ດ່ວນ! ສາທາສະເໜີ ໂຈະຊົ່ວຄາວ ຫຼື ເລື່ອນການຈັດງານຊຸມນຸມຕ່າງໆ ເພື່ອປ້ອງກັນໂຄວິດ-19

ດ່ວນ! ສາທາສະເໜີ ໂຈະຊົ່ວຄາວ ຫຼື ເລື່ອນການຈັດງານຊຸມນຸມຕ່າງໆ ເພື່ອປ້ອງກັນໂຄວິດ-19

28th February 2020 0 By Education

ກະຊວງສາທາລະນະສຸກ ສະເໜີໃຫ້ພິຈາລະນາເລື່ອນ ຫຼື ໂຈະຊົ່ວຄາວການຈັດຄອນເສີດ ແລະ ການຊຸມນຸມຕ່າງໆ, ເນື່ອງຈາກການລະບາດຂອງພະຍາດ COVID-19 ຮ້າຍແຮງ ແລະ ແຜ່ລາມຢູ່ຫຼາຍກ່ວາ 49 ປະເທດໃນທົ່ວໂລກ ລວມທັງປະເທດອ້ອມຂ້າງ ສປປ ລາວ. ມາຮອດວັນທີ 28 ກຸມພາ 2020 ມີຜູ້ເປັນພະຍາດດັ່ງກ່າວແລ້ວ 83.391 ຄົນ, ມີຜູ້ເສຍຊີວິດ 2.858 ຄົນ.

ອີງຕາມແຈ້ງການ ສະບັບເລກທີ 386/ຫກ ລົງວັນທີ 28 ກຸມພາ 2020 ເລື່ອງສະເໜີໃຫ້ພິຈາລະນາເລື່ອນ ຫຼື ໂຈະຊົ່ວຄາວການຈັດຄອນເສີດ ແລະ ການຊຸມນຸມຕ່າງໆ ໂດຍລະບຸວ່າ: ຈາກການປະເມີນດ້ານວິຊາການເຫັນວ່າ ປະເທດເຮົາມີຄວາມສ່ຽງສູງທີ່ຈະມີຜູ້ຕິດເຊື້ອ ແລະ ມີການລະບາດຂອງພະຍາດ COVID-19 ຖ້າພວກເຮົາບໍ່ມີມາດຕະການທີ່ເໝາະສົມໃນການປ້ອງກັນ ແລະ ຄວບຄຸມພະຍາດດັ່ງກ່າວ.

ສະນັ້ນ, ຈຶ່ງສະເໜີມາຍັງທ່ານ ເພື່ອຂໍທິດຊີ້ນໍາຈາກການນຳຂັ້ນເທິງ ແລະ ພາກສ່ວນທີ່ກ່ຽວຂ້ອງ ເພື່ອພິຈາລະນາເລື່ອນ ຫລື ໂຈະຊົ່ວຄາວ ການຈັດກິດຈະກໍາຕ່າງໆ ທີ່ມີມ່ວນຊົນຈຳນວນຫລາຍເຂົ້າຮ່ວມ ໂດຍສະເພາະງານຄອນເສີດ, ການຈັດງານກິລາ ແລະ ງານຊຸມນຸມຕ່າງໆ ອອກໄປກ່ອນ ຈົນກ່ວາສະພາບການລະບາດຂອງພະຍາດດັ່ງກ່າວຈະຜ່ອນຄາຍລົງ.