ໂອກາດ ແລະ ສິງທ້າທາຍ ໃນການໝູນໃຊ້ລະບົບດິຈິຕອນ ເຂົ້າໃນການພັດທະນາເສດຖະກິດ-ສັງຄົມ ສປປ ລາວ.

ໂອກາດ ແລະ ສິງທ້າທາຍ ໃນການໝູນໃຊ້ລະບົບດິຈິຕອນ ເຂົ້າໃນການພັດທະນາເສດຖະກິດ-ສັງຄົມ ສປປ ລາວ.

13th December 2019 0 By Admin

ກະຊວງແຜນການ ແລະ ການລົງທຶນ ສົມທົບກັບກະຊວງໄປສະນີ, ໂທລະຄົມມະນາຄົມ ແລະ ການສື່ສານ ແລະ ທະນາ ຄານໂລກ ໄດ້ຮ່ວມກັນຈັດກອງປະຊຸມສຳມະນາຂື້ນ ໃນວັນທີ 28 ພະຈິກ, 2019 ທີ່ໂຮງແຮມດອນຈັນພາເລດ, ນະຄອນຫລວງວຽງຈັນ

ພາຍໃຕ້ຫົວຂໍ້ “ໂອກາດ ດີຈີຕອນເພື່ອເພີ່ມ ການແຂ່ງຂັນໃນອະນາຄົດ” ໃຫ້ກຽດເປັນປະທານຮ່ວມ ໂດຍ ທ່ານ ປອ ກິແກ້ວ ຈັນທະບູຣິ, ຮອງລັດຖະມົນຕີ ກະຊວງ ແຜນການ ແລະ ການລົງທຶນ, ທ່ານ ທອງໄຊ ສານໄຊຍະ ຮອງລັດຖະມົນຕີ ກະຊວງໄປສະນີ, ໂທລະມະນາຄົມ ແລະ ການສື່ສານ ແລະ ທ່ານ ນາງ ວຽງສະໄໝ ສິຣິທິລາດ ຮັກສາການຫົວໜ້າຫ້ອງການທະນາຄານໂລກ ປະຈໍາ ສປປ ລາວ.

ໃນກອງປະຊຸມ ມີຜູ້ເຂົ້າຮ່ວມທີ່ມາຈາກພາກສ່ວນຕ່າງໆຂອງລັດຖະບານ, ຜູ້ຕາງໜ້າ ພາກເອກະຊົນ ແລະ ຊ່ຽວຊານ ສາກົນ ລວມທັງໝົດປະມານ 100 ທ່ານ ໂດຍມີຈຸດປະສົງເພື່ອສົນທະນາກ່ຽວກັບ ເສດຖະກິດດີຈີ ຕອນ, ສັກກະຍະພາບຂອງດີຈີຕອນຕໍ່ການເຕີບໂຕ ທາງດ້ານເສດຖະກິດ ແລະ ວິທີການຕ່າງໆເພື່ອຮັບປະກັນວ່າ ປະຊາຊົນຈຳນວນ ຫລາຍກວ່າເກົ່າສາມາດຮັບຜົນປະໂຫຍດຈາກການພັດທະນາດ້ານນີ້.

ທີ່ມາ:ສູນຂໍ້ມູນຂ່າວສານທາງດ້ານການຄ້າ ຂອງ ສປປ ລາວ / Lao PDR Trade Portal