພື່ອນຮ່ວມງານທີ່ດີ ຫຼື ອາດຈະເປັນການທີ່ທ່ານໄດ້ເຮັດໃນສິ່ງທີ່ມັກ ເມື່ອໃດທີ່ທ່ານຄິດແບບນີ້ ທ່ານຈະເຫັນຄຸນຄ່າ ແລະ ພູມໃຈໃນພາລະໜ້າທີ່ຂອງທ່ານ ຊ່ວຍໃຫ້ທ່ານເຮັດວຽກໄດ້ຢ່າງມີປະສິດທິພາບຫຼາຍຂຶ້ນ.


3 ໃຫ້ເວລາໃນການວາງແຜນ: ລອງວາງແຜນຄ່າວໆ ໃນແຕ່ລະມື້ເບິ່ງເພື່ອທ່ານຈະບໍ່ພາດໃນສິ່ງທີ່ຕັ້ງໃຈໄວ້ວ່າຈະເຮັດ ມະນຸດ ເປັນສິ່ງທີ່ມີຊີວິດໃນການເບິ່ງເຫັນເປັນຫຼັກ ເຮົາຈຶ່ງມັກເຮັດໃຫ້ລັງເລໄດ້ງ່າຍຈາກສິ່ງອ້ອມຂ້າງ. ສະນັ້ນພະ ຍາຍາມຕັ້ງສະຕິໃນການຈັດສັນເວລາໃນແຕ່ລະມື້ ເພື່ອໃຫ້ຮູ້ວ່າສິ່ງໃດສຳຄັນທີ່ສຸດ ທີ່ຕ້ອງເຮັດໃຫ້ສຳເລັດພາຍໃນວັນນັ້ນ.


4 ໝັ່ນສັງເກດພັດທະນາການຂອງຕົນເອງ: ຈົ່ງໝັ່ນກະຕຸ້ນບໍ່ໃຫ້ຕົນເອງຮູ້ສຶກເຊື່ອງຊ້າ ຖ້າທ່ານຮູ້ສຶກວ່າຕົວເອງບໍ່ມີພັດທະນາການ ທ່ານກໍອາດ ສູນເສຍກຳລັງໃຈໄດ້ຢ່າງງ່າຍດາຍ ເຖິງທ່ານຈະເຮັດໜ້າທີ່ນັ້ນໄດ້ຢ່າງດີແລ້ວ ເມື່ອໃດກໍ່ຕາມທີ່ທ່ານເພິ່ງພໍ ໃຈໃນຜົນງານຂອງຕົນຈົນຮູ້ສຶກອີ່ມຕົວ ໃຫ້ທ່ານນຳມັນໄປປຽບທຽບກັບຜົນງານໃນອະດີດ ການເຫັນຄວາມ ກ້າວໜ້າຂອງຕົນເອງ ຍິ່ງເປັນຕົວກະຕຸ້ນໃຫ້ທ່ານຢາກພັດທະນາຕົວເອງຫຼາຍຂຶ້ນເລື້ອຍໆ.


5 ໃສ່ໃຈກັບທຸກສິ່ງທີ່ທ່ານເຮັດ: ນີ້ເປັນຂໍ້ທີ່ບໍ່ມີຫຍັງຊັບຊ້ອນເລີຍ ຜູ້ຄົນຕ່າງໃຫ້ຄຸນຄ່າກັບວຽກງານທີ່ເຮັດດ້ວຍຄວາມຈິງໃຈ ແລະ ຕັ້ງໃຈຢູ່ແລ້ວ ຈົ່ງເຮັດໃຫ້ທຸກຄົນເຫັນວ່າທ່ານເອງກໍ່ເຮັດແບບນີ້ໄດ້ ແລ້ວຄວາມສຳເລັດຈະບໍ່ມີວັນໜີຈາກ ທ່ານແນ່ນອນ.