ເຂດອື່ນມີສະຕິລະວັງໄວ້ ພາຍຸລະດູຮ້ອນມາໄວກວ່າທີ່ຄິດ ພັດເຂົ້າບ້ານເພຍລາດ ສະພາບແຮງເຕີບ (ມີຄຣິບ)

ເຂດອື່ນມີສະຕິລະວັງໄວ້ ພາຍຸລະດູຮ້ອນມາໄວກວ່າທີ່ຄິດ ພັດເຂົ້າບ້ານເພຍລາດ ສະພາບແຮງເຕີບ (ມີຄຣິບ)

2nd March 2020 0 By Entertain

ເຫັນສະພາບແລ້ວແມ່ນແຮງເຕີບພາຍຸລະດູຮ້ອນ ທີ່ພັດເຂົ້າມາເຂດບ້ານເພຍລາດ ເມືອງ ສັງທອງ ມື້ນີ້ 2 ມີນາ 2020

ພາຍຸລະດູຮ້ອນ ພັດເຂົ້າບ້ານເພຍລາດ ເມືອງສັງທອງ

ໃນວັນທີ 2 ມີນາ 2020 ເວລາປະມານ 17:00 ໂມງນີ້

ໄດ້ມີພາຍຸລະດູຮ້ອນພັດເຂົ້າຖະຫລົ່ມເຂດບ້ານເພຍລາດ,​ ເມືອງສັງທອງ,​ ນະຄອນຫລວງວຽງ ຊຶ່ງມີທັງລົມພັດແຮງ ແລະ ຫມາກເຫັບຕົກ ສ້າງຄວາມເສຍຫາຍແກ່ບ້ານເຮືອນຂອງປະຊາຊົນ,​

ຕົ້ນໄມ້ຫັກ ເປັນຈຳນວນຫລາຍ ແລະ ຍັງບໍ່ມີລາຍງານຜູ້ໄດ້ຮັບບາດເຈັບ.​

ລາຍລະອຽດຈະແຈ້ງໃຫ້ຊາບພາຍຫຼັງ

ຮູບຈາກ: ນ້ຳໃສ ສຸລິວົງ

ກ່ອນໜ້ານີ້ທາງກົມອຸຕຸນິຍົມ ແລະ ອຸທົກກະສາດ ກໍໄດ້ແຈ້ງເຕືອນວ່າໄລຍະວັນທີ 2 ຫາ 5 ມີນາ 2020​ ອາກາດປ່ຽນແປງໄວ

ເຊິ່ງຈະເຮັດໃຫ້ມີຝົນຕົກ ຟ້າຮ້ອງ ຟ້າເຫຼື້ອມ, ຟ້າຜ່າ ແລະ ໝາກເຫັບຕົກ ໃນລະດັບຄ່ອຍ ແລະ ມີລົມພັດແຮງຢູ່ບາງທ້ອງຖິ່ນໃນແຕ່ລະພາກ.

ແຈ້ງເຕືອນໃຫ້ປະຊາຊົນບັນດາເຜົ່າ ແລະ ອໍານາດການປົກຄອງທຸກພາກສ່ວນ ຈົ່ງມີສະຕິຕໍ່ສະພາບຝົນຕົກ, ລົມແຮງ ແລະ ໃຫ້ຢູ່ຫ່າງໄກຈາກຕົ້ນໄມ້ໃຫ່ຍ, ສິ່ງປຸກສ້າງທີ່ບໍ່ທັນສໍາເລັດ, ພ້ອມໃຫ້ຕິດຕາມຂ່າວພະຍາກອນອາກາດຢ່າງຕໍ່ເນື່ອງ.

.

ແນວໃດກໍຈົ່ງມີສະຕິ ເພາະດັ່ງທີ່ເຫນວ່າມື້ນີ້ແມ່ນພາຍຸເຂົ້າເມືອງສງທອງແລ້ວ

.