ເຮືອນລາວບູຮານ ຄ່ອຍໆຈາງຫາຍໄປຕາມການເວລາ

ເຮືອນລາວບູຮານ ຄ່ອຍໆຈາງຫາຍໄປຕາມການເວລາ

25th September 2021 0 By Education

ມີຄຳກ່າວໄວ້ ຢູ່ໃສທີ່ຢູ່ເຮືອນຮ້ານ ກິນເຂົ້າໜຽວ ຈ້ຳປາແດກ ທີ່ນັ້ນຄືຄົນລາວ ໃນນັ້ນອາດຈະພົບເຫັນຢູ່ຝັ່ງໄທແນ່ເພາະເມື່ອກ່ອນພີ່ນ້ອງທາງອີສານກໍ່ລາວເຮົານີ້ແລ ປະເດັນບໍ່ໄດ້ຢູ່ທີ່ນັ້ນ ແຕ່ຢາກບອກວ່າເຮືອນຮ້ານທີ່ປະຊາຊົນຊາວລາວເຮົາຢູ່ມາຊ້ານານກຳລັງຈະຫາຍໄປ.

ສຳລັບເຮືອນລາວບູຮານສ່ວນໃຫຍ່ຈະແອ້ມດ້ວຍແປ້ນເກັດ, ມຸງຫຍ້າ, ສັງກະສີ ແລ້ວແຕ່ເງື່ອນໄຂຂອງແຕ່ລະຄອບຄົວ ແຕ່ທີ່ແນ່ນອນຕ້ອງເປັນເຮືອນຮ້ານ ມີກ້ອງຕະລ່າງ ມີໄຫນ້ຳຢູ່ເທິງເຮືອນ ໂດຍການຕໍ່ເທີບມາໃສ່ແຈໃດໜຶ່ງຂອງເຮືອນ ແລະຍັງມີອົງປະກອບຫຼາຍຢ່າງ ຢາກໃຫ້ຄົນລຸ້ນຫຼັງໄດ້ເຫັນ ແລະບັນທຶກໄວ້ເປັນປະຫວັດສາດ.

ເຊິ່ງນີ້ແມ່ນເຮືອນໄມ້ແບບບູຮານລາວທີງົດງາມ ຢູ່ບ້ານດ່ານ ເມືອງຈອມເພັດ ແຂວງຫລວງພຣະບາງຖືວ່າຍັງອະນຸລັກໄດ້ດີຫຼາຍ ປັດຈຸບັນນີ້ ເຫລືອຢູ່ 29 ຫລັງ ເມື່ອກ່ອນນັ້ນແມ່ນຍັງຫລາຍ ຍ້ອນເງື່ອນໄຂ ສະພາບແວດລ້ອມປ່ຽນໄປ ເຮືອນແບບນີ້ຈຶ່ງຄ່ອຍຫມົດໄປ.

ແຕ່ຍັງມີໃຫ້ເຫັນຢູ່ ເຊິ່ງແບບເຮືອນລາວບູຮານນີ້ແມ່ນມີສະເໜ່, ມີເອກະລັກແຫ່ງຄວາມເປັນລາວ ຍິ່ງດົນນານຍຍິ່ງມີຄ່າ ແລະມີຄຸນຄ່າຂຶ້ນ ຜູ້ທີ່ຜູ້ພົບເຫັນ ກໍ່ມີຄວາມສຸກ ໂດຍສະເພາະຜູ້ມັກຮັກໃນຄວາມເປັນບຸຮານ. ຜູ້ທີ່ເຄີຍດຳລົງຊີວິດຢູ່ແບບນີ້ມາກ່ອນຈະຮູ້ວ່າ ເຮືອນຮ້ານເປັນແນວໃດ ໂດຍສະເພາະນອນຍາມຝົນນີ້ໂຄດມີຄວາມສຸກເລີຍແລ!!!


ຖ້າໝົດໂຄວິດຢ່າລືມອອກເດີນທາງທ່ອງທ່ຽວເມືອງລາວເດີ້ ຍັງໃຫ້ເຫັນບໍ່ຫຼາຍແລ້ວ

ມໍລະດົກລາວ ໃກ້ສູນພັນແລ້ວເນີ້

ຂອບໃຈຂໍ້ມູນຈາກ ນະຄອນຫຼວງພະບາງ