ກຽມຕົວເລີດຫຼູ ຕ້ອນຮັບຂະບວນລົດໄຟທຳອິດ ສູ່ແດນລ້ານຊ້າງ

ກຽມຕົວເລີດຫຼູ ຕ້ອນຮັບຂະບວນລົດໄຟທຳອິດ ສູ່ແດນລ້ານຊ້າງ

14th October 2021 0 By Education

ຂະບວນລົດໄຟນໍາໃຊ້ຫົວຈັກລົດໄຟຟ້າຂັບຜ່ານອຸໂມງມິດຕະພາບລາວ-ຈີນ ເພື່ອກະກຽມຈັດງານຕ້ອນຮັບ “ຂະບວນລົດໄຟລ້ານຊ້າງ”
ເພື່ອເປັນການຕ້ອນຮັບການມາຮອດຂອງລົດໄຟ ຂະບວນ “ລ້ານຊ້າງ”,ສູ່ດິນແດນລາວ ເປັນຄັ້ງທຳອິດ.

ຕອນຄໍ່າຂອງວັນທີ 13 ຕຸລາ 2021ນີ້, ທີມງານກຽມຂະບວນລົດໄຟໄດ້ນໍາໃຊ້ຫົວຈັກລົດໄຟຟ້າຂັບຜ່ານອຸໂມງມິດຕະພາບລາວ-ຈີນ ທີ່ຢູ່ຕິດກັບຊາຍແດນລະຫວ່າງລາວ-ຈີນ ເພື່ອມາກຽວຄວາມພ້ອມລົດໄຟ “ຂະບວນລ້ານຊ້າງ”ທີ່ຈະມາເຖິງໃນວັນທີ 15 ຕຸລາ 2021 ຢູ່ທີ່ສະຖານນີນະຄອນຫຼວງວຽງຈັນ ເຊິ່ງເປັນສະຖານນີທີ່ໃຫຍ່ທີ່ສຸດຂອງໂຄງການທາງລົດໄຟລາວ-ຈີນ.

ຕາມຂໍ້ມູນໃຫ້ຮູ້ວ່າ: ຂະບວນ “ລ້ານຊ້າງ” ກໍ່ຄືຂະບວນລົດໄຟ EMU ແມ່ນມີ 7 ຕູ້ 2 ຊັ້ນ 720 ບອ່ນນັ່ງ, ແຕ່ລະຕູ້ມີປະມານ 90 ບ່ອນນັ່ງ, ບ່ອນນັ່ງຊັ້ນ 1 ລວມມີ 56 ບ່ອນນັ່ງ, ບ່ອນນັ່ງຊັ້ນ 2 ມີ 662 ບ່ອນນັ່ງ ແລະ ບ່ອນນັ່ງພິເສດສຳລັບຄົນພິການ 2​ ບ່ອນນັ່ງ.

ດ້ານການອອກແບບຄະນະຊ່ຽວຊານອອກແບບໄດ້ນຳໃຊ້ສັນຍາລັກຂອງທຸງຊາດລາວເຮົາເປັນແຮງບັນດານໃຈໃນການອອກແບບ, ທຸງຊາດຂອງລາວປະກອບມີ 3 ສີ ຄື: ສີແດງ, ສິຟ້າ ແລະ ສີຂາວ. ສີແດງໝາຍເຖິງເລືອດເນື້ອຂອງນັກຮົບປະຕິວັດລາວ, ສີຟ້າຫມາຍເຖິງຄວາມອຸດົມສົມບູນທາງດ້ານຊັບພະຍາກອນທຳມະຊາດ ແລະ ສີຂາວຫມາຍເຖິງຄວາມສາມັກຄີຂອງຄົນລາວພາຍໃຕ້ການນຳພາຂອງພັກປະຊາຊົນປະຕິດລາວຄືດັ່ງດວງເດືອນ.

ຂໍ້ມູນ: ລົດໄຟລາວຈີນ