ໂອ້ຍ ຕາຢ້ານແທ້! ຟ້າບໍ່ຮ້ອງຝົນບໍ່ຕົກແຕ່ປະຊາຊົນຖືກຟ້າຜ່າ

ໂອ້ຍ ຕາຢ້ານແທ້! ຟ້າບໍ່ຮ້ອງຝົນບໍ່ຕົກແຕ່ປະຊາຊົນຖືກຟ້າຜ່າ

4th October 2021 0 By Entertain

ໜັງສືພິມບໍ່ແກ້ວ Bokeo Newspaper ລາຍງານໃຫ້ຮູ້ວ່າ: ໃນວັນທີ່ 4 ກັນຍາ 2021 ເວລາ16:17ນາທີ ໄດ້ຮັບແຈ້ງຈາກປະຊາຊົນຜ່ານເບີ 084 1625ວ່າມີີ ຄົນຖືກຟ້າຜ່າ ຢູ່ບ້ານ ນໍ້າຕິນ ເມືອງຫ້ວຍຊາຍ ແຂວງບໍ່ແກ້ວ.

ເມື່ອໜ່ວຍກູ້ຊີບອົງການກາແດງລາວແຂວງບໍ່ແກ້ວ ອອກກວດສອບເຫດພົບຜູ້ບາດເຈັບ02ອາການບາດເຈັບເບື້ອງຕົ້ນ ຜູ້ທີ່1 ເພດຊາຍ ອາຍຸ37ປີ ສັນຊາດລາວ ປັດຈຸບັນຢູ່ບ້ານ ນໍ້າຕິນ ເມືອງຫ້ວຍຊາຍ ແຂວງບໍ່ແກ້ວ ມີບາດແຜ ປວດຕາມຕົນໂຕ, ເຈັບບ່າໄຫຼ່.

ສ່ວນຜູ້ທີ່2 ເພດຍິງອາຍຸ16ປີ ສັນຊາດລາວ ປັດຈຸບັນ ບ້ານນໍ້າຕິນ ເມືອງຫ້ວຍຊາຍ ແຂວງບໍ່ແກ້ວ ມີບາດແຜ ເຈັບກົກຂາ, ຂາບວມ, ທັ້ງນີ້ ທາງໜ່ວຍກູ້ຊີບອົງການກາແດງລາວແຂວງບໍ່ແກ້ວໄດ້ທຳການປະຖົມພະຍາບານຂັ້ນເບື້ອງຕົ້ນກ່ອນນຳສົ່ງກັບໂຮງໝໍແຂວງບໍ່ແກ້ວ.