ໃຜເຊື່ອແນ່ດົມຢາອັນນີ້ ແທ້ບໍໂຄວິດຫາຍ

ໃຜເຊື່ອແນ່ດົມຢາອັນນີ້ ແທ້ບໍໂຄວິດຫາຍ

25th September 2021 0 By Education

ເປັນຂ່າວໂດ່ງດັງໄປທົ່ວເຟສເລື່ອງດົມຫົວກະທຽມຜັກບົ່ວແລ້ວຊ່ວຍປົວໂຄວິດໄດ້ ອັນນີ້ລົບລູ່ບໍ່ໄດ້ແຕ່ກໍ່ຄົງບໍ່ງ່າຍປານນັ້ນ ຖ້າດີແທ້ແບບນັ້ນ ໂຄວິດຄືຊິບໍລາມໄປທົ່ວບ້ານທົ່ວເມືອງ.

ກ່ຽວກັບຂ່າວປາປົວໂຄວິດທີ່ໂດ່ງດັງ ໃນສັງຄົມອອນລາຍ ແລະຍັງໄດ້ສົ່ງຕໍ່ກັນຢ່າງຫຼວງຫຼາຍວ່າ ການດົມຫົວຜັກບົ່ວ-ຫົວຜັກທຽມ ສາມາດປ້ອງກັນພະຍາດໂຄວີດ ໄດ້ນັ້ນ, ໃນທາງວິທະຍາສາດແມ່ນບໍ່ສາມາດປ້ອງກັນໄດ້ ສະນັ້ນແນະນໍາໃຫ້ບັນດາທ່ານຢ່າຫຼົງເຊື່ອຂໍ້ມູນທີ່ບໍ່ມີຄວາມເປັນຈິງ.

ຂໍ້ແນະນຳທີ່ດີໃນການປ້ອງກັນໂຄວິດກໍ່ຄືການປະຕິບັດມາດຕະການ ຫ້າມອອກຈາກເຮືອນຖ້າບໍ່ຈໍາເປັນ, ບໍ່ເດີນທາງໄປບ່ອນທີ່ສ່ຽງ, ບໍ່ໄປສະຖານທີ່ແອອັດ, ບໍ່ໃຫ້ຊຸມແຊວເປັນກຸ່ມ, ຮັກສາໄລຍະຫ່າງ, ໃສ່ຜ້າອັດປາກ-ດັງ, ລ້າງມືເລື້ອຍໆດ້ວຍສະບູ ແລະ ນ້ຳສະອາດ ຫຼື ເຈວລ້າງມືທີ່ມີທາດເຫຼົ້າ 70 ຂື້ນໄປ, ຮັກສາມາລະຍາດໃນການໄອ-ຈາມເທົ່ານີ້.