ຕາມນີ້! ຍາດກັນຊື້ຫຼາຍເຂົາເອົາຂອງເກົ່າມາໃຫ້ ຮ້າຍກວ່າໄວຣັສອີກ

ຕາມນີ້! ຍາດກັນຊື້ຫຼາຍເຂົາເອົາຂອງເກົ່າມາໃຫ້ ຮ້າຍກວ່າໄວຣັສອີກ

2nd March 2020 0 By Education

ຝາກເຕືອນກັນເເດ່ເດີ້ພີ່ນ້ອງເຮົາທຸກຄົນ ໂດຍສະເພາະຜູ້ທີ່ສູ້ບໍ່ຖອຍ ລາຄາສູງພຽງຟ້າກັບ 2-3 ແສນກໍ່ເໝົາເອົາໆ ເບິ່ງນີ້ເລີຍ ເຈົ້າໜ້າທີ່ຈັບໄດ້ຈາກຫວຽດນາມ ‼️ຊ່ວຍກັນແຊໃຫ້ຄົນທີ່ທ່ານຮັກ ລະຫວັງຖືກຂອງດີແບບນີ້ອັນຕະຫຼາຍກວ່າໄວຣັສອີກຈັກພະຍາດຫຍັງແຊກຊ້ອນມານຳ.


ຕາມລາຍງານຈາກໜັງສືພິມລາວດົງຂອງຫວຽດນາມໃຫ້ຮູ້ວ່າ: ເຈົ້າໜ້າທີ່ຕຳຫລວດກວດພົບໜ້າກາກທີ່ໃຊ້ແລ້ວຈຳນວນ 2 ໂຕນ ກຳລັງຖືກຜະລິດຄືນໃໝ່ເພື່ອການຈັດຈຳຫນ່າຍ ວິທີການກໍ່ຄືເອົາໄປຊັກໆລະມາລີດໆແລ້ວສົ່ງຕະຫຼາດຄືນ.

ນີ້ເປັນພຽງກໍລະນີດຽວທີ່ພົບ ເຫັນອຸປະກອນການແພດໃນປະລິມານຫຼາຍເຖິງ 2 ໂຕນທີ່ຖືກໃຊ້ໃນເມືອງ Binh Chanh, ເມືອງໂຮຈິມິນ ຂອງຫວຽດນາມ ທີ່ຍັງກວດບໍ່ພົບມີເທົ່າໃດບໍ່ຮູ້!!!


ນັກຂ່າວຂອງໜັງສືພິມ Lao Dong ແລະພະນັກງານຢູ່ເມືອງ Binh Chanh, ນະຄອນໂຮ່ຈີມິນໄດ້ພົບເຫັນ ໜ້າກາກທີ່ໃຊ້ແລ້ວຫຼາຍຢ່າງຖືກເຕົ້າໂຮມຢູ່ເຮືອນຫລັງຫນື່ງ, ໜ້າກາກທີ່ໜ້າຢ້ານຈຳນວນຫລວງຫຼາຍເປັນຂອງທ້າວ Sy Nhuy Pau (SN 1971, ທີ່ຢູ່ອາໄສຂອງຫນ່ວຍ12, ບ້ານ Hamlet 3, Vinh Loc B, ເມືອງ Binh Chanh, ນະຄອນໂຮ່ຈີມິນ) ເປັນຜູ້ເກັບມ້ຽນທີ່ບ່ອນຮັກສາເຫຼັກເສດ.


ພາຍຫຼັງເຈົ້າໜ້າທີ່ກວດພົບພ້ອມໃຫ້ຂໍ້ມູນວ່າ ໜ້າກາກອະນາໄມໃນຫລາຍໆຖົງນັ້ນຖືກເກັບໄວ້ໃນເຮືອນຂອງທ້າວ Sy Nhoc Pau, ເຈົ້າຂອງຜະລິດຕະພັນທີ່ຫລາຍຄົນບອກວ່າພວກເຂົາເປັນຜູ້ຊື້ຂາຍເຫຼັກເສດ ແຕ່ຄວາມຈີງແລ້ວໄດ້ໄປເກັບເອົາຜ້າອັດປາກທີ່ໃຊ້ແລ້ວມາໄວ້ເພື່ອນຳໄປຂາຍຕໍ່.


ພະຍານເບື້ອງຕົ້ນຂອງທ່ານ Pau ກ່າວວ່າປະລິມານຂອງ ໜ້າກາກທີ່ໃຊ້ແລ້ວເກັບໄດ້ 780 ກິໂລ, ເຖິງຢ່າງໃດກໍ່ຕາມເຈົ້າໜ້າທີ່ດ້ານສິ່ງແວດລ້ອມໄດ້ກ່າວຕໍ່ ໜັງສືພິມLao Dong ວ່າ: ຈຳນວນຂອງໜ້າກາກເບື້ອງຕົ້ນແມ່ນຫຼາຍກວ່າ 2ໂຕນ !!!


ບາງໜ້າກາກທີ່ຖືກປົກປິດຮອຍດ່າງ, ຮອຍຍໍ່, ບໍ່ມີການຫຸ້ມຫໍ່ແລະອີກຫລາຍແຜ່ນທີ່ຍັງມີປ້າຍບໍລິສັດ, ໜ້າກາກບາງບ່ອນຍັງມີຮອຍເປື້ອນຫຼາຍ. ນອກຈາກໜ້າກາກເຫລົ່ານີ້ແມ່ນຍັງມີຖົງມືການແພດ, ເຄື່ອງດື່ມ, ຖົງຢາງ… ຜະລິດຕະພັນຈຳນວນໜື່ງແມ່ນ”ສຳເລັດຮູບ” ພ້ອມທີ່ຈະບັນຈຸໃສ່ກະສອບລໍຖ້າຈັດຈຳໜ່າຍ …

ແຫຼ່ງຂ່າວ: ໜັງສືພິມລາວດົງ