ເອົາອີກແລ້ວ ອັນນີ້ງານໄທ 100% ຂາຍຜ້າອັດປາກມືສອງຕາມເຄີຍ

ເອົາອີກແລ້ວ ອັນນີ້ງານໄທ 100% ຂາຍຜ້າອັດປາກມືສອງຕາມເຄີຍ

2nd March 2020 0 By Education

ດຽວນີ້ແອັດອະເຫຍືອງແຮງບໍ່ກ້າໃສ່ຜ້າອັດປາກແລ້ວ ຈັກຊິເຕືອນຄວາມສ່ຽງສູງຈັກຊິເອົາຂອງໃຊ້ແລ້ວມາຂາຍໃຫ້ກັນ ທຳອິດຄິດວ່າມີແຕ່ອ້າຍນ້ອງຫວຽດນາມ ທີ່ແທ້ຂອງໄທທີ່ຫຼາຍຄົນນິຍົມຊົມຊອບກໍມາອີກ ແບບວ່າຕອບໂຈດໄດ້ເລີຍເປັນຫຍັງບ້ານເຮົາຜູ້ຂາຍຜ້າອັດປາກທັງຫຼາຍຂາຍແລ້ວກັບເປົ່າຍັງຂາຍອີກຮອບຊິແມ່ນແນວນີ້ແລນໍ!


ຕາມລາຍງານຂອງເລື່ອງເລົ່າເຊົ້ານີ້ຂອງຊ່ອງ3 ໄທໃນຕອນຄ່ຳມື້ນີ້ 2 ມີນາ 2020 ວ່າ ເຈົ້າໜ້າທີ່ໄດ້ເຂົ້າຈັບກຸມເຈົ້າຂອງເຮືອນຫຼັງໜຶ່ງໃນຈັງຫວັດ ສະຣະບູຣີ ທີ່ກຳລັງນຳຜ້າອັດປາກ ຫຼື ໜ້າກາກອະນາໄມທີ່ໃຊ້ແລ້ວ(ມືສອງ) ມາຊັກ, ລ້າງ, ຕາກ, ລີດ ແລະແພັກໃສ່ຖົງ ເພື່ອກຽມສົ່ງຂາຍສູ່ຕະຫຼາດຄືນ ໃນນີ້ຕະຫຼາດຫຼັກຂອງເຂົາຄືຂາຍອອນລາຍ.


ນອກຈາກລາຍນີ້ແລ້ວຍັງມີສາວໄທຄົນໜຶ່ງທີ່ມາໂພສເຕືອນ ບອກວ່າຕົນໄດ້ສັ່ງຊື້ໜ້າກາກອະນາໄມທາງອອນລາຍໃນລາຄາຫໍ່ລະ 750 ບາດ ແຕ່ພໍມາຮອດ ແລະເປີດເບິ່ງ ປາໂທເອີຍມີແຕ່ຂອງເກົ່າທີ່ໃຊ້ແລ້ວ ລາຍນີ້ແຫ່ງໂຫດບໍ່ມີຊັກເລີຍສົ່ງໂຕເປື້ອນໆສະຍົດສະຫຍອງມາໃຫ້ຈາຮີດ

.


ທັງໝົດເຫຼົ່ານີ້ລ້ວນແມ່ນຄວາມເຫັນແກ່ຕົວຂອງຄົນທີ່ເຫັນວິກິດເປັນໂອກາດ ແຕ່ສຳລັບປະເທດທີ່ລະບຽບກົດໝາຍເຄັ່ງຄັດ ໂທດໜັກບໍ່ທຳມະດາ ສະນັ້ນບ້ານເຮົາຢ່າໄປເຮັດດີກວ່າ ເຖິງແມ່ນແອັດຈະປະກົດເຫັນຫຼາຍຄົນປະກາດຂາຍກ່ອງເປົ່າກໍ່ຕາມ!

.

.