ໂອ້ຍ ອິຕົນເດ! ເກີດເຫດເຮືອຕໍາກັນຈົນຫຼົ້ມຢູ່ກາງອ່າງນໍ້າໄຜ່ ສູນຫາຍ 5ຄົນ ຈາກທັງໝົດ 19ຄົນ

ໂອ້ຍ ອິຕົນເດ! ເກີດເຫດເຮືອຕໍາກັນຈົນຫຼົ້ມຢູ່ກາງອ່າງນໍ້າໄຜ່ ສູນຫາຍ 5ຄົນ ຈາກທັງໝົດ 19ຄົນ

14th October 2021 0 By Entertain

ຂໍ້ມູນຈາກນັກຂ່າວເມືອງລ່ອງແຈ້ງໃຫ້ຮູ້ວ່າ ເວລາປະມານ 17:00 ໂມງຂອງວັນທີ 13 ຕຸລາ 2021 ໄດ້ເກີດອຸບັດຕິເຫດເຮືອຕໍາກັນຫລົ້ມ ຢູ່ກາງອ່າງນໍ້າໄຜ່ ບ້ານໜອງພູນໄຊ ເມືອງລ້ອງແຈ້ງ ແຂວງໄຊສົມບູນ ຊຶ່ງມີຜູ້ສູນຫາຍ 5 ຄົນ.

ເຮືອທັງສອງລໍາດັ່ງກ່າວນີ້ ມີທັງໝົດ 19 ຄົນ ທີ່ກັບມາຈາກກ່ຽວເຂົ້າໄຮ່, ຊຶ່ງເຮືອທັງສອງລໍາ ໄດ້ຂັບໄລ່ກົ້ນກັນມາ ແລ້ວເກີດອຸປະຕິເຫດເຮືອຕຳກັນຢູ່ກາງແມ່ນໍ້າ ສາເຫດຍ້ອນຈັກເຮືອຂັດຂ້ອງ ເຮັດໃຫ້ເຮືອຫລົ້ມທັງ 2 ລຳ ໃນນັ້ນມີຜູ້ສູນຫາຍຈຳນວນ 5 ຄົນ, ຍິງ 3 ຄົນ.

ຊຶ່ງມີລາຍຊື່ດັ່ງນີ້ ທ້າວ ທອງພັນ ອາຍຸ 63 ປີ, ນາງ ວຽງ ອາຍຸ 55 ປີ, ນາງ ສອນ ອາຍຸ 21 ປີ, ທ້າວ ດວງ ອາຍຸ 22 ປີ, ນາງ ເດັກ ອາຍຸ 28 ປີ, ສ່ວນອີກ 14 ຄົນແມ່ນສາມາດລອຍນໍ້າເຂົ້າຝັ່ງໄດ້.

ຈຸດເກີດເຫດແມ່ນຫ່າງຈາກຝັ່ງປະມານ 100 ກວ່າແມັດ, ເລິກ 25 ແມັດ, ມາຮອດເວລານີ້ ຍັງບໍ່ທັນພົບຜູ້ສູນຫາຍທັງ 5 ຄົນເທື່ອ.
(ຂໍເປັນກຳລັງໃຈໃຫ້ຄອບຄົວຜູ້ສູນຫາຍເດີ)ລາຍລະອຽດຈະລາຍງານເພີ່ມຕື່ມ.