4 ແຈ້ງການ ປ້ອງກັນໂຄວິດ-19 ທີ່ຕ້ອງປະຕິບັດຕາມຢ່າງເຄັ່ງຄັດ

4 ແຈ້ງການ ປ້ອງກັນໂຄວິດ-19 ທີ່ຕ້ອງປະຕິບັດຕາມຢ່າງເຄັ່ງຄັດ

3rd March 2020 0 By Education

ຕໍ່ກັບສະພາບການລະບາດຂອງເຊື້ອໄວຣັດໂຄວິດ-19 ທີ່ກໍາລັງແຜ່ລະບາດຮ້າຍແຮງຢູ່ຫຼາຍປະເທດໃນທົ່ວໂລກ ເຮັດໃຫ້ລາວເຮົາຕ້ອງມີມາດຕະການທີ່ເຄັ່ງຄັດ ແລະ ຮັດກຸມ ເພື່ອຄວບຄຸມ ປ້ອງກັນການລະບາດຂອງເຊື້ອພະຍາດດັ່ງກ່າວບໍ່ໃຫ້ແຜ່ລາມເຂົ້າສູ່ລາວ, ເຊິ່ງລັດຖະບານກໍ່ໄດ້ເອົາໃຈໃສ່ເຮັດທຸກວິທີທາງ ໂດຍສະເພາະແມ່ນການອອກແຈ້ງການຂໍ້ຈໍາກັດຕ່າງໆ ເພື່ອບໍ່ໃຫ້ມີຊ່ອງຫວ່າງເຮັດໃຫ້ເຊື້ອພະຍາດນີ້ລອດເຂົ້າມາປະເທດເຮົາໄດ້. ຫຼ້າສຸດ ສະເພາະເດືອນມີນາ ຄະນະສະເພາະກິດເພື່ອປ້ອງກັນ, ຄວບຄຸຸມ ແລະ ແກ້ໄຂການລະບາດຂອງພະຍາດ ໂຄວິດ-19 ໄດ້ອອກແຈ້ງການເພື່ອປ້ອງກັນເຊື້ອໄວຣັດຮ້າຍແຮງນີ້ ເຖິງ 4ສະບັບດ້ວຍກັນ ແລະ ທຸກຄົນຕ້ອງປະຕິບັດຕາມຢ່າງເຄັ່ງຄັດ.

ແຈ້ງການສະບັບທໍາອິດແມ່ນເລື່ອງ ພິຈາລະນາເລື່ອນ ຫຼື ໂຈະການໄປປະຕິບັດວຽກງານຂອງພະນັກງານຢູ່ປະເທດທີ່ມີການລະບາດຂອງເຊື້ອພະຍາດໂຄວິດ-19.

ແຈ້ງການສະບັບທີສອງ ເລື່ອງ ພິຈາລະນາການໂຈະ ຫຼື ເລື່ອນຊົ່ວຄາວ ຫຼື ຈໍາກັດຜູ້ເຂົ້າຮ່ວມ ການຈັດງານປະເພນີ, ງານສ້າງສັນ ແລະ ກິດຈະກໍາທີ່ມີຈໍານວນຄົນເຂົ້າຮ່ວມຫຼາຍ.

ແຈ້ງການສະບັບທີສາມແມ່ນ ການປະຕິບັດມາດຕະການກັນ, ຄວບຄຸມ ແລະ ໂຕ້ຕອບການລະບາດຂອງເຊື້ອຈຸລະໂລກໂຄໂຣນາສາຍພັນໃໝ່ ຢູ່ ສປປ ລາວ

ແຈ້ງການສະບັບທີສີ່ ແມ່ນເລື່ອງການຈັດທົວໄປທ່ອງທ່ຽວປະເທດທີ່ມີການລະບາດຂອງພະຍາດ ຈົນກວ່າສະພາບການລະບາດຈະສາມາດຄວບຄຸມໄດ້