ແຈ້ງເຕືອນ ອາຊະຍາກອນປອມຕົວເປັນອົງການອະນາໄມໂລກ ເພື່ອລວງຂໍ້ມູນ

ແຈ້ງເຕືອນ ອາຊະຍາກອນປອມຕົວເປັນອົງການອະນາໄມໂລກ ເພື່ອລວງຂໍ້ມູນ

26th February 2020 0 By Education

ອົງການອະນາໄມໂລກ (WHO) ແຈ້ງເຕືອນການໂຈມຕີ Phishing ທີ່ອ້າງເຖິງຂໍ້ມູນໄວຣັດໂຄໂຣນາ ຂໍໃຫ້ທຸກທ່ານກວດກາໃຫ້ດີ ກ່ອນຈະຄີກຕາມຂັ້ນຕອນຂອງມັນ ເປັນຫ່ວງວ່າ ພວກອາຊະຍາກອນທາງຄອມພີວເຕີເຫຼົ່ານີ້ອາດໄປຕັ້ງລະບົບມັນແວໄວ້ສຳລັບເຈາະຂໍ້ມູນຂອງທ່ານໄດ້.

ໂດຍແຈ້ງການຈາກລາວເຊີດ( ສູນສະກັດກັ້ນ ແລະແກ້ໄຂເຫດສຸກເສີນທາງຄອມພີວເຕີ) ໄດ້ອອກແຈ້ງຂ່າວມື້ນີ້ລະບຸວ່າ: ອາຊະຍາກອນປອມໂຕເປັນອົງກອນອະນາໄມໂລກ ໃນການລັກເງິນ ຫຼື ຂໍ້ມູນສຳຄັນ ດ້ວຍການສົ່ງອີເມວຫຼອກລວງ (Phishing) ເພື່ອຂໍໃຫ້ເປົ້າໝາຍສົ່ງຂໍ້ມູນ ທີ່ເປັນຊື່ຜູ້ໃຊ້ງານ ຫຼື ລະຫັດຜ່ານ ແລະ ອາດມີການຂໍໃຫ້ເປີດໄຟລ໌ມັນແວ (Malware) ທີ່ແນບມາ ເພື່ອຕິດຕັ້ງ payloads ໃນອຸປະກອນຂອງເປົ້າໝາຍ.

ຂໍແນະນໍາໃນການປ້ອງກັນ ແລະ ແກ້ໄຂ:

ແນວທາງການປ້ອງກັນ ຖ້າໄດ້ຮັບອີເມວຈາກອົງກອນ WHO ຄວນກວດສອບຄວາມຖືກຕ້ອງກ່ອນ ຕາມຂັ້ນຕອນລຸ່ມນີ້:
1. ກວດສອບຊື່ທີ່ຢູ່ອີເມ ທີ່ສົ່ງມາ ວ່າຢູ່ໃນລັກສະນະ ຊື່ບຸກຄົນ@who.int;
2. ກວດສອບລິ້ງໃຫ້ແນ່ໃຈວ່າມາຈາກ https://www.who.int;


3. ລະມັດລະວັງໃນການປ້ອນຂໍ້ມູນສ່ວນຕົວ;
4. ຢ່າເປີດໄຟລ໌ແນບທີ່ເປັນອັນຕະລາຍ;
5. ຖ້າຫຼົງປ້ອນບັນຊີຜູ້ໃຊ້ງານ ແລະ ລະຫັດຜ່ານ ຄວນປ່ຽນລະຫັດຜ່ານໃໝ່;
6. ພົບເຫັນການປອມແປງໃນລັກສະນະດັ່ງກ່່່່່າວ ຄວນແຈ້ງລາຍງານໄປຫາhttps://www.who.int/about/report_scam/en/

ອ່ານເພີ່ມເຕີມທີ່: https://www.laocert.gov.la/News-150-