ປາດໂທ! ເຫຼືອເຊື່ອແທ້ ຍິງຊາວຈີນຜູ້ນີ້ບໍ່ເຄີຍນອນຫຼັບ 40ປີມາແລ້ວ

ປາດໂທ! ເຫຼືອເຊື່ອແທ້ ຍິງຊາວຈີນຜູ້ນີ້ບໍ່ເຄີຍນອນຫຼັບ 40ປີມາແລ້ວ

6th September 2021 0 By Entertain

ນາງ ຫຼີ່ ຈານອິງ ອາຍຸ 45 ປີ ເປັນຄົນມົນທົນເຫີໜານ ປະເທດຈີນ ລາວເວົ້າວ່າ: ລາວບໍ່ໄດ້ນອນຫຼັບເລີຍ ຕະຫຼອດເວລາກວ່າ 40 ປີ ຄວາມຊົງຈຳສຸດທ້າຍ ທີ່ລາວເຄີຍນອນ ກໍຕອນອາຍຸ 5-6 ປີ ພຸ້ນ. ຜົວຂອງລາວຢືນຢັນເລື່ອງດັ່ງກ່າວວ່າ ຕະຫຼອດໄລຍະເວລາທີ່ແຕ່ງດອງກັນມາ ລາວບໍ່ເຄີຍເຫັນເມຍນອນຫຼັບຈັກເທື່ອ ບໍ່ວ່າກາງເວັນຫຼືກາງຄືນ.

ສະເພາະຕອນກາງຄືນ ນາງຫຼີ່ກໍຈະເຮັດວຽກເຮືອນການຊານຢູ່ຕະຫຼອດ ເຖິງວ່າຜົວຈະຫາຢານອນຫຼັບມາໃຫ້ກິນກໍຕາມ ແຕ່ບໍ່ໄດ້ຜົນຫຍັງ? ເລື່ອງລາວດັ່ງກ່າວ, ເຮັດໃຫ້ນາງຫຼີ່ເປັນຄົນດັງຂອງໝູ່ບ້ານທີ່ຢູ່ໃກ້ຄຽງມັກຈະແວ່ມາຫາ ເພື່ອມາຫຼິ້ນໄພ້ກັບລາວໃນຕອນກາງຄືນ ເພື່ອທົດສອບວ່ານາງບໍ່ຫຼັບແທ້ຫຼືບໍ່? ຜົນປາກົດວ່າ ເພື່ອນບ້ານມັກຈະພາກັນຫຼັບໄປກ່ອນຕະຫຼອດ.

ນາງຫຼີ່ເຄີຍໄປຫາໝໍຫຼາຍໆຄົນ ແຕ່ບໍ່ມີໝໍຄົນໃດທີ່ສາມາດບອກອາການຂອງລາວໄດ້ເລີຍ, ຫຼ້າສຸດນີ້, ລາວໄດ້ໄປພົບໝໍ ຢູ່ສູນການແພດໃນນະຄອນຫຼວງປັກກິ່ງ ທີມແພດໄດ້ໃຊ້ເຊັນເຊີລະດັບສູງ ໃນການກວດຈັບການເຮັດວຽກຂອງຮ່າງກາຍ ເປັນເວລາ 48 ຊົ່ວໂມງ
ເຮັດໃຫ້ຮູ້ວ່າ: ຄວາມເປັນຈິງແລ້ວ, ຮ່າງກາຍຂອງນາງຫລີ່ ມີພາວະນອນຫຼັບຄືກັນ ແຕ່ບໍ່ໄດ້ນອນຫຼັບແບບຄືຄົນທົ່ວໄປ”.

ຂໍ້ມູນຈາກການມໍນິເຕີຄື່ນສະໝອງ ເປັນເວລາ 48 ຊົ່ວໂມງ ສະແດງໃຫ້ເຫັນວ່າ ຮ່າງກາຍຂອງນາງຫລີ່ ເຂົ້າສູ່ພາວະຫຼັບໄຫລຄືກັບຮ່າງກາຍປົກກະຕິ ໂດຍບໍ່ຕ້ອງນອນຫຼັບລົງ ແລະໜ່ວຍຕາກໍບໍ່ປິດ.

ແພດ ອະທິບາຍປາກົດການນີ້ວ່າ ເປັນພາວະ “ຫຼັບເມື່ອຕື່ນ” ເຊິ່ງມີຄວາມຄ້າຍຄືກັບອາການລະເມີ ຍ່າງໄປພຸ້ນມາພີ້ ເຊິ່ງເປັນພາວະທີ່ອະໄວຍະວະສ່ວນໃນຮ່າງກາຍ ຍັງຄົງເຮັດວຽກຢູ່ໃນຂະນະນອນຫຼັບ ສອດຄ່ອງກັບຄຳບອກເລົ່າຂອງຜົວລາວວ່າ ມີບາງເທື່ອ! ນາງຫລີ່ຈະມີອາການດວງຕາເລື່ອນລອຍ, ແວວຕາເປົ່າຫວ່າງ ນັ້ນໝາຍຄວາມວ່າ ເປັນຊ່ວງທີ່ຮ່າງກາຍຂອງນາງ ກຳລັງພັກຜ່ອນ ຫຼືຢູ່ໃນພາວະຫຼັບນັ້ນເອງ.