ໄທເສຍລາຍທຳອິດຈາກໂຄວິດ ຢ້ຳນີ້ເປັນກໍລະນີສຶກສາເພາະເຊື້ອຫາຍແລ້ວ

ໄທເສຍລາຍທຳອິດຈາກໂຄວິດ ຢ້ຳນີ້ເປັນກໍລະນີສຶກສາເພາະເຊື້ອຫາຍແລ້ວ

1st March 2020 0 By Education

ປະເທດໄທມາຮອດປະຈຸບັນພົບຜູ້ປ່ວຍເປັນໄວຣັສສາຍພັນໃໝ່ທັງໝົດ 42 ລາຍ ໃນນັ້ນກ່ອນໜ້ານີ້ກໍ່ມີຂ່າວອອກມາວ່າໄທສາມາດຄົ້ນພົບວັກຊິນປ້ອງກັນແລ້ວ ຫາກແຕ່ວ່າມາຮອດວັນທີ 29 ກຸມພາ 2020 ກໍ່ມີຄົນໜຶ່ງທີ່ຈາກໄປຢ່າງສະຫງົບ ໂດຍແພດຢັ້ງຢືນວ່າຄົນນີ້ແມ່ນກໍລະນີສຶກສາທີ່ແພດໄທຕ້ອງວິເຄາະຕໍ່ໄປ ເນື່ອງຈາກເຊື້ອໄວຣັສໄດ້ຫາຍຈາກຕົວຜູ້ກ່ຽວແລ້ວ.

ຄົນທີ່ຈາກໄປລາຍທຳອິດຂອງໄທຍ້ອນໂຄວິດນັ້ນເປັນຊາຍໄວ 35 ປີ, ມີອາຊີບເປັນຄົນຂາຍເຄື່ອງ ແລະໄດ້ຕິດໄວຣັສ ກ່ອນຈະມາເສຍໃນວັນທີ 29 ເວລາປະມານ 18:25 ໂມງ, ແພດລ້ວນເວົ້າເປັນສຽງດຽວກັນວ່າການຮັກສາຜູ້ກ່ຽວແມ່ນດຳເນີນໄປຕາມມາດຕະຖານທຸກຢ່າງ ພ້ອມມີຜູ້ຊ່ຽວດ້ານວິກິດຫຼາຍທ່ານຢູ່ນຳເປັນປະຈຳ.


ຂ່າວຍັງລະບຸອີກວ່າ: ເນື່ອງຈາກປະເທດໄທໄດ້ຮັບຢາ favipiravir ຊ້າ ມຮອດຕອນຜູ້ປ່ວຍມີອາການຮຸນແຮງແລ້ວ ເຖິງຈະສາມາດເຮັດໃຫ້ເຊື້ອໂຄວິດຫາຍໄປແຕ່ອະໄວຍະວະທາງໃນຄືປອດນັ້ນເສຍຫາຍຫຼາຍແລ້ວຈິ່ງບໍ່ສາມາດຊ່ວຍໄດ້.
ນີ້ຖືເປັນຕົວຢ່າງທີ່ສຳຄັນທີ່ສະແດງໃຫ້ເຫັນວ່າ ພະຍາດຊະນິດນີ້ສາມາດແພ່ໄດ້ໃນຄົນທີ່ບໍ່ມີອາການ ຫຼື ແມ່ນແຕ່ກັບຄົນທີ່ບໍ່ມີໂລກປະຈຳຕົວກໍ່ຕາມ.


ທີ່ເປັນຕາຢ້ານກວ່ານັ້ນກໍ່ຄື ຈາກການວິເຄາະ(ວິນິດໄສ)ຕອນທີ່ຜູ້ຕາຍເຂົ້າຮັກສາໃນເບື້ອງຕົ້ນໄດ້ຜົນວ່າ ຜູ້ກ່ຽວເປັນໄຂ້ເລືອດອອກແລ້ວໝໍທີ່ໄປດູແລບໍ່ໄດ້ປ້ອງກັນດີ ສົ່ງຜົນໃຫ້ໝໍທີ່ເຮັດໜ້າທີ່ຮັກສາທຳອິດນັ້ນຄອຍຕິດເຊື້ອໄວຣັສໄປນຳ ແລະມີປອດບວມຮຸນແຮງທັງສອງຂ້າງ ແຕ່ໄດ້ຮັບການຮັກສາທັນ ແລະກັບບ້ານແລ້ວແຕ່ເນື້ອປອດທີ່ເສຍຫາຍຍັງຢູ່ລະດັບໜຶ່ງ.

.