ຕະຫຼາດຂາຍສົ່ງແຫ່ງໃຫຍ່ສຸດຂອງນະຄອນຫຼວງ ກຽມປ້ອງກັນເຕັມທີ່

ຕະຫຼາດຂາຍສົ່ງແຫ່ງໃຫຍ່ສຸດຂອງນະຄອນຫຼວງ ກຽມປ້ອງກັນເຕັມທີ່

28th September 2021 0 By Education

ຕະຫຼາດລາວອົດຊີ ນັບແຕ່ມີການລະບາດຮອບສອງນີ້ແມ່ນມີຂ່າວກ່ຽວກັບໂຄວິດມາເປັນໄລຍະ ບຶດກໍ່ມີຄົນຕິດເຊື້ອໄປເລາະຊື້ເຄື່ອງບຶດກໍ່ແມ່ຄ້າຕິດໂຄວິດ ແລະທຸກຄັ້ງທາງຕະຫຼອດກໍ່ໄດ້ປິດເພື່ອສີດຂ້າເຊື້ອ ແຕ່ມາຮອດຕອນນີ້ຄາດເດົາໄດ້ຍາກໂຄວິດຈະຢູ່ກັບພວກເຮົາໄປອີກດົນປານໃດ ຈິ່ງຕ້ອງຫາວິທີຈັດການທີ່ດີກວ່າ.

ເຊິ່ງຕະຫລາດລາວອົດຊີ ໄດ້ວາງມາດຕະການເລີ່ມໃຫ້ແຕ່ລະຮ້ານຄ້າ ໃຫ້ເຮັດຜ້າຢາງກັນການສຳຜັດ ລູກຄ້າ ແມ່ຄ້າ ແລະ ຫລາຍຄົນທີ່ມາພົວພັນ ຕ້ອງຮັກສາໄລຍະຫ່າງ, ໃສ່ຜ້າປິດປາກ,ຫມັ່ນລ້າງມື ໃສ່ເຈວເປັນປະຈຳ.

ທາງຕະຫຼາດໄດ້ຂໍໃຫ້ແຕ່ລະຮ້ານທີ່ຕ້ອງການມາຂາຍເຄື່ອງ ຕ້ອງປະຕິບັດຕາມນະໂຍບາຍຂອງຕະຫລາດ ເພື່ອການປ້ອງກັນ ແລະ ໃຫ້ທຸກຄົນຢູ່ລອດ.

ໂດຍນັບແຕ່ນີ້ໄປແມ່ຄ້າໃນຕະຫຼາດອົດຊີຕ້ອງປະກອບດ້ວຍສິ່ງເຫຼົ່ານີ້
1.ຕ້ອງມີບັດຂຽວສັກວັກຊີນ
2.ຕ້ອງມີຜົນກວດໂຄວິດຢັ້ງຢືນ ດ້ວຍ RT-ATK ຫລື PCR
3.ແຕ່ລະຮ້ານຕ້ອງເຮັດຟີມຫລືຜ້າຢາງໃສກັນການສຳຜັດ
4.ໃສ່ຜ້າປິດປາກຕະຫລອດ
5.ໃຜທີ່ຮູ້ສຶກເປັນໄຂ້ ຫລື ອຸນຫະພູມເກີນ 38 ອົງສາ ຫ້າມເຂົ້າ

ວິທີການແບບນີ້ນອກຈາກຈະປ້ອງກັນ ການສຳຜັດໂດຍກົງແລ້ວຊ່ວຍສ້າງຄວາມໝັ້ນໃຈໃຫ້ທັງສອງຝ່າຍແມ່ຄ້າ ແລະລູກຄ້ານຳ ຖ້າເປັນການປ້ອງກັນທັງສອງຝ່າຍ ນອກເໜືອຈາກການໃສ່ຜ້າອັດປາກອັດດັງ, ລ້າງມື ນີ້ຄືການລັອກຊັ້ນໃໝ່ທີ່ທຸກຝ່າຍຈະສະບາຍໃຈຂື້ນ.