ກໍາລັງເປັນທີ່ສົນໃຈ ແນວໃດແທ້ ຢາພື້ນເມືອງລາວ ພຣະປຣີຊາອາຄົມວິສິດລິດທິວົງມຸນີ ສາມາດປົວໂຄວິດໄດ້

ກໍາລັງເປັນທີ່ສົນໃຈ ແນວໃດແທ້ ຢາພື້ນເມືອງລາວ ພຣະປຣີຊາອາຄົມວິສິດລິດທິວົງມຸນີ ສາມາດປົວໂຄວິດໄດ້

8th October 2021 0 By Entertain

ກຳລັງໂດງດັງ ຮືຮາ ທົ່ວນະຄອນປາກເຊ ແລະ ໂລກອອນລາຍ ເລື່ອງ ຢາພື້ນເມືອງລາວ ຂອງ ພຣະປຣີຊາອາຄົມວິສິດລິດທິວົງມຸນີ (ຮສ.ປອ. ຄຳຕູ້ ອິນທະວົງ) ວ່າສາມາດປົວພະຍາດ ໂຄວິດ-19 ໄດ້ດີ.
ປັດຈຸບັນ,ພຣະອາຈານພຳນັກຢູ່ທີ່ ວັດດົງເກາະໂລງ ນະຄອນປາກເຊ ແຂວງຈຳປາສັກ ຮຽນຈົບສາຂາຢາພື້ນເມືອງ ຈາກ ມະຫາວິທະຍາໄລ ໂພທິສັດຕຣາ ຟໍຣິດ້າ, ສະຫະຣັດອາເມລິກາ ເມື່ອປີ ຄ.ສ 2010.
ຢາທີ່ພຣະອາຈານເປັນຜູ້ຄົ້ນຄິດ ທີ່ສວນຢາພື້ນເມືອງເພື່ອການກຸສົນອິນທະວົງມະໂຫສົດ ມີຊື່ທາງວິທະຍາສາດວ່າ ທຣີ ອິນ ຟາມ (Three In Farm)

ເປົ້າຫມາຍໃນການນໍາໃຊ້ ສໍາລັບຜູ້ຕິດເຊື້ອໂຄວິດ-19 ກໍລະນີກວດ CPR ແລ້ວມີຜົນເປັນບວກທີ່ມີອາການເບົາບາງ ແລະ ປານກາງແມ່ນເຫມາະທີ່ສຸດໃນການໃຊ້ຕົວຢາຕົວນີ້.
ຕົວຢາມີສັບພະຄຸນ ຊ່ວຍສ້າງພູມຄຸ້ມກັນໃນຮ່າງກາຍ, ຊ່ວຍເສີມສ້າງໃຫ້ປອດ ແຂງແຮງ, ແກ້ອາການໄຂ້ຫວັດ, ໄອ ແລະ ເຈັບຄໍ ສ່ວນປະກອບຕົ້ນຕໍ ຄື ຫົວຕັບປີ້ນ, ຕົ້ນບີຍຸງ ແລະ ຂີ້ໄຄພະຍານາກ.
ປັດຈຸບັນ ຢາພື້ນເມືອງຕົວນີ້ ກຳລັງຢູ່ຂັ້ນຕອນການທົດລອງໃຊ້ ແລະ ຄົ້ນຄວ້າຂອງກະຊວງສາທາລະນະສຸກ ຄວບຄູ່ກັບຢາທາງການແພດສາກົນ ອິງຕາມ ກອງປະຊຸມ ເມື່ອວັນທີ 06/08/2021 ທີ່ສຳນັກງານປົກຄອງແຂວງຈຳປາສັກໄດ້ຈັດກອງປະຊຸມຄົ້ນຄວ້າ ແລະ ຮັບຮອງຢາພື້ນເມືອງເພື່ອປິ່ນປົວ ແລະ ຮັກສາຜູ້ປ່ວຍທີ່ຕິດເຊື້ອພະຍາດໂຄວິດ-19 ທີ່ແຂວງຈຳປາສັກ.

ໃຫ້ກຽດເປັນປະທ່ານໂດຍ ທ່ານ ປອ ວິໄລວົງ ບຸດດາຄຳ ເລຂາພັກແຂວງ ເຈົ້າແຂວງໆຈຳປາສັກ,ເຂົ້າຮ່ວມມີ ທ່ານ ສຈ.ດຣ ພອນເທບ ພົລເສນາ, ພຣະປຣີຊາອາຄົມວິພູສິດລິດທິວົງມຸນີ (ຮສ.ປອ ຄຳຕູ້ ອິນທະວົງ) ຮອງເຈົ້າຄະນະແຂວງ,ຫົວໜ້າກຳມາທິການສາລະນຸປະການແຂວງ ແລະ ມີພະແນກສາທາລະນະສຸກ,ຜູ້ອຳນວຍການໂຮງໝໍແຂວງຈຳປາສັກ, ພະນັກງານແພດໝໍພາກສະໜາມເຂົ້າ.
ປັດຈຸບັນ ຢາທີ່ໃຊ້ປິ່ນປົວ COVID-19 ແມ່ນມີບໍ່ພຽງພໍ ແລະ ການກີນຢາສະໝຸນໄພລາວ ເພື່ອປິ່ນປົວຄົນເຈັບຕິດເຊື້ອ ແມ່ນຍັງບໍ່ທັນມີການຈັດຕັ້ງປະຕິບັດ ແລະ ສຶກສາຢູ່ໃນປະເທດລາວ ເຊິ່ງຢາພື້ນເມືອງທີ່ຈະນຳໃຊ້ ເປັນຢາທີ່ສະກັດຈາກ ກະຊາຍຂາວ ແລະ ຢາຕົ້ມ.

ໂອກາດດັ່ງກ່າວ, ທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ, ໄດ້ມີຄຳເຫັນໃຫ້ ພາກສ່ວນທີ່ກ່ຽວຂ້ອງ ຕ້ອງຮິບຮ້ອນແຕ່ງຕັ້ງຄະນະຮັບຜິດຊອບ, ກຳນົດການຈັດຕັ້ງປະຕິບັດ, ແບ່ງວຽກ ຂອງ ຄະນະຊ່ຽວຊານ ສ້າງແຜນ ແລະກຳນົດຈຸດໃນການປິ່ນປົວ, ເພື່ອ ການເກັບ ແລະວິເຄາະຂໍ້ມູນ ໃຫ້ເຮົາສາມາດຮູ້ໄດ້ເຖິງປະສິດທິຜົນໃນການປິ່ນປົວພະຍາດ ໂດຍນໍາໃຊ້ຢາພື້ນເມືອງລາວ ທີ່ຜະລິດມາຈາກພູມປັນຍາຂອງຄົນລາວ. ພ້ອມທັງ ເປັນຂໍ້ມູນພື້ນຖານໃຫ້ແກ່ການສຶກສາໃນຂັ້ນຕໍ່ໄປ ເພື່ອພັດທະນາຢາພື້ນເມືອງລາວ ໃຫ້ມີຄວາມກ້າວໜ້າ

.

ຈາກ: ສະຕິມາ ປັນຍາເກີດ