ເດິກດື່ນທ່ຽງຄືນບໍ່ໄດ້ນອນ ແທບບໍ່ມີເວລາກິນເຂົ້າກິນນໍ້າ ສຽງຈາກນັກຮົບຊຸດຂາວທ່ານໜຶ່ງ

ເດິກດື່ນທ່ຽງຄືນບໍ່ໄດ້ນອນ ແທບບໍ່ມີເວລາກິນເຂົ້າກິນນໍ້າ ສຽງຈາກນັກຮົບຊຸດຂາວທ່ານໜຶ່ງ

4th October 2021 0 By Entertain

ດັ່ງທີ່ພວກເຮົາຮູ້ກັນແລ້ວວ່າສະພາບການລະບາດຂອງພະຍາດໂຄວິດ-19ໃນປະເທດເຮົາ ນັບມື້ນັບໜັກຂຶ້ນ ຜູ້ຕິດເຊື້ອສະສົມໃກ້ຈຸ 3 ໝື່ນຄົນແລ້ວ ສິ່ງທີ່ໜ້າຫ່ວງຄື ຕອນນີ້ຜູ້ຕິດເຊື້ອໃນຊຸມຊົນແມ່ນເພີ່ມຂຶ້ນຫຼາຍ.

ເຊິ່ງແນ່ນອນວ່າຈໍານວນຄົນເຈັບທີ່ເພີ່ມຂຶ້ນຫຼັກຮ້ອຍໃນແຕ່ລະມື້ນັ້ນ ສະຖານທີ່ຮອງຮັບການປິ່ນປົວຍ່ອມບໍ່ພຽງພໍ, ສະນັ້ນ ພວກເຮົາທຸກຄົນຕ້ອງຮ່ວມໃຈກັນ ປ້ອງກັນຕົນເອງໃຫ້ລອດພົ້ນຈາກພະຍາດນີ້ໃຫ້ໄດ້.

ການປ້ອງກັນຕົນເອງ ພວກເຮົາສາມາດເຮັດໄດ້ດ້ວຍຕົນເອງດ້ວຍການເຮັດຕາມຄໍາແນະນໍາຂອງຄະນະສະເພາະກິດ ໂດຍສະເພາະແມ່ນການໃສ່ຜ້າປິດປາກ-ດັງ, ລ້າງມືດ້ວຍເຈວຂ້າເຊື້ອ ບໍ່ເລາະທົ່ວທີບ ບໍ່ຊຸມແຊວ ທັ້ງນີ້ກໍ່ເພື່ອບໍ່ສ້າງພາລະໃຫ້ກັບແພດໝໍທີ່ຕ້ອງເສຍສະລະມາດູແລພວກທ່ານ.

ແນວໃດກໍ່ຕາມ ເນື່ອງຈາກຄົນເຈັບເພີ່ມຂຶ້ນທຸກມື້ ເຮັດໃຫ້ຕອນນີ້ຫຼາຍຢ່າງຫຍຸ້ງຍາກ ທີມແພດໝໍເອງກໍ່ຕ້ອງເຮັດວຽກໜັກຂຶ້ນ, ສະນັ້ນເພື່ອເປັນການຊ່ວຍກັນ ຈົ່ງຢູ່ເຮືອນເພື່ອຢຸດການແຜ່ເຊື້ອ ແຕ່ຫາກທ່ານຄິດວ່ານອນນັ່ງຢູ່ເຮືອນລ້າໆມັນເມື່ອຍ ລອງຄິດເຫັນທີມແພດໝໍເຫຼົ່ານີ້ ຮອດໂມງກິນບໍ່ໄດ້ກິນ ຮອດໂມງນອນບໍ່ໄດ້ນອນ ລອງຄິດເບິ່ງວ່າພວກເຂົາຈະເມື່ອຍກວ່າພວກທ່ານຫຼາຍພຽງໃດ.