ສຸກັນ ໄຕປັນຍາວົງ ເຈົ້າຂອງຫຼຽນຄໍາ 1 ດຽວຂອງລາວ ໃນຊີເກມ 2019 ຝາກຂອບໃຈທຸກຄົນ

ສຸກັນ ໄຕປັນຍາວົງ ເຈົ້າຂອງຫຼຽນຄໍາ 1 ດຽວຂອງລາວ ໃນຊີເກມ 2019 ຝາກຂອບໃຈທຸກຄົນ

11th December 2019 0 By Admin

ການແຂ່ງຂັນຊີເກມຄັ້ງທີ30 ທີ່ປະເທດຟິລິບປິນ ປິດສາກລົງ ພ້ອມກັບ1 ຫຼຽນຄຳທີ່ຄອງຄອຍຂອງທັບນັກກີລາລາວ  ເມື່ອທ້າວ(ນ້ອງໂອ) ກິລາຄິກບ໊ອກຊິ້ງ (Kickboxing)ລຸ້ນນໍ້າໜັກບໍ່ເກີນ 60 ກິໂລ ສາມາດຄວ້າ 1 ຫຼຽນຄໍາສົ່ງທ້າຍໃຫ້ກັບ ທັບນັກກິລາລາວ ແລະ ເປັນຫຼຽນຄໍາຫຼຽນດຽວອີກດ້ວຍ.

 

ໂດຍຮອບຊິງແຂ່ງຂັນໃນວັນທີ 10 ທັນວານີ້ ເວລາ 16:15 ໂມງ ຕາມເວລາໃນບ້ານເຮົາ ຜ່ານການແຂ່່ງຂັນ ປາກົດວ່າ: ສຸກັນ ເດີນໜ້າລຸຍແບບບໍ່ຄິດຢາກ ໃຊ້ເວລາບໍ່ດົນ ເຕະເຂົ້າທ້ອງຄູ່ແຂ່ງ ຈົນນອນກັບພື້ນ ໃນຍົກທໍາອິດ ແລະ ແພດສະໜາມເຂົ້າມາປະຖົມພະຍາບານ ເຫັນວ່າບໍ່ໄຫວ ຈິ່ງຫາມອອກຈາກສະໜາມ ແລະ ກໍາມະການຊູມືໃຫ້ກັບ ສຸກັນ ເອົາຊະນະໄປ ຄວ້າຫຼຽນຄໍາຫຼຽນທໍາອິດໃຫ້ກັບທັບນັກກີລາລາວ

ກິລາຄິກບ໊ອກຊິ້ງ ເປັນກິລານ້ອງໃຫມ່ໃນຊີເກມຄັ້ງນີ້ ມີຊິງ 8 ຫລຽນຄຳ, ຍິງ 2 ລາຍການ ແລະ ຊາຍ 6 ລາຍການ ຈາກຫຼຽນຄໍາດັ່ງກ່າວ ເຮັດໃຫ້ ສປປ ລາວ ຍາດໄດ້ມາໄດ້ 1 ຫຼຽນຄໍາ, 5 ຫຼຽນເງິນ ແລະ 28 ຫຼຽນທອງ.

ຫຼັງຈົບການແຂ່ງຂັນ ສຸກັນ ໂພສຜ່ານເຟສບຸກສ່ວນຕົວວ່າ: ຂ້ອຍເອົາຫລຽນມາຝາກໃຫ້ທຸກຄົນຊາວລາວທຸກທຸກຄົນລະເດີ. ຂ້ອຍກາຂໍຂອບໃຈທາງພັກ-ລັດ ທີ່ອຳນວຍຄວາມສະດວກທຸກຢ່າງໃຫ້ແກ່ນັກກິລາ. ລະກາຂໍຂອບໃຈທາງປະທານສະຫະພັນມວຍຄີກບ໊ອກຊີງທີ່ໃຫ້ໂອກາດຂ້ອຍໃດ້ມາແຂ່ງ. ຂອບໃຈຫລາຍໆເດີ

Lao Kickboxing Federation ສະຫະພັນຄິກບ໊ອກຊິງແຫ່ງຊາດລາວ