ຫົດຫູ່ໃຈລູກຈະໄປຢູ່ຈັ່ງໃດເດ 2 ປີປາຍຕິດໂຄວິດ ທີ່ເຊກອງ

ຫົດຫູ່ໃຈລູກຈະໄປຢູ່ຈັ່ງໃດເດ 2 ປີປາຍຕິດໂຄວິດ ທີ່ເຊກອງ

13th September 2021 0 By Education

ການມາລະບາດໃນລາວຂອງເຊື້ອໂຄວິດ-19 ເປັນອີຫຍັງທີ່ຄົນມີລູກທັງຫຼາຍຢ້ານທີ່ສຸດ ລູກຍິ່ງນ້ອຍແຫ່ງຕ້ອງລະວັງ ແຕ່ຖ້າເປັນລູກທີ່ໃຫຍ່ຈື່ຈຳຮູ້ຈັກພໍ່ແມ່ແລ້ວຍິ່ງທໍລະມານໃຈ, ລູກບໍ່ຍອມຢູ່ກັບຄົນແປກໜ້າ ກັບມະນຸດອາວະກາດແລ້ວຈິດໃຈພໍ່ແມ່ຈະເປັນແນວໃດ ເວົ້າມາແລ້ວຄົນບໍ່ມີລູກຄືຈະບໍຄິດບໍສົນຫຍັງເລາະເລີຍ ແຕ່ຄົນມີລູກເດຈະເລາະກໍ່ຕ້ອງຄິດໃຫ້ຫຼາຍຂຶ້ນໃນສະຖານະການແບບນີ້, ທີ່ຍົກເລື່ອງນີ້ມາກໍ່ເພາະເຫັນເດັກ 2 ປີຢູ່ສາລະວັນຕິດເຊື້ອແລະຕ້ອງເດີນທາງໄປປິ່ນປົວຢ່າງໜ້າອີດູຕົນທີ່ສຸດ.

ຕາມຂໍ້ມູນໃນວັນທີ 13 ກັນຍາ 2021 ນີ້ ໃຫ້ຮູ້ວ່າ: ແຂວງເຊກອງ ຮີບຮ້ອນຈັດກອງປະຊຸມປຶກສາຫາລືກ່ຽວກັນການຕອບໂຕ້, ການປ້ອງກັນການແຜ່ລະບາດຂອງພະຍາດໂຄວິດ-19 ຢູ່ເມືອງທ່າແຕງ ຫຼັງຈາກທີ່ກວດພົບມີຜູ້ຕິດເຊື້ອໂຄວິດ-19 ໃນຊຸມຊົນ 1 ກໍລະນີ ຢູ່ເມືອງທ່າແຕງອາຍຸພຽງ 2 ປີປາຍ.

ທ່ານ ກໍລະກັນ ບຸດສະບາ ຫົວໜ້າຫ້ອງການສາທາລະນະສຸກ ເມືອງທ່າແຕງ, ຄະນະກຳມະການສະເພາະກິດຂັ້ນເມືອງ ໄດ້ລາຍງານຂໍ້ມູນ (ທາມລາຍ) ຂອງຜູ້ຕິດເຊື້ອໂຄວິດ-19 ຢູ່ເມືອງທ່າແຕງ ເຊິ່ງທ່ານໃຫ້ຮູ້ວ່າ: ກ່ຽວກັບຜູ້ຕິດເຊື້ອໃນຊຸມຊົນ 1 ກໍລະນີ ຢູ່ເມືອງທ່າແຕງ ເປັນເພດຊາຍ ອາຍຸ 2 ປີ 8 ເດືອນ, ມີປະຫວັດສໍາຜັດໃກ້ຊິດກັບຜູ້ຕິດເຊື້ອ ທີ່ເປັນພະນັກງານ ມາແຕ່ແຂວງສາລະວັນ ຊຶ່ງເປັນອ້າຍຂອງແມ່ (ລູງ) ມາຮັບເອົາຫຼານ( ຜູ້ຕິດເຊື້ອ) ພ້ອມກັບພໍ່ ແລະແມ່ ໃນວັນທີ 5 /9/2021 ໄປບ້ານເກີດ ຢູ່ບ້ານແດນສະຫວ່າງ ເມືອງປາກຊ່ອງ ແຂວງ ຈໍາປາສັກ.

ມາຮອດວັນທີ 12/9/2021 ໄດ້ເກັບຕົວຢ່າງ ພໍ່, ແມ່ ແລະລູກ ສົ່ງກວດຢູ່ຫ້ອງວິເຄາະໂຮງຫມໍແຂວງເຊກອງ, ເວລາ 17:00 ໂມງ ຂອງວັນດຽວກັນ ໄດ້ຮັບຜົນກວດຂອງລູກຊາຍ ອອກມາແມ່ນຕິດເຊື້ອ (ເປັນບວກ), ແຕ່ຜົນກວດຂອງແມ່ຜູ້ຕິດເຊື້ອ ເປັນລົບ, ພ້ອມທັງນໍາເອົາແມ່ ແລະລູກເຂົ້າສູນປິ່ນປົວຢູ່ໂຮງໝໍແຂວງເຊກອງຢ່າງຮີບດ່ວນ.