ມິກ VKL ໂຊຄວາມຫວານ ຄວງແຟນສາວເປັນນາງເອກເອັມວີເພງໃໝ່

ມິກ VKL ໂຊຄວາມຫວານ ຄວງແຟນສາວເປັນນາງເອກເອັມວີເພງໃໝ່

27th September 2021 0 By Entertain

ແອັດເຊື່ອວ່າຫາກເວົ້າເຖິງຕະຫຼົກດັງຂອງໄທ ໜຶ່ງໃນຊື່ລຸ້ນໃຫຍ່ທີ່ທຸກຄົນຄິດຫາຕ້ອງແມ່ນ ມໍ່າ ຈົກມົກ ແນ່ນອນ ເຊິ່ງມັນບໍ່ໄດ້ແມ່ນເລື່ອງແປກ ເພາະຜູ້ກ່ຽວເປັນຕໍານານທີ່ຍັງມີຊີວິດຂອງວົງການຕະຫຼົກແທ້.

ເວົ້າເລື່ອງມໍ່າ ຈົກມົກ ແລ້ວ ບໍ່ເວົ້າເຖິງເລື່ອງທາຍາດສືບສະກຸນຄົງເປັນໄປບໍ່ໄດ້ ເຊິ່ງເພິ່ນກໍ່ມີລູກສາວ 1ຄົນ ແລະ ລູກຊາຍໜຶ່ງຄົນ ສ່ວນລູກສາວນັ້ນ ແມ່ນແຕ່ງງານມີລູກໄປແລ້ວ ເຫຼືອ ພຽງລູກຊາຍຫຼ້າ ໜຸ່ມມິກ VKL  ໜຸ່ມຜິວເຂັ້ມໜ້າໄທ ໄດ້ຊົງໜ້າພໍ່ມາເຕັມໆ ເຊິ່ງໜຸ່ມມິກບໍ່ໄດ້ເດີນຕາມຮອຍພໍ່ແຕ່ຜັນຕົວມາເປັນນັກຮ້ອງແຣັບເປີ ທີ່ສ້າງສັນຜົນງານ ອອກມາໃຫ້ແຟນເພງຂອງເພິ່ນໄດ້ຊື່ນຊົມຕະຫຼອດ.

ອີກເລື່ອງໜຶ່ງທີ່ກ່ຽວກັບໜຸ່ມມິກນັ້ນ ຄືແຟນສາວ ເພາະຜູ້ກ່ຽວມີແຟນທີ່ທັງງາມທັງໜ້າຮັກຫຼາຍ ເຊິ່ງທັງສອງມັກມີພາບຫວານ ອອກມາໃຫ້ເຫັນຢູ່ຕະຫຼອດ ແລະ ເທື່ອນີ້ກໍ່ເຊັ່ນກັນ ມີພາບຫວານອອກມາ ທີ່ພິເສດຄືເພງໃໝ່ທີ່ໜຸ່ມມິກເຮັດນັ້ນ ໄດ້ສາວອາຍ ແຟນສາວມາເປັນນາງເອກເອັມວີ.

ເຊິ່ງເພງໃໝ່ຂອງໜຸ່ມມິກນັ້ນ ເປັນການຖ່າຍທອດເລື່ອງລາວຄວາມຮັກຂອງໜຸ່ມມິກເອງ ແຕ່ພິເສດຄືດັ່ງທີ່ແອັດກ່າວໄປຂ້າງເທິງວ່າໄດ້ແຟນສາວມາເປັນນາງເອກເອັມວີ ງານນີ້ເຮັດໃຫ້ແຟນໆຕ່າງກໍ່ລຸ້ນກັນວ່າຄູ່ນີ້ຈະມີຂ່າວດີມື້ໃດນໍ້.