ຖືກໃຈຫຼາຍຄົນໄດ໋ນິ! ຕ່າງປະເທດມີແຂ່ງນອນ ໃຜຊະນະເອົາໄປເລີຍລາງວັນເປັນເງິນສົດ ຕ້ອງໄປແລ້ວແບບນີ້

ຖືກໃຈຫຼາຍຄົນໄດ໋ນິ! ຕ່າງປະເທດມີແຂ່ງນອນ ໃຜຊະນະເອົາໄປເລີຍລາງວັນເປັນເງິນສົດ ຕ້ອງໄປແລ້ວແບບນີ້

9th September 2021 0 By Entertain

ສະບາຍດີແຟນເພຈທີ່ໜ້າຮັກ ມື້ນີ້ແອັດມິນຂໍພາມາຮູ້ຈັກການແຂ່ງຂັນສຸດກຽດຄ້ານ ແຕ່ໝັ້ນໃຈວ່າສາມາດຢູ່ເທິງບ່ອນນອນໄດ້ໝົດມື້ ບໍ່ຕ້ອງເຮັດຫຍັງ ກໍ່ມີສິດຊະນະ ໄດ້ເງິນຫຼາຍຮ້ອຍໂດລາ.

ສໍາລັບການແຂ່ງຂັນ ເລຊີ່ໂອລິມປິກ(Lazy Olympics)  ໃຫ້ທຸກຄົນລືມການແຂ່ງຂັນໂອລິມປິກແບບເກົ່າໆໄປໄດ້ເລີຍ ເພາະທ່ານບໍ່ຈໍາເປັນຕ້ອງຝຶກຝົນຫຼືໃຊ້ທັກສະທາງກິລາ ຂໍພຽງໝັ້ນໃຈວ່າ ສາມາດນອນຢູ່ເທິງບ່ອນນອນໄດ້ໝົດມື້ ໂດຍບໍ່ຕ້ອງລຸກໄປໃສ ພຽງເທົ່ານີ້ກໍ່ມີສິດຊະນະແລ້ວ

ການແຂ່ງຂັນແບບນີ້ຖືກຈັດຂຶ້ນຄັ້ງທໍາອິດໃນປີ 2011 ທີ່ໝູ່ບ້ານ້ອຍໆແຫ່ງໜຶ່ງໃນປະເທດມອນໂຕຣິໂກ ແຕ່ກ່ອນປະເດທນີ້ຖືກເບິ່ງວ່າເປັນປະເທດແຫ່ງຄວາມຂີ້ຄ້ານ ຜູ້ຄົນຂຶ້ນຊື່ເລື່ອງຄວາມຂີ້ຄ້ານ ແລະ ມັກນອນຢູ່ເທິງຕຽງຫຼາຍກວ່າລຸກຂື້ນມາເຮັດຫຍັງ ດັ່ງນັ້ນຜູ້ຈັດງານຈຶ່ງລໍ້ກັບຄວາມເຊື່ອດັ່ງກ່າວ ຈັດການແຂ່ງຂັນນອນຂຶ້ນມາ ແລະ ມັນມີກະແສຕອບຮັບດີຫຼາຍ ຈົນການແຂ່ງຂັນຖືກຈັດຕໍ່ມາເລື້ອຍໆ.

ຟັງແລ້ວອາດເບິ່ງຄືງ່າຍ ແຕ່ມັນກໍ່ຂ້ອນຂ້າງທ້າທາຍ ກະຕິກາຄື ຜູ້ເຂົ້າແຂ່ງຂັນຈະຕ້ອງນອນເທິງເສື່ອ ຫຼື ບ່ອນນອນຂອງຕົນເອງ ສາມາດກິນອາຫານ ຫຼື ດື່ມນໍ້າໄດ້ ໂອເລົມ ແລະ ໃຊ້ໂທລະສັບໄດ້ ແຕ່ຕ້ອງຢູ່ໃນບ່ອນຂອງຕົນເອງ ບໍ່ອະນຸຍາດໃຫ້ຍ່າງອອກໄປໃສລະຫວ່າງເຂົ້າຮ່ວມແຂ່ງຂັນ ບໍ່ວ່າກໍລະນີໃດກໍ່ຕາມ ລວມເຖິງການເຂົ້າຫ້ອງນໍ້າ(ແຕ່ປີນີ້ມີການປ່ຽນກົດ ໃຫ້ເຂົ້າຫ້ອງນໍ້າໄດ້ ທຸກໆ 8ຊົ່ວໂມງ) ໃຜສາມາດຢູ່ໄດ້ດົນສຸດ ກໍ່ຮັບລາງວັນໄປເລີຍ 350 ໂດລາ(ຫຼືປະມານ 3.500.000 ກີບ).

ໃນປີນີ້ ການແຂ່ງຂັນຖືກຈັດຂຶ້ນໃນວັນທີ 24 ສິງຫາ 2021 ທີ່ຜ່ານມາ ແຕ່ກ່ອນສະຖານທີ່ຂອງການແຂ່ງຂັນມີຫຼາກຫຼາຍ ຕັ້ງແຕ່ໃນຮົ່ມໄປຈົນຮອດກາງແຈ້ງ ແຕ່ເນື່ອງຈາກສະຖານະການໂລກລະບາດ ສະຖານທີ່ປີນີ້ຈຶ່ງຈັດຢູ່ກາງແຈ້ງ ເພື່ອລະບາຍອາກາດ ແລະ ຈໍານວນຜູ້ເຂົ້າແຂ່ງຂັນກໍ່ໜ້ອຍລົງຕາມສະຖານະການ.