ຄບຕ ອອກແຈ້ງການ ຫ້າມຈອດລົດຕາມສະຖານທີ່ເຫຼົ່ານີ້ ເດັດຂາດ

ຄບຕ ອອກແຈ້ງການ ຫ້າມຈອດລົດຕາມສະຖານທີ່ເຫຼົ່ານີ້ ເດັດຂາດ

28th February 2020 0 By Education

ເກືອບກາຍເປັນເລື່ອງປົກກະຕິໄປແລ້ວສໍາລັບການຈອດລົດຊະຊາຍ ຕາມສະຖານທີ່ຕ່າງໆ ເຖິງແມ່ນວ່າຈະມີປ້າຍຫ້າມ ແຕ່ບາງຄັ້ງກໍ່ມີຄົນຝ່າຝືນ ຍິ່ງໄປກວ່ານັ້ນແມ່ນຈອດຕັນທາງຍ່າງເຮັດໃຫ້ຄົນທີ່ເດີນທາງດ້ວຍການຍ່າງສັນຈອນໄປມາ ເກືອບບໍ່ມີທາງທຽວ, ຮ້າຍແຮງໄປກວ່ານັ້ນກໍ່ເຮັດໃຫ້ເກີດມີອຸບັດເຫດຕ່າງໆນໍາອີກ ແຕ່ຫຼ້າສຸດ ຫ້ອງການຄຸ້ມຄອງ ແລະ ບໍລິຫານຕົວເມືອງວຽງຈັນ ອອກແຈ້ງການຫ້າມຈອດລົດຊະຊາຍຕາມເຂດຫວງຫ້າມເດັດຂາດ ເຊິ່ງຫວັງວ່າທຸກຄົນຈະປະຕິບັດຕາມ.

ອີງຕາມແຈ້ງການດັ່ງກ່າວ ທີ່ລະບຸວ່າ ຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ ຂໍຮຽນແຈ້ງມາຍັງບັນດານັກຂັບຂີ່ລົດໃຫ່ຍຮັບຊາບທົ່ວເຖິງກັນແລະປະຕິບັດດັ່ງນີ້:

1 ຫ້າມເອົາລົດໃຫ່ຍຂື້ນຈອດເທີງທາງຍ່າງແລະຊ່ອງຈະລາຈອນທາງເດີນຂອງລົດຕາມຖະຫນົນໃນຕົວເມືອງ ທີ່ທາງການໄດ້ກຳນົດເປັນເຂດຫ້າມຈອດ.

2 ກໍລະນີພົບເຫັນ ເຈົ້າຫນ້າທີ່ພະນັກງານຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ ຮ່ວມກັນ ເຈົ້າຫນ້າທີ່ຕຳຫຼວດຈະລາຈອນ ແມ່ນຈະໄດ້ຕັກເຕືອນ, ສຶກສາອົບຮົມ ແລະ ພ້ອມທັງປັບໃໝຕາມລະບຽບກົດຫມາຍທີ່ໄດ້ກຳນົດໄວ້ຢ່າງເຂັ້າງວດ.

3 ແຈ້ງການສະບັບນີ້ມີຜົນສັກສິດນັບແຕ່ມື້ລົງລາຍເຊັນເປັນຕົ້ນໄປ.
ດັ່ງນັ້ນ, ຈື່ງແຈ້ງມາຍັງບັນດານັກຂັບຂີ່ລົດໃຫ່ຍໄດ້ຮັບຊາບແລະປະຕິບັດແຈ້ງການສະບັບນີ້ຢ່າງເຂັ້ມງວດດ້ວຍ.